PONGAOPEIYU 1:8 - SHEEYU BAIBEL (BSI)

⁸ Chuchu buyu, raikinou buyu, alia thaikhaihi velaiyu khoukhoulai Ramai Mapaowo nou paoe, “Esü Alpha ea Omega süe.”

PONGAOPEIYU 1:8 Iomraidhean Croise

SHURAI 17:1

Abram nou po raiküakü payu phaki, Mapao nou puh hi zhu ngaopeia puh hisü paoe, “E hai Khoukhoulai Ramai nasüe. Achi zülo alia teisa nou kaozü nasü soulo.

SHURAI 28:3

Khoukhoulai Ramai panou neye hapei theo, alia ne vanou tounah alao ngaoloua panou tyahrü alao vei puo soulou theo.

SHURAI 35:11

Ramai nou puh hi paoe, “E hai Khoukhoulai Ramaie. Tounah alao hrülo. Tyahrü khemai ne hinou hrüvelai alia neye sü panou vemaitao vei puopaoh soulai.

SHURAI 43:14

Khoukhoulai Ramai panou mai honaye sü neletaoye zhuvea peilou theo alia sükua hona panou neletao thaihou ae Benjamin-a lukhai peitheo. Anah maitao hare touyu thaio E-a hare.”

SHURAI 48:3

Jakob nou Josef hisü paoe, “Khoukhoulai Ramai nou Kanaan teidei hi Luz tea kuyu buh sühinou Eye kouh zhungaoa shiha peie,

SHURAI 49:25

Ne puo vei Ramai nou neye sü soukha peiwe, Khoukhoulai Ramai nou neye sü shiha peiwe Peilo buyu rakiva vei shiha ae deikhe buyu shiha, kikhaorü ae tounah vei shiha khesü neye peiwe.

TAPALOUYU 3:14

Ramai nou Moses hi paoe, “E sü E baie. Ne taho Israel mai hisü haibüa paopeio: ‘E tea kuyu nanou Eye sü neletao hi seivewe.’”

TAPALOUYU 6:3

Enou Abraham hi, Isaak hi ae Jakob hi Khoukhoulai Ramai soua ve azhu ngaopeie, ana Enou puletao hisü sheeyu avei zhih Mapao tea kuyu nanou ve ngaopei moe.

ISAIAH 41:4

Thaonou haibüa vepayu khesü soupeie? Emai hrü arai nou chukoute haibüa hrükou louyu sü thao vanoue? Mapao, Esü araikha hinou bue, alia akhai hi-a Enou bulai.

ISAIAH 43:10

Mapao nou paoe, “Israel maitaore, neletao hai avei shaki soure maitao-e; E hai Mapao-e touyu neletao nou süloua Eye loucheloua tsü süku loure donou Enou dokupa louyu avei kilai maitao-e. Ajünou rai-a ramai kukhe ali-a ha-e; haithai-a ramai kukhe ali-a bulai moe.

ISAIAH 44:6

Mapao, Israel maivei Veo ae Khailupa-apeio, Khoukhoulai Mapao Ramai nou haibüa paoe, “Enou arai nasüe ae akhai na-a E baie, E baimoa ramai kukhe ali-a ha-e.

ISAIAH 48:12

Mapao nou paoe; “Enou kulouyu Israel maitao, achi sü keilo! E hai raikayu ae nakayu Ramai nasüe!

ISAIAH 9:6

Daiolouzü Etao hi nahtou ali napeie; Nahpoutu ali Etaoye peie! Ae puhnou Etao pei khopu soulai. Puh zhih sü “Khupa shoyu Soukha-apeio,” “Khoukhoulai Ramai,” “Teisa ahri Puo,” “Kaonayu Veo nahpoutu” tea kulai.

MAIPEI PHOUYU 24:4

Ramai nou paoyu chipao choulou süyu maina, Khoukhoulai Ramai hinou zho ngaoyuna kaoduta-a buyuma sheesha tea nou ngaolou süyu maina vei chipao.

2 KORINTHMAI 6:18

Esü neletao Puo soulai, alia neletaosü Anahpoutu mai ea Anah naotumaitao soulai tea khoukhoulai Mapaowo nou paoe.”

PONGAOPEIYU 1:11

Pai sünanou haibüa paoe, “Nenou ngaoyu taosü larübvü ali hi rüthoukhaio, alia larübvü süsü nuhdu anai haitao hi buyu lüloumaime hi süolouzü Ephesa, Smurna, Pergamam, Thuatira, Sardis, Philadelphia ea Laodikia haitaohi seive peikhaio.”

PONGAOPEIYU 1:17

Enou puhye ngaolouyu kisü, Esü thaimai libüa puhphi hinou kou kaotare, ana puhnou puh bah zhoulonou Ava hi pokhailoua haibüa paoe, “Pikhaiso! Esü araikhana ea nakhana süe.

PONGAOPEIYU 1:4

Johan nou Asia teideihi buyu lüloumaime anaihi rüe. Chuchu buyu raikinou buyu ea thaikhai hi velaiyu Ramai puh hinou, alia puhvei vebuh nghojünou buyu rako anaitao hinou,

PONGAOPEIYU 11:17

haibüa paoe: “Chuchu buyu ea raikinou buyu khoukhoulai Ramai Mapao! Ehnou neye kalo paowe, süolouzü nenou nevei khouko adu nasü poloua veo soushu loure!

PONGAOPEIYU 15:3

alia puletao sü Ramai kilai Moses vei lou ea Zhaotu süna vei lousü soua bue: “Khoukhoulai Ramai Mapao, nevei vahtaosü daizhozhou dusa ea khupasa! Oh tahrüh khemaitaopei Veo, nevei ludutaosü daizhohou kaozüsa ea chechesa!

PONGAOPEIYU 16:14

Sütaosü khupa vah soua laiyu rashitaovei rakotaoe. Rako asü hai taonou deiphao hi vemaitao hrülai hi Khoukhoulai Ramai vei teithe Adunaki reih süna donou puletaoye pove dzüloure tapare.

PONGAOPEIYU 16:7

Sühinou sheelabuh hinou pai alinou haibüa paoyu sü Enou choue, “Ovai Khoukhoulai Ramai Mapao nevei chikuyu taosü chechewe ea kaozüe!”

PONGAOPEIYU 19:15

Puhmü hinou haivei shoyu khocheli pawe ea sünanou poa puhnou tahrüh khemaitaoye sü koloulai. Puhnou puletaoye sü hu sü danou poa tukha-sahrülai, alia puhnou khoukhoulai Ramai vei rarou shoyu darkhadzü sühyu buh sü tailai.

PONGAOPEIYU 19:6

Süthaisü Enou maisou alaovei pai kuyu, dzüdu kho kuyu ea chihshoyu teisüyu kho kuyu pailinou haibüa paoyu choue, “Hallelujah! Daiolouzü Mapao, Eletao vei khoukhoulai Ramai nou Veo souloure!

PONGAOPEIYU 2:8

“Smurna hi buyu lüloumaimevei rakivamai nahi rükhaio: “Chi haitaosü araikha ea nakhana soua buyu, thailoua hripulou khaiyu puh chipaoe.

PONGAOPEIYU 21:22

Alia Enou nuhdu sühisü Rathoki alia ngaomoe, daiolouzü Khoukhou lai Ramai Mapaowo ea Zhaotou sünanou sünavei Rathokie.

PONGAOPEIYU 21:6

Alia puhnou Ahi paoe, “Haisü souchere! Esü Alpha ea Omega, shuraina ea akhaiwo nasüe. Rei-a buyu, maitali hisü ahri dzünghou hinou Enou panou sa-a küloulai.

PONGAOPEIYU 22:13

Ewo Alpha ea Omega, Araikhana ea Nakhana, alia Shuraiwo ea Akhaiwo nasüe.”

PONGAOPEIYU 4:8

Hrikhaona adai sütao ali linou shouh arou-rou pfüe, alia puletao phaole teitei hisü nghithounou phoutsüpfüa bue, alia puletao nou sokhaimoa khei-hea nou haibüa lousouwe: “Mashee, mashee, mashee, raiki nou buyu, chuchu buyu alia thaikhai hi velaiyu puhsü Khoukhoulai Ramai Mapaowo süe.”