PONGAOPEIYU 1:7 - SHEEYU BAIBEL (BSI)

⁷ Zhukhaio, puhsü teihao peinou laire! Mai hrülainou ea puhye heung nou khüyu maitao koute nou puhye sü ngaolai. Puh vanou deiphao hi maikhemai hrülainou do-a kralai. Südonou süsü sübüa pavu zülai! Amen.

PONGAOPEIYU 1:7 Iomraidhean Croise

JOB VEI LARÜBVÜ 33:26

puletao nou veachi paoyu sü Ramai nou kei-nou peilai, asa shoa puletao nou Ramai ye tholai; Ramai nou puletaoye souzüpu peilai.

LOUTAO 22:16

Sei nou sühao louyu büa maishi maime ali nou Eye sü sühao loure, puletao nou aphi bah sü pailoure.

LOUTAO 68:1

Ramai ye sü panou tashuloua puhye ngaobayu maitaoye sü panou soupho rarou laikhaio. Puhye ngaora-a buyu maitao hai panou puh nghoujü nou tutawo.

LOUTAO 97:2

Teihao ae azhi sünou puhye sühao-a nou bue; puhnou acheche ae kaozü sünou khasa-a hrüpeie.

ISAIAH 19:1

Chipao haisü Ejipt donou paoe. Taveih shoyu teihao phao nou Mapao sü Ejipt mai hi ve-e. Ejipt maivei bashara khesü puh nghoujünou pia ngure, alia Ejipt maivei khuveih nasü hatare.

DANIEL 7:13

Enou mai ali büa rakiva teihao nou koa jüpoa veyu avei zho kounou ngaoe, alia puhye sü teisa hria buyu nahisü sapoa koupeiwure.

NAHUM 1:3

Mapao hai shososoua lekha baiwe ana khouko dushoe, alia Mapao nou hatakilia mahye soushee moa phapei louhoe. Puh ludu hai rürai alia teikhai raroshi hinou bue, alia teihao hai Puh phi hi nai khao-e.

ZEKHARIAH 12:10

“Enou David tyaonahtao hi alia Jerusalem hi hrüa buyu mai teitei hisü zhuveayu ae maiye leshiyu rako nasü thoupeilai, sübüa puletao ye panou puletao nou southa khaitouyu mai naye zhuloua lah puh nah ali khei buyu na thaiyu büa dopfülai, alia nah narai na thaiyu büa shusoua koulilia kralai.

ZEKHARIAH 12:11

Süzhou teithe, Jerusalem hi buyu maitao nou dopfüyu hai Megiddo deikho hinou Haddadrim donou dopfüyu bülai.

MAIPEI PHOUYU 24:17

Enou haithai naki zhuyu phaki, Israel maivei tyahrü hai zhingao-e. Veo mai ali, vavei shoyu teivuh ali büa tyahrü süna hinou palai, zhaoyu vutao ali büa Israel mai hinou palai. Puhnou Moab maivei süthai-apei maitao pei hai dakho peilai, ae khaophu soua mai shiyu maiye sü puhnou danakou khaipeilai.

MATHIU 16:27

Daiolouzü Mai Nahpoutu hai puh Puo vei khouko ava hinou puh vei rakivamai taoye koa velai, alia sükisü mai hrülaiye lah lahnou soukhai touyu vahtao thaifüa puh nou buu peilai.

MATHIU 16:28

Chechenou Enou neletao hi paowe, Mai Nahpoutu nou Veo soua veyu puletao nou ngaoloumo koute thailaimoyu mai kamai buh haihinou la-a bue.”

MATHIU 24:30

Süthaisü ratei hinou Mai Nahpoutu vere shee nasü ngaolai, alia süthaisü deiphao hi Tahrüh khemai hrülainou khao khoulai, alia puletao nou Mai Nahpoutu nou khouko ea dushoyu khouko-ava nou pu raki teihao peinou taveyu sü ngaolai.

MATHIU 25:31

“Mai Nahpoutu nou khouko ava hinou rakivamai taoye koa veyu kisü, puhsü puhvei dushoyu vebuh hinou ve bulai.

MATHIU 26:64

Jisu nou puh hi chila peie, “Nenou sünasü paopare. Ana Enou neletao hrülaihi paowe, chu thainou Mai Nahpoutu nou Khoukhoulai Ramai bah zhoulo hinou bua raki teihao pei vanou taveyu neletao nou ngaolai!”

MARK 13:26

Sükisü Mai Nahpoutuwo nou dushoyu khouko ea khouko avanoupu teihao vanou taveyu sü puletao nou ngaolai.

MARK 14:62

Jisu nou chila peie, “E-e; alia Mai Nahpoutu nou khoukhoulaiwo vei bah zhoulo vanou bua raki teihaopei vanou taveyu neletao hrülainou ngaolai!”

LUK NOU RÜYU KO AVEIBVÜ 21:27

Alia sükisü Mai Nahpoutu nou khouko ea dushoyu khouko avanoupu teihao peinou taveyu sü puletao nou ngaolai.

JOHAN 19:34

Ana reihmaitao hrohinou mai alinou Jisu na hisü heung nou khüpeie, alia sübü hinou zhe alia dzü küpare.

JOHAN 19:37

Alia sheeyu larübvü buh kukhe ali hinou paoe, “Puletao nou heung nou khüyu puhye sü puletao nou zhulai.”

1 THESSALONIMAI 1:10

puhnah Poutu, puhnou athai hinou souhrishu louyuna sülouzü Eletaoye vere Ramai vei rarou hinou khailupa peiyu Jisu veresü kabüa neletao nou khoa busa touyu vanou puletao lahnou paongao-a bue.

1 THESSALONIMAI 4:17

süshonou süphaki hria buyu Eletaoye sü ratei vanou Mapaoye koa teihao vahi paive dzüloulai. Alia sükua Eletao nou Mapaoye koa teisanou hrülai.

EBRIAMAI 10:29

Sükuyu thaisü, kazhou koute shiyu tudeisü Ramainah Poutuye ngaorayu, alia puhye mah hinou soushee peiyu vo navei zhe sünaye souzhaiwuyu, alia zhuvea vei Rakoye sou ahrao peiyu mai sünanou ngaozüe tea nenou chowe?

EBRIAMAI 6:6

Alia sükuyu shonou puletao nou puletao vei lüsü thaore! Südonou puletaoye sü panou le dapu louyu hai tatei sholoure, daiolouzü puletao nou Ramainah Poutuye kros vanou veatheapu khaire ea puhye sü dua soungu peire.

1 JOHAN 3:2

Leshiyu Asakhemai, chuwo Eletao sü Ramai nah taore, ana thaikhai hisü Eletao sü daibü laisa touyu sü chuchu sheetou mohie. Ana Eletao nou süwe süolouzü Khrista nou veyu kisü, Eletao sü puh bülai, daiolouzü puh zhuh chekhaoyu süna hinou Eletao nou puhye sü ngaolai.

JUD VEI SEIKO 1:14

Alia mai sütao vanou Adam hinou maikha anai chena Enok nou haibüa thaikhai pare donou paoe, “Zhukhaio, Mapao nou Puhvei Sheeyu Rakivamai thetheye koa;

PONGAOPEIYU 22:20

Chi haitao teiteihi zhopaoh pei-a buyu puhnou paoe, “Ovai chechenou! Esü thala-a laire!” Amen. Vepeio, Mapao Jisu!

PONGAOPEIYU 22:4

Puletao nou puh zhusü ngaolai, alia puh zhihsü puletao puvahi rükhailai.

CHIKUAPEI MAITAO 5:31

Neye ngaobamai hrülai sü panou haibüa thaikhaiwo, Oh Mapao! Ana nevei samaitao-e panou teinghi payu büa valo! Ae teidei hisü po raidai kaona-a hrükou loue.