PONGAOPEIYU 1:6 - SHEEYU BAIBEL (BSI)

⁶ alia Puo ea puh Ramaiye kuvah soure donou puhnou Eletaoye sü panou napaomai taovei vedei ali souloure. Jisu Khrista hisü teisanou adusho ea khouko buyu sü souloutheo! Amen.

PONGAOPEIYU 1:6 Iomraidhean Croise

TAPALOUYU 19:6

avei napao maivei vedei ali soulai alia sheeyu tyahrü ali soulai.’ ”

ISAIAH 61:6

Alia neletaoye sü Mapao vei napao maitao, Ramai vei kilai maitao tea nou sülai. Tyahrütao vei kini khesü neletao nou toulai, ae puletao vei nangi khesü neletao vei kathe soulai.

DANIEL 4:34

“Po anai cheyu teithe zhousü, Nebukhadnezzar, Enou rakiva hi nghithou hepa zhue, alia avei tsü sü ahi dakhai veloue. Enou Kukulai hi Abuwo, teisa nou hria buyu Ramai ye tsükhoue ae Puhye paoshowe. Puhnou teisa adu-so nasü soua hrülai, alia puhvei vedei hai akhai touyu hae.

DANIEL 7:14

Puh hisü soulou süyu zü, kathe alia vedei zhure khouko teitei peiwure. Puhye sü panou mai hrülai, tyahrü teitei, ae la kukua paiyu mai veishi panou puhvei kuvah soulai, puh hisü teisa nou khasa-a hrüre khouko sü bulai, alia puhvei vedei hai hakhai toulai moe.

MATHIU 6:13

Alia Ehye athaohi süthailou peiwuso, ana Ehye ashina hinou vupapeio.’ (Daiolouzü Vedei, khouko ea khouko avasü teisanou neveie. Amen)

JOHAN 5:23

sükua puletao nou Puoye tsükhouyu kua Nahpoutuye-a mai hrülainou tsükhoulai. Nahpoutuye tsükhou moyu mai talinou puhye seiveyu Puo sünaye tsükhoumoe.

ROMMAI 11:36

Daiolouzü puhnou na teitei soupeie, alia na teitei sü puh vanou ea puhye donou hriwe. Ramai puhye sü teisanou paosholou khaio! Amen.

ROMMAI 15:6

Sübüa neletao hrülainou koa paili soua Eletao Mapao Jisu Khrista vei Ramai ea Puoye sü paosholai.

PHILIPPIMAI 2:11

alia Puo Ramaiye paoshoa Jisu Khrista hai Mapaowo süe tea mai hrülai nou du-a paopalai.

1 TIMOTHI 6:16

Puh likhei teisanou hribaie; puh hai maitalinoua tavelou hoyu avana hinou hrüwe. Maita linoua puhye ngaokhai mohie moa maita linoua puhye ngaolou hoe. Puh hisü tsükhouyu ea adu-sho sü teisanou buyu souloutheo! Amen.

EBRIAMAI 13:21

Kaonayu Ramai nou nelelao hisü puhnou lichoyu souloure donou neletao nou moshilaiyu na avei teitei peiyu sü souloukhaio, alia Jisu Khrista vanou puhye panou puhnou züpa vahsü Eletao hinou soulou khaio. Alia Khrista hisü teisanou adusho paoyu sü souloukhaio! Amen.

1 PITAR 4:11

Maita linou ko paodou louzü süsü Ramai chipaonou paodoulai, maita linou kuvah soulouzü süsü Ramai nou puh hi peikhai touyu khoukonou poa kuvah soulai, sükua Jisu Khrista vanou Ramaiye ha pfüphou hinou paosho loure soulai. Kathe ea adusho sü Jisu Khrista veie teisanou. Amen.

1 PITAR 5:11

Teisanou khoukosü puhvei soulouwo! Amen.

2 PITAR 3:18

Ana Eletao Mapao ea khailu-apeio Jisu Khrista vei zhuvea ea tsü hinou tobai soumoa dushulo. Puh hisü chua, akhainou khaikoute-a adushosü souloutheo! Amen.

JUD VEI SEIKO 1:25

Jisu Khrista vanou Eletao vei likhuyu Ramai, Khailu-apeio hisü, kathe, akukulai, khouko ea du-shosü daoraiki-a, chua ea akhai khailai koutea souloutheo! Amen.

PONGAOPEIYU 1:9

Jisu hinou neletaoye koa veayuhi-a, vedeihi-a ea shameayuhi-a zha ngaozhoa buyu neletao thaihou jürai Johan Esü Ramai vei chipao ea Jisu nou pongao peiyu chechena paodouyu vanou Patmos zaipeidei hinou bue.

PONGAOPEIYU 20:6

Hrishuyu raikhanahi lou zha ngaozho louyu puletaosü rako veishoyu ea sheeyu maitaoe! Athai ahai chenanou sübüyu maitao pei hisü khouko hare, ana puletaosü Ramai vei ea Khrista vei napaomaitao soulai, alia puletao nou puhye koa po theli ve-a bulai.

PONGAOPEIYU 4:11

“Eh Mapao ea Ramai! Newo adusho, tsükhouyu ea, khouko ngaozüe. Daiolouzü nenou na teitei soupeie alia ne leli hinou puletao sü veloue ea hriloue.”

PONGAOPEIYU 5:10

Alia nenou panou Eletao Ramaiye kuvah soure donou puletaoye napaomai vedei ali soupeire alia puletao nou deiphaosü tukha-sahrülai.”