PONGAOPEIYU 1:5 - SHEEYU BAIBEL (BSI)

⁵ alia cheche zhopaoh, athaimai hrohinou rairaikaia hrishu louyu ea deiphao vemaitao pei hi akhona Jisu Khrista hi nou zhuvea ea kaonayu sü neletao hi buyu souloutheo. Puhnou Eletaoye leshie, alia puhvei posheelayu athai nanou puhnou Eletaoye Eletao vei mah hinou do soupeire,

PONGAOPEIYU 1:5 Iomraidhean Croise

LOUTAO 51:2

Avei tsüle ashi teitei sü khüshee peio ae avei mahmo khesü soushee peio.

LOUTAO 72:11

Veo mai hrülai nou puhye khurülai, tyahrü veishi nou puhvei kuvah sü soulai.

LOUTAO 89:27

Enou puhye sü anahpoutu naraio nasü soupeilai, ae vemai hrülai hrohinou dukayu nasü soupeilai.

TSÜCHITAO 14:5

Louchelou veiyu shaki mai nou dayu chi pao moe; ana dayu la-apeio louzü dayu likhei pao baiwe.

ISAIAH 55:4

Enou puhye panou tyahrütao vei süthai-apei ae peikhowo sü soupeie, alia avei khouko khesü puh vanou maikhe mai hi ngaopeie.

DANIEL 2:2

Südonou puhnou keingumai, kheikhupado sümai, keingumai ae hrürayu mai hrülaiye tave puhnou me muyu nasü daitouwe touyu paopeio tea kupoa ve-e. Puletao nou veo nghoujü hi tave lalouyu phaki,

DANIEL 7:14

Puh hisü soulou süyu zü, kathe alia vedei zhure khouko teitei peiwure. Puhye sü panou mai hrülai, tyahrü teitei, ae la kukua paiyu mai veishi panou puhvei kuvah soulai, puh hisü teisa nou khasa-a hrüre khouko sü bulai, alia puhvei vedei hai hakhai toulai moe.

LEVIMAI LARÜBVÜ 13:58

Hakinou dzü shaowua loukhaora taoyu nasü hata louzü, puhnou na süna hai dzü shaopulai, ae na sünasü naanou hinou shee-a bailai.

ZEKHARIAH 13:1

“Sübüyu teithe veyu phaki, David kihikhamai alia Jerusalem hinou hrüa buyu maitao vei mah ae sheemoyutao khüsheere donou dzühou ali soupeilai.

MATHIU 20:28

Mai Nahpoutu koute-a sübüa puh hi panou kuvah soure donou vemoe, ana kuvah soure ea puh hrümai hai mai alaovei phapeimuh peire donou vebaie.”

MATHIU 28:18

Alia Jisu nou ngheiki takou loua puletao hi paoe, “Raki ea deiphao hi soulousü zü teitei Ahi thoupeiwure.

JOHAN 13:1

Chuo haihai Tachonüh vemo jübühi teithe nasüe. Jisu nou puhye donou deiphao haina thaowu-a puh Puohi tare phasü veloure touyu sü süloure. Puhnou deiphao hi puhmaitaoye teisanou leshi peia, akhai koute puletaoye puhnou leshipeie.

JOHAN 13:34

Enou neletao hi chikha ashuli peiwe; neletao alinou liye leshilo. Enou neletaoye leshi peiyu büa, neletao-a alinou liye leshi vuzülai.

JOHAN 15:9

Apuonou Eye leshi peiyu kua, Enou neletaoye leshi peire; Avei leshi hinou tobai soumoa bulo.

JOHAN 18:37

Südonou Pilatnou puh hi noue, “Sütoulouzü newo vemai aliwu?” Jisu nou chila peie, “Ehai vemai alie tea nenou paoe. Achechena vanou zhopaoh soure donou Eye nawure ea süna donou Esü deiphao hi veloubaie. Acheche hinou veyu mai talinou Apaisü chouwe.”

JOHAN 3:11

Chichenou Enou nehi paowe, Ehnou süyu nasü Ehnou paowe, alia Ehnou ngaolouyu na vanou Ehnou zhopaoh souwe; ana nelenou Eh vei zhopaoh popeibae.

JOHAN 3:16

Daiolouzü Ramai nou deiphao maiye leshishoyu donou puhnou puhvei likhuyu Nahpoutuye peire, südonou puhye louche louyu maitalisü hakhailai moe, ana teisa ahrisü ngaoloue.

JOHAN 3:32

Puhnou ngaolouyu ea choulouyu süna vanou puhnou zhopaoh souwe, ana maita linoua puh zhopaoh sü polou moe.

SEI-ATAMAI VAHTAO 20:28

Südonou lah neletao-a leikeilo ea Rako Mashinou neletaoye panou pei-akhomai soupeire donou neletao bah hi thoupeikhai touyu zhaokho me teiteiye zhutoulo. Ramai nou lah puh Nahpoutu zhe vanou hrülouyu puhvei lüloumaime pei-akhomai souloukhaio.

SEI-ATAMAI VAHTAO 26:23

Süolouzü khailu peiyu vei avana hai Jihudimai hi ea tahrüh kukhemai hi paosü peire donou Khrista hai vea vuzülai ea thaimai hronou rairaikai-a hrishuyu na soulai.”

ROMMAI 3:25

Puhvei athai vanou puhye panou maikhe mainou puhye lüyu vanou puletao mah khailu peire bo nasü souloure donou Ramai nou puhye sü thoupeire. Ramai nou puh hai chechebaie touyu ngaopeire donou haisü soubaie. Raikiwo puh hai shamea-a ea maikhemai mahsü ngaomo kheikheisoua bubaie;

ROMMAI 8:37

Moe, haitao teitei hinou Eletaowo Ehye leshi peiyu puh vanou reih koloumai jünou kouhie!

1 KORINTHMAI 6:11

Neletao kamai sü sübüyu maibaie. Ana neletaowo mah hinou soushee loure; neletaowo Ramai hi shee-a popeire, neletaowo Mapao Jisu Khrista zhih hinou ea Eletao Ramai vei Rako hinou Ramaiye koa souzü loure.

GALATIAMAI 2:20

Khristaye koa Eye sü Kros vanou veatheare; chu hria buyu nasü Emoe, ana Alekhe hinou hria buyu puhsü Khristae. Chu Enou vasou hinou hria buyu hrü haina hai Enou Eye leshi peiyu ea Adonou lah puhye thoupeiyu Ramai Nahpoutuye lüyu vanou hria bue.

EPHESAMAI 2:4

Ana Ramai vei zhuveahai alaosou buloure, alia Eletaoye donou puhvei leshihai dusho loure,

EPHESAMAI 5:2

Alia Khrista nou Eletaoye leshia kai nüveiyu na ea posheelayu na Ramai hi popeiyu büa lah puhye sü Eletaoye donou thoupeiyu sübüa neletao hrümai hai leshinou tukha-a hrüvuzülo.

PAODAKHAIYU CHIKHA 18:2

Puletao hai puletao thaihou jürai maitao hrohinou kaalo hae, Mapao nou puletao hi paopeiyu büa Puhnou puletao vei kikaa nasü baie.

PAODAKHAIYU CHIKHA 23:5

Sükuyuma, Balaam chi sü neletao vei Ramai Mapao nou keinou peimoe; anou chaa sü shiha hi souda thoupeie, daisounou touyuo neletao Ramai Mapao nou neletaoye leshie.

PAODAKHAIYU CHIKHA 7:8

Ana Mapao nou neletaoye leshiyu hai neletao paipao maitao hi puhnou chaachou soukhai touyu donou neletaoye khailupa peie, ae maivei qila soua buyu hinou neletaoye Ejipt hi veo Pharaoh bah hinou popa lahdo soupeie.

KOLOSSEMAI 1:18

Puhnou puhvei pfüphao, lüloumaivei pei nasüe; puhnou shurai nasüe, athai hinou naraiwo nasüe, sübüa puhnou ha teitei hinou raikhana soulai.

1 TIMOTHI 6:13

Na teiteiye ahri peiyu Ramai ea Pontia Pilat nghojünou puhvei lü nasü dukhea-a paopayu Khrista Jisu nghojünou,

1 TIMOTHI 6:15

Rako avei ea likhu baiyu Aku Kulai, süolouzü vemaipei Veo ea paopumaipei Mapaowo puh veresü teile kao avei hinou Ramai nou povepeilai.

EBRIAMAI 10:29

Sükuyu thaisü, kazhou koute shiyu tudeisü Ramainah Poutuye ngaorayu, alia puhye mah hinou soushee peiyu vo navei zhe sünaye souzhaiwuyu, alia zhuvea vei Rakoye sou ahrao peiyu mai sünanou ngaozüe tea nenou chowe?

EBRIAMAI 9:14

daizhozhou koua teisa halouho Rako vanou puh lah chaalia ha-a Ramai hi popeiyu Khrista zhenou Eletao vei lekhetsü nasü athai vahtao hinou hriyu Ramai kuvah souloure donou soushee peilaisa.

1 PITAR 1:19

ana chaalia hayu moa sheetouyu zhaotu büyu muhtei shoyu Khrista vei zhenou hrüloue.

1 JOHAN 1:7

Ana puhnou avahi buyu büa, Eletao nou ava hinou hrüa bulouzü, süthaisü Eletao sü alinou liye koa meime zholoure, alia puhnah Poutu, Jisu vei zhenou Eletaoye mah teitei hinou soushee peiwure.

1 JOHAN 4:10

Leshisü haire: haihai Ehnou Ramaiye leshiyu vanou moe, ana puhnou Eletaoye leshi peiyu vanoue ea Eletao mah khailu peiloure bo nasü souloure donou puh Nahpoutuye seive peire.

PONGAOPEIYU 11:15

Süthaisü rakivamai anai chenanou puh besü houng-e alia sühisü rakivanou pai kushoyu alaosou pai paloua haibüa paoe, “Deiphao vedei hai Eletao Mapao ea puhvei Khrista vedei souloure, alia puhnou teisa nou veo soua bulai!”

PONGAOPEIYU 11:3

Enou lousahnou bahnouyu Avei zhopaohmai ahaiye seivelai, alia puhai nou teithe 1,260 phasü Ramai chipao paodoulai.”

PONGAOPEIYU 17:14

Puletao nou Zhaotu süna pei hisü reih soulai; ana Zhaotu sünanou puhvei kulouyu, dolouyu, alia cheche-a puhthai fülaimaitaoye koa puletaoye sü koloulai, daiolouzü puhsü paopumaitao pei hi Mapaoe ea vemaitao pei hi Veo nasüe.”

PONGAOPEIYU 19:11

Süthaisü Enou rakisü houpa khaitoua ngaoe, alia zhukhaio, sühisü rhei kaali bue. Rhei sünaye pfüa laiyu puh zhihsü Louchelou-aveio ea Checheo tea kuwe. Acheche hinou puhnou chikuwe ea reih züwe.

PONGAOPEIYU 19:16

Puhvei zaoduna vahi ea puhvei dekeh vahisü “Vemaitao pei Veo ea paopumaitao pei Mapao” touyu zhihsü rüthou khaitoue.

PONGAOPEIYU 2:13

Nenou hrüa buyu buh sü Enou süwe, sühisü Saitan vei vebuh bue. Newo Azhih hinou cheche-a bue, alia Avei cheche zhopaoh sou-apeio Antipas ye Saitan nou buyu buh sühinou southeayu ki koutea newo Ahi lüa buyu hai hakia thaokhai moe.

PONGAOPEIYU 3:14

“Laodikia hi buyu lüloumaime vei rakivamai na hi rükhaio: “Chi haisü acheche ea chekhaoyu zhopaohsouwo, Ramai nou soukhai touyu teiteivei beihna, Amen puhvei chipaoe.

PONGAOPEIYU 7:14

Enou puh hi chila peie, “Dou-apeio, nenou süwe.” Alia puhnou Ahi paoe, “Mai haitaosü ngaopishoyu veahoyu hinou palouyu maitaoe. Puletao nou puletao vei zao aduna taosü shaowu-a sütaosü zhaotu zhenou soukaare.