PONGAOPEIYU 1:4 - SHEEYU BAIBEL (BSI)

⁴ Johan nou Asia teideihi buyu lüloumaime anaihi rüe. Chuchu buyu raikinou buyu ea thaikhai hi velaiyu Ramai puh hinou, alia puhvei vebuh nghojünou buyu rako anaitao hinou,

PONGAOPEIYU 1:4 Iomraidhean Croise

LOUTAO 90:2

Deichitao soupei mojü nou moa teideiphao soushumo jünou ne hai akhai hayu Ramai-e, ae haithai-a teisa nou bure Ramai sü ne baie.

TAPALOUYU 3:14

Ramai nou Moses hi paoe, “E sü E baie. Ne taho Israel mai hisü haibüa paopeio: ‘E tea kuyu nanou Eye sü neletao hi seivewe.’”

ISAIAH 11:2

Mapao vei Rako sünou puh hisü bupeilai, ae puh hisü ratsü, sükulou süyu tsü, maikhe maiye kholou süyu dokai, khouko, hasü alia Mapao ye piyu rako sü puh hi bulai,

ISAIAH 41:4

Thaonou haibüa vepayu khesü soupeie? Emai hrü arai nou chukoute haibüa hrükou louyu sü thao vanoue? Mapao, Esü araikha hinou bue, alia akhai hi-a Enou bulai.

ISAIAH 57:15

“E sü kuyu ae Sheeyu Ramai-e, alia teisa nou bure nasüe. E hai kuyu ae sheeyu buh hinou bue, anou leda louyu mai hi ae tainou soua laiyu mai hi-a E bue, sübüa puletaoye sü Enou sousava peilai ae puletao hi areih sü peilai.

MIKAH 5:2

Mapao nou paoe, “Oh Bethlehem Ephrathah, ne hai Judah hinou taikayu nuh ali baie, ana ne vanou Enou Israel maiye khopeire mai ali vepeilai, puhvei kikhamai hai daoh puopaoh maivei khaphao hinou vewe.”

ZEKHARIAH 3:9

Enou Joshua nghoujü hisü chuh ali panou pah anai pfüa khaipeilai. Chuh süna hisü Enou larücha rüthoukhai peilai, alia teithe ali levainou teidei haina vei mah khesü polai peiwulai.

ZEKHARIAH 6:5

Puhnou haibüa chila peie, “Haitao adai hai deiphao teitei hi Mapao vei nghoujü nou tapayu teikhai taoe.”

JOHAN 1:1

Shurai nou Chipao hai bue, Chipao hai Ramaiye koa bue, alia Chipao hai Ramaie.

SEI-ATAMAI VAHTAO 19:10

Haikua po ahaisü thaokhaimoa takoue. Südonou Asia teidei hi buyu maikhemai hrülainou süolouzü Jihudimai ea Greekmai taonou Mapao vei chipao sü chouloue.

SEI-ATAMAI VAHTAO 2:9

Eletao sü Parthia, Media ea Elam hinou; Mesopotamia, Judea ea Kappadokia hinou; Pontas ea Asia hinou,

ROMMAI 1:7

Südonou Enou Ramai nou leshiyu ea lah puhmai souloure donou kulouyu Rom hi buyu neletao hrülai hi rüwe: Eletao Puo Ramai ea Mapao Jisu Khrista nou neletao hi zhuvea ea kaonayu sü peitheo.

1 KORINTHMAI 1:3

Ramai Eletao Puo ea Mapao Jisu Khrista nou neletao hi zhuvea ea kaonayu peiyu sü souloutheo.

2 KORINTHMAI 1:2

Eletao Puo Ramai ea Mapao Jisu Khrista nou neletao hi zhuvea ea kaonayu peiyu sü souloutheo.

EBRIAMAI 13:8

Jisu Khrista hai doa, zhoua ea teisa nou kheihao baie.

JEMS 1:17

Veiyu ea licheyu sapeina teiteisü raki hinou ve; haisü avataovei Puo hinou ve, puh hisü datayu vanou takuyu moa khudayu ali-a hae.

PONGAOPEIYU 1:1

Larübvü haina hai Jisu Khrista nou pongao peiyutao shoshonou rüthouyu larübvü nasüe. Pongao peiyu haina hai Ramai nou Khristahi dai thala-a pavuzü lairesa touyu sü puhvei kilai taohi pongao peire donou peikhaitoue. Khrista nou sütaosü puhvei rakivamaiye puh kilai Johan hi seivepei-a puh hi panou süngaopeie,

PONGAOPEIYU 1:11

Pai sünanou haibüa paoe, “Nenou ngaoyu taosü larübvü ali hi rüthoukhaio, alia larübvü süsü nuhdu anai haitao hi buyu lüloumaime hi süolouzü Ephesa, Smurna, Pergamam, Thuatira, Sardis, Philadelphia ea Laodikia haitaohi seive peikhaio.”

PONGAOPEIYU 1:17

Enou puhye ngaolouyu kisü, Esü thaimai libüa puhphi hinou kou kaotare, ana puhnou puh bah zhoulonou Ava hi pokhailoua haibüa paoe, “Pikhaiso! Esü araikhana ea nakhana süe.

PONGAOPEIYU 1:20

Nenou Abah zhoulo vahinou teivuh anai ea meibvü dzü khaiyu buhtao ngaoyu sütaovei kukhaiyu kona louzü teivuh anaitaosü lüloumaime anai vei rakiva maitaoe, alia meibvü dzükhaiyu buh anaitao nou lülou maime anaitaoe.

PONGAOPEIYU 1:8

Chuchu buyu, raikinou buyu, alia thaikhaihi velaiyu khoukhoulai Ramai Mapaowo nou paoe, “Esü Alpha ea Omega süe.”

PONGAOPEIYU 1:9

Jisu hinou neletaoye koa veayuhi-a, vedeihi-a ea shameayuhi-a zha ngaozhoa buyu neletao thaihou jürai Johan Esü Ramai vei chipao ea Jisu nou pongao peiyu chechena paodouyu vanou Patmos zaipeidei hinou bue.

PONGAOPEIYU 16:5

Sühinou dzütao pei hi khoyu rakivamai sünanou haibüa paoyu sü Enou choue, Oh Chuchu buyu ea raikinou buyu masheeo, nenou chiku kouyu haitao sü kaozüe!

PONGAOPEIYU 2:12

“Pergamam hi buyu lüloumaime vei rakivamai nahi rükhaio: “Chi haisü thai-jü hri pfüyu haivei shoyu khoche süna buyu puh chipaoe.

PONGAOPEIYU 2:18

“Thuatira hi buyu lüloumaime vei rakivamai na hi rükhaio: “Chi haitaosü meikei büa keivavayu nghithou pfüyu ea puh phisü mei hinou pothou deiloua kukhai touyu peivavayu hu baosa kuyu Ramainah Poutu chipaoe.

PONGAOPEIYU 2:8

“Smurna hi buyu lüloumaimevei rakivamai nahi rükhaio: “Chi haitaosü araikha ea nakhana soua buyu, thailoua hripulou khaiyu puh chipaoe.

PONGAOPEIYU 22:16

“Jisu Enou lüloumaime taoye donou zhopaoh hainasü neletao hi peiloure Avei Rakivamai naye seivewe. Ehai David vei Ma ea Taonah, alia vavei shoyu Shona Teivuh nasüe.”

PONGAOPEIYU 22:8

Johan Enou haitao teiteisü chouloure ea ngaoloure. Alia Enou sütao choulouyu ea ngaolouyu thaisü, haitaoye Ahi pongao peiyu rakivamai süna phihinou kou Esü kaoloure, alia Esü puhye tholoure hinou buloure.

PONGAOPEIYU 3:1

“Sardis hi buyu lüloumaime vei rakivamai nahi rükhaio: “Chi haisü Ramai rako anai ea teivuh anai buyu puhvei chipaoe. Enou nevah taosü sü we; ne hrihie touyu zhihsü bue ana newo thaire!

PONGAOPEIYU 3:14

“Laodikia hi buyu lüloumaime vei rakivamai na hi rükhaio: “Chi haisü acheche ea chekhaoyu zhopaohsouwo, Ramai nou soukhai touyu teiteivei beihna, Amen puhvei chipaoe.

PONGAOPEIYU 3:7

“Philadelphia hi buyu lüloumaime vei rakivamai nahi rükhaio: “Chi haisü mashee ea checheyu puhvei chipaoe. David vei khareih sü puh hi bue, alia puhnou kikhu houpawu louzü, süsü maitalinoua khulouhoe, alia puhnou süsü khuwu louzü, süsü maitalinoua houpa louhoe.

PONGAOPEIYU 4:5

Vebuh süna hinou tei peivavayu, pairao ea teisüyu kho tyatyali pawe. Alia vebuh süna nghojü hisü mei keivava pfüa buyu meibvü anai bue, sütaosü Ramai vei rako anaitaoe.

PONGAOPEIYU 4:8

Hrikhaona adai sütao ali linou shouh arou-rou pfüe, alia puletao phaole teitei hisü nghithounou phoutsüpfüa bue, alia puletao nou sokhaimoa khei-hea nou haibüa lousouwe: “Mashee, mashee, mashee, raiki nou buyu, chuchu buyu alia thaikhai hi velaiyu puhsü Khoukhoulai Ramai Mapaowo süe.”

PONGAOPEIYU 5:6

Süthaisü Enou Zhaotu aliye vebuh tsüle hinou, hrikhaona adaitaonou ea tsümaitao nou sühao-a buyu sü ngaoe. Zhaotu sünasü raichoki datheayu kue. Sünavei kai anai ea nghithou anai bue. Nghithou sütaosü deiphao teiteihi seitayu Ramai vei rako anaitaoe.

PONGAOPEIYU 8:2

Sükisü Ramai nghojünou la-a buyu rakivamai anaiye Enou ngaoe, alia puletao hisü be anai peire.