PONGAOPEIYU 1:3 - SHEEYU BAIBEL (BSI)

³ Paosüyu rachi hainavei chipaotao phouyu puhsü rakoveie, alia chipao süsü keiloua larübvü hainahi rüthoukhai touyu sütao zülouyu puletaosü rakoveie! Daiolouzü sütao teitei palaiyu phasü ngheire.

PONGAOPEIYU 1:3 Iomraidhean Croise

TSÜCHITAO 8:34

Achi kei louyu maisü savayu maitao-e, teithechü avei rokhubomü hinou buyu maitao, avei kikhu bomü hinou khopoa buyu maitao sü vayu maitao-e.

JEREMIAH 51:61

Enou Seraiah hi paoe, “Nenou Babilon hi velouzü, rükhai touyu haitao teitei hai maikhe maiye panou chouloure donou phoungao peio,

MATHIU 24:15

“Südonou neletao nou Daniel rachi paolawo nou paokhai touyu ha-kare souzhaiyu ngaora sünanou sheeyu buh hinou la-a buyu ngaoyu kisü (phoua buyu puhnou süloukhaio!)

LUK NOU RÜYU KO AVEIBVÜ 11:28

Ana Jisu nou chila peie, “Süjüwo Ramai vei chipao chouloua süna zülouyutao nou rako veihie!”

ROMMAI 13:11

Süpeinou haihai dai teilechosa touyu süolouzü chu teile hai neletaoye donou zhia buyu hinou kaishuyu pha vuzüre touyu sü neletao nou süwe. Daiolouzü Eletao nou lülourai jünou chunou khailu peiyu hai Eletao hi nghipure.

ROMMAI 13:12

Kheipha hai cheyu laire, heapha sü ngheiteire. Südonou Eletao nou teizhi vei vah taosü thaowu laikhe ea teiva vei reih natao sü noulou laikhe.

1 PITAR 4:7

Na veishi vei akhai teilesü ngheire. Südonou neletao veachi pao-a buloure donou lahnou lahye tukha-a ea leikei-a bulo.

2 PITAR 3:8

Ana leshiyu Asakhemai, haina hai ngaipeiso! Süolouzü, Mapao nghojühiwo nai teithe ea po theli hai takuyu hae; puhye donou hai haisü kheihao baie.

PONGAOPEIYU 22:10

Alia puhnou Ahi paoe, “Larübvü haina hinou rachi paopakhai touyu chipaotaosü khei-a pokhaiwuso, daiolouzü haitao teitei palaiyu teilesü ngheiteire.

PONGAOPEIYU 22:12

Alia Jisu nou paoe, “Zhukhaio, Esü thala-a laire! Enou Avei buusü maikhemai hrülai hi lah lahnou souyu thaifüa peire donou Eye koa povewe.

PONGAOPEIYU 22:20

Chi haitao teiteihi zhopaoh pei-a buyu puhnou paoe, “Ovai chechenou! Esü thala-a laire!” Amen. Vepeio, Mapao Jisu!

PONGAOPEIYU 3:11

E thala-a laire. Maitalinoua nevei veo peirüsü saolou more donou, nehi buyu nasü soutao soua polo.