PONGAOPEIYU 1:2 - SHEEYU BAIBEL (BSI)

² alia Johan nou puhnou ngaoyu teiteisü paongao peie. Puhnou zhopaoh souyu sünawo louzü Ramai vei chipao ea Jisu Khrista nou pongaoyu cheche zhopaoh süna vanoue.

PONGAOPEIYU 1:2 Iomraidhean Croise

JOHAN 1:32

Alia Johan nou zhopaoh peia paoe, “Enou Rako hai khao büa raki vanou kou-a puh pei hi kou tao-a buyu ngaoe.

JOHAN 12:17

Jisu nou Lazarasye khüh hinou kupaloua puhye athai hinou souhri louyuki puhye koa buyu maisounou süna vanou zhopaoh soloure.

JOHAN 19:35

Süna ngaolouyu puhnou zhopaoh peire, alia puhvei zhopaoh sü cheche-e. Alia neletaoye panou louche loure donou puhnou acheche nasü paobaie touyu sü puhnou süwe.

JOHAN 21:24

Chi haitao vanou zhopaoh peiyu ea chi haitao rükhaiyu rozümai nasü hainae; alia puhvei zhopaoh hai chechewe touyu hai Eletao nou süe.

JOHAN 3:11

Chichenou Enou nehi paowe, Ehnou süyu nasü Ehnou paowe, alia Ehnou ngaolouyu na vanou Ehnou zhopaoh souwe; ana nelenou Eh vei zhopaoh popeibae.

SEI-ATAMAI VAHTAO 22:15

Daiolouzü nenou ngaolouyu ea choulouyu nasü maikhemai hrülai hi paongaore donou nenou puh zhopaohmai soulai.

SEI-ATAMAI VAHTAO 26:16

Ana ne kushu lalo, daiolouzü neye Akilai doloure donou Enou nehi ve ngaopeire. Nenou chuo taloua mai kukhemai hi zhou nenou Eye ngaolouyu vanou ea Enou nehi thaikhai ngaopeire sütao vanou zhopaoh soulai.

SEI-ATAMAI VAHTAO 4:20

daiolouzü Ehwo Ehnou ngaoyu ea chouyu nasü paomo shalouhoe.”

1 KORINTHMAI 1:6

Khrista vanou paokhai touyu chipao sü neletao hronou soutaosoua poloure,

1 KORINTHMAI 2:1

Athaihou jürai khemai, Enou neletao hi veyu kisü, chi-la veinou moa tsü veinou sei-a Ramai vei pongaopei khaitouyu acheche nasü paongaopoa vemoe.

1 JOHAN 1:1

Shurai hinou buyu ahri Chipao süna vanou Ehnou neletao hi rüwe. Sünasü Ehnou chouloure, alia süsü Eh nghithou nou ngaoloure; ovai, Ehnou süsü ngaoloua Eh bahnou süsü deiloure.

1 JOHAN 4:14

Alia Eletao nou ngaoloua zhopaoh souwe süolouzü Puo nou puhnah Poutuye deiphao vei khailu-apeio soupeire donou seive.

3 JOHAN 1:12

Mai hrülainou ea acheche sünanou-a Demetria vanou zhopaoh avei peiwe. Eletao-a puh vanou zhopaoh avei peiwe ea Eletao vei zhopaohsü chekhaoe touyu sü nelenou süwe.

PONGAOPEIYU 1:11

Pai sünanou haibüa paoe, “Nenou ngaoyu taosü larübvü ali hi rüthoukhaio, alia larübvü süsü nuhdu anai haitao hi buyu lüloumaime hi süolouzü Ephesa, Smurna, Pergamam, Thuatira, Sardis, Philadelphia ea Laodikia haitaohi seive peikhaio.”

PONGAOPEIYU 1:19

Südonou nenou ngaolouyu, süolouzü chuchu pa-a buyu ea thaikhaihi palaiyu sütaosü rükhaio.

PONGAOPEIYU 1:9

Jisu hinou neletaoye koa veayuhi-a, vedeihi-a ea shameayuhi-a zha ngaozhoa buyu neletao thaihou jürai Johan Esü Ramai vei chipao ea Jisu nou pongao peiyu chechena paodouyu vanou Patmos zaipeidei hinou bue.

PONGAOPEIYU 12:11

Alia Eletao thaihou jürai maitao nou zhaotu sünavei zhe ea puletao zhopaohvei chipao süna vanou puhye sü koloure, daiolouzü puletao nou thai koute puletao vei hrümaisü pakhaimoe.

PONGAOPEIYU 12:17

Sühinou zai nghoudu nanou naotupai süna pei hisü rarouloua, puh tao-nahmaitao, Ramai chikha züyumai hrülai ea Jisu nou pongao peiyu achechena hinou cheche-a buyu maitao pei hi reih züre donou tare.

PONGAOPEIYU 20:4

Süthaisü Enou vebuhtaosü ngaoe, alia sütao vahinou buyu puletao hisü chikupeire khoukosü peire. Alia Jisu nou pongao peiyu cheche ea Ramai vei chipao paodouyu vanou peideyu maitao vei rakotaosü Enou ngaoe. Puletao nou khaosou sünaye moa puhvei zhu raiyu bashara naye thomoe, alia puletao puva hi moa puletao bah hi khaosou sünavei shee nasü pfülai moe. Puletao nou hrishuloua Khristaye koa po theli sü ve-a hrüe.

PONGAOPEIYU 22:21

Eletao Mapao Jisu Khrista vei zhuvea nou neletao hrülaiye koa buyu sü souloutheo. Amen.

PONGAOPEIYU 6:9

Alia Zhaotu sünanou paoshee angou chena hapayu kisü Ramai vei chipao paodouyu vanou ea puletao nou cheche-a zhopaoh souyu donou southeawuyu rako sütaoye sü sheelabuh khehinou Enou ngaoe.