PONGAOPEIYU 1:16 - SHEEYU BAIBEL (BSI)

¹⁶ Puhbah zhoulo vahinou teivuh anai keipoa bue, alia puhmü hinou thai-jü hri pfüyu khoche ali pae, alia puh zhusü vavei shoyu heako hi teinghi va kue.

PONGAOPEIYU 1:16 Iomraidhean Croise

JOB VEI LARÜBVÜ 38:7

Deiphao soupeiyu teithe hai vutao nou sashoa lou souzhoe, alia rakiva maitao-a sashoa lou soue.

LOUTAO 45:3

Oh Aduso nare, nevei khouko ava ae veilou kolouyu sünou nevei khoche sü khya hi khipfülo.

SOLOMON VEI LOU 6:10

Teithe payu zhai büa buyu, khouh büa hüveiyu, teinghi büa vaveiyu, reihmai nou sahra polaiyu büa ngaopi-a buyu hai nahai thaowe?

ISAIAH 11:4

ana acheche hisü nou touha laimai vei chi sü kupeilai, alia veaho laimai vei zü sü vupa peilai. Puhvei kharochi hisü nou kaozü moyu maikheye sü tudei peilai, alia mai ashi maitao sü thaita-a bailai.

ISAIAH 24:23

Süthaisü khouh nou zhita bailai, ae teinghi-a vamo ta-a bailai, daiolouzü Khoukhoulai Mapao nou Jerusalem hi buyu Zion deichi vanou veo soua puhnou khosa-a hrülai, alia maikhe mainou puhvei khouko ava sü ngaolai.

ISAIAH 49:2

Puhnou amü sü hei veishoyu khoche ali büa soupeie, puhnou puh bah sünou Eye vupa peie. Puhnou Eye voulouthou pei southou tsüphi khaitouyu ali büa soupeie, puhvei voulouthou pfüyu bvü hinou puhnou Eye poku peie.

DANIEL 12:3

Tsüveiyu mai sü ratei hi vayu büa valai, ae checheyu hilonou maiye doupei khaitouyu mai hai teisa teivuh büa valai.”

DANIEL 8:10

Puhnou khouko bukheyu ae dupoa kheyu hai rakiva reihmai koutea reih soulou süre, alia puhnou teivu kamai-a deiphao hi soudekou phinou taicha peie.

MALAKAI 4:2

Ana azhih ngaopi-a laiyu neletao donou avei khailu peiyu vei khouko hai teinghi büa palai, ae souvei peiyu shouh pfüa palai. Vee hinou payu chotu nou asasho-a choyu büa neletao nou cholai.

MATHIU 17:2

Alia Jisu hai puletao nghojü nou zhu datare, alia puh zhuhai teinghi büa valoure ea puhvei sahnühai kaathou peivava loure.

SEI-ATAMAI VAHTAO 26:13

headei pha hinou, He Veo, teinghi jünou vaveiyu ava alinou raki vanou E ea Eye koa veihdu hinou laiyu maitao thaijühi kou varu louyu sü ludu hinou Enou ngaoe.

EPHESAMAI 6:17

Alia khailu louyuhai reih peirü büa ea Rako nou neletao hi peikhai touyu Ramai chipao hai khoche büa polo.

EBRIAMAI 4:12

Daiolouzü Ramai vei chipaowo hriwe ea khou-chihwe, alia hri ahai pfüyu khoche tali jünou haivei shohie. Sünanou hrirai ea rako kole hi, soukou ea soukei kolehi khüthoulou baiwe, alia emai le hinou züpa-a ea cho-a buyu taosü sülouwe.

PONGAOPEIYU 1:20

Nenou Abah zhoulo vahinou teivuh anai ea meibvü dzü khaiyu buhtao ngaoyu sütaovei kukhaiyu kona louzü teivuh anaitaosü lüloumaime anai vei rakiva maitaoe, alia meibvü dzükhaiyu buh anaitao nou lülou maime anaitaoe.

PONGAOPEIYU 10:1

Süthaisü Enou kukhe khouchihyu rakivamai ali raki vanou takouyu ngaoe. Puhye sü teihaonou zükhaitoue ea puh peiva hisü rüraipao ali haopfüa bue, alia puh pahsü teinghi kue ea puh phisü meikatao kue.

PONGAOPEIYU 12:1

Süthaisü rakiva hi nou khupa shoyu sheeli ngaoe. Süolouzü sühisü naotumai alisü teinghi nou bahnoua ea khousü puh phinou taipfüa bue, alia puh peiva hisü teivuh kiahai vei veo peirü ali bue.

PONGAOPEIYU 19:15

Puhmü hinou haivei shoyu khocheli pawe ea sünanou poa puhnou tahrüh khemaitaoye sü koloulai. Puhnou puletaoye sü hu sü danou poa tukha-sahrülai, alia puhnou khoukhoulai Ramai vei rarou shoyu darkhadzü sühyu buh sü tailai.

PONGAOPEIYU 19:21

Alia puhaivei reihmaitaoye sü rhei pfüyuna mü hinou payu khoche sünanou daothea khaire; alia raohou veishinou puletao vei vasousü toulousü touloua pou phoutsü loure.

PONGAOPEIYU 2:1

“Ephesa hi buyu lüloumaime vei rakivamai nahi rükhaio: “Chi haitaosü bah zhoulo vanou teivuh anai keipoa buyu ea sana meibvü dzükhaiyu buh anaitao hronou talaia buyu maisüna vei chipao nasüe.

PONGAOPEIYU 2:12

“Pergamam hi buyu lüloumaime vei rakivamai nahi rükhaio: “Chi haisü thai-jü hri pfüyu haivei shoyu khoche süna buyu puh chipaoe.

PONGAOPEIYU 2:16

Südonou ledalo! Sükumo louzü Enou nehi thala taveloua Amü hi buyu khoche sünanou puletao pei hisü reih zülai.

PONGAOPEIYU 3:1

“Sardis hi buyu lüloumaime vei rakivamai nahi rükhaio: “Chi haisü Ramai rako anai ea teivuh anai buyu puhvei chipaoe. Enou nevah taosü sü we; ne hrihie touyu zhihsü bue ana newo thaire!

CHIKUAPEI MAITAO 3:16

Ehud nou lah puhye donou pahvai thaivai heipfüyu, sentimitar raingou phali shoyu khoche ali souloure. Puhnou sünasü sah khenou puh bah zhoulova hi khikhai loure.

CHIKUAPEI MAITAO 5:31

Neye ngaobamai hrülai sü panou haibüa thaikhaiwo, Oh Mapao! Ana nevei samaitao-e panou teinghi payu büa valo! Ae teidei hisü po raidai kaona-a hrükou loue.