PONGAOPEIYU 1:11 - SHEEYU BAIBEL (BSI)

¹¹ Pai sünanou haibüa paoe, “Nenou ngaoyu taosü larübvü ali hi rüthoukhaio, alia larübvü süsü nuhdu anai haitao hi buyu lüloumaime hi süolouzü Ephesa, Smurna, Pergamam, Thuatira, Sardis, Philadelphia ea Laodikia haitaohi seive peikhaio.”

PONGAOPEIYU 1:11 Iomraidhean Croise

ISAIAH 30:8

Maikhe mainou kabüa hrüa bue touyu khesü larübvü ali hi rükhailo, sübüa puletao hai daizhou koute shisa touyu sü panou teisa bure donou khailo, tea Ramai nou ahi paoe.

JEREMIAH 30:2

ahi haibüa paoe, “Enou ne hi paoyu veishi sü larübvü hi rüthoulo,

HABAKKUK 2:2

Mapao nou ahi haibüa chila peie: “Sheesha teanou Enou ne hi ngaopeiyu nasü naikü phaohi rükhailouwo, süsü panou maiye ngaoha loua choloure donoue.

SEI-ATAMAI VAHTAO 16:14

Eletao chi kei-a buyu naotumai aliwo louzü maomüyu sah zhoyu Thuatira nuhdu hi mai Ludia touyu pai süe. Puh hai Ramaiye lenoua thoyu naotumai alie. Paul nou chi paoyu sü panou soutaosoua keiloure donou Mapao nou puh lesü houpeire.

SEI-ATAMAI VAHTAO 18:24

Alia sübüyu teile hinou Alekjandria nuhmai Apollos tea kuyu Jihudimai alisü Ephesa hi tave. Puh hai chi paovei shoyu ea sheeyu larübvü süshoyu mai alie.

SEI-ATAMAI VAHTAO 20:17

Alia Paul nou Mileta hinou Ephesa hi maiye seive-a panou lüloumaime hi tsümaitaoye nou puhye daore donou puh hi ku-save.

1 KORINTHMAI 15:32

Enou emai zhaido hinou Ephesa hi khaosoutaoye reihzü bailouzü, sünanou Eye donou dai zhiyu bue? Alia thaimaitao sü hrishu molouzü, süthaisü haibüa paoyu kua, “Eletao sü tou-sho laikhe, daiolouzü Eletao hai doso thaibailai.”

1 KORINTHMAI 16:8

E Ephesa hai hinou Pentekos teithe koutesü chao-a bulai,

EPHESAMAI 1:1

Ramai leli hinou Khrista Jisu vei sei-atamai ali soua buyu Paul hinou— Khrista Jisu hinou cheche-a buyu sheeyu maitao hi rüwe.

PAODAKHAIYU CHIKHA 31:19

“Südonou lou haina sü rükhailo, ae Israel mai hi doupeio; puletao-a panou lou hainasü soukhaio, sübüa lou haina panou Etao kohisü shaki soulai.

KOLOSSEMAI 2:1

Enou neletaoye donou, Laodikia hi maitao donou ea Azhu ngaomoyu puletao hrülai donou daizhozhou te-a vah sousa touyu sü neletao hi paongaolai.

1 TIMOTHI 1:3

Enou Makedonia hilo tayuki nehi paopeiyu büa Enou neye panou Ephesa hinou nai-a bunüwe. Daiolouzü mai kamainou amada lüzhai sü doupeia bure, alia puletaoye sübüa doupeiyu hinou bailoure nenou kharochi peikhaio.

PONGAOPEIYU 1:17

Enou puhye ngaolouyu kisü, Esü thaimai libüa puhphi hinou kou kaotare, ana puhnou puh bah zhoulonou Ava hi pokhailoua haibüa paoe, “Pikhaiso! Esü araikhana ea nakhana süe.

PONGAOPEIYU 1:19

Südonou nenou ngaolouyu, süolouzü chuchu pa-a buyu ea thaikhaihi palaiyu sütaosü rükhaio.

PONGAOPEIYU 1:2

alia Johan nou puhnou ngaoyu teiteisü paongao peie. Puhnou zhopaoh souyu sünawo louzü Ramai vei chipao ea Jisu Khrista nou pongaoyu cheche zhopaoh süna vanoue.

PONGAOPEIYU 1:20

Nenou Abah zhoulo vahinou teivuh anai ea meibvü dzü khaiyu buhtao ngaoyu sütaovei kukhaiyu kona louzü teivuh anaitaosü lüloumaime anai vei rakiva maitaoe, alia meibvü dzükhaiyu buh anaitao nou lülou maime anaitaoe.

PONGAOPEIYU 1:4

Johan nou Asia teideihi buyu lüloumaime anaihi rüe. Chuchu buyu raikinou buyu ea thaikhai hi velaiyu Ramai puh hinou, alia puhvei vebuh nghojünou buyu rako anaitao hinou,

PONGAOPEIYU 1:8

Chuchu buyu, raikinou buyu, alia thaikhaihi velaiyu khoukhoulai Ramai Mapaowo nou paoe, “Esü Alpha ea Omega süe.”

PONGAOPEIYU 10:4

Alia teisüyuvei pai sütaonou chi paocheyu thaibü hisü Esü rüthoulai tea bure, ana raki hinou pai alinou haibüa paoyu sü Enou choue, “Teisüyu anaitao nou paoyu sü khei-a khailou baio; alia süsü rüthouwuso!”

PONGAOPEIYU 14:13

Süthaisü raki vanou pai alinou haibüa paoyu Enou choue; “Haisü rükhaio: chu shonou Mapaowo vei kuvah souyu hinou thaiyu maisü rakoveie!” Rakonou chila peie, “Ovai achechenou! Puletao nou puletao vei te-a vah souyu hinou soloulai, daiolouzü puletao vahnou puletao thaifüwe!”

PONGAOPEIYU 19:9

Alia rakivamai sünanou Ahi paoe, “Haisü rüthoukhaio: Zhaotu sünavei sheenghiyu tovaihi vere kulouyu puletaosü rako veie.” Alia puhnou paopukhaie, “Haitaosü Ramai vei cheche chipaotaoe.”

PONGAOPEIYU 2:1

“Ephesa hi buyu lüloumaime vei rakivamai nahi rükhaio: “Chi haitaosü bah zhoulo vanou teivuh anai keipoa buyu ea sana meibvü dzükhaiyu buh anaitao hronou talaia buyu maisüna vei chipao nasüe.

PONGAOPEIYU 2:12

“Pergamam hi buyu lüloumaime vei rakivamai nahi rükhaio: “Chi haisü thai-jü hri pfüyu haivei shoyu khoche süna buyu puh chipaoe.

PONGAOPEIYU 2:18

“Thuatira hi buyu lüloumaime vei rakivamai na hi rükhaio: “Chi haitaosü meikei büa keivavayu nghithou pfüyu ea puh phisü mei hinou pothou deiloua kukhai touyu peivavayu hu baosa kuyu Ramainah Poutu chipaoe.

PONGAOPEIYU 2:24

“Ana Thuatira hi buyu kukhe neletaowo louzü ashi doupeiyu haina thaifüa tamoe; neletaowo, thoushoyu Saitan vei kheitsü tea kamainou kua buyu nasü doulou moe. Enou neletao hi paowe süolouzü Enou neletao pei hi kou süyu halia pokhai laimoe.

PONGAOPEIYU 2:8

“Smurna hi buyu lüloumaimevei rakivamai nahi rükhaio: “Chi haitaosü araikha ea nakhana soua buyu, thailoua hripulou khaiyu puh chipaoe.

PONGAOPEIYU 21:5

Sükisü vebuh vahinou chobuyu puhnou paoe, “Zhukhaio, Enou na teiteisü soushu peire!” alia puhnou Ahi paopukhaie; “Haisü rükhaio, daiolouzü chipao haitaosü louchelouveie ea chechewe.”

PONGAOPEIYU 22:10

Alia puhnou Ahi paoe, “Larübvü haina hinou rachi paopakhai touyu chipaotaosü khei-a pokhaiwuso, daiolouzü haitao teitei palaiyu teilesü ngheiteire.

PONGAOPEIYU 22:16

“Jisu Enou lüloumaime taoye donou zhopaoh hainasü neletao hi peiloure Avei Rakivamai naye seivewe. Ehai David vei Ma ea Taonah, alia vavei shoyu Shona Teivuh nasüe.”

PONGAOPEIYU 3:1

“Sardis hi buyu lüloumaime vei rakivamai nahi rükhaio: “Chi haisü Ramai rako anai ea teivuh anai buyu puhvei chipaoe. Enou nevah taosü sü we; ne hrihie touyu zhihsü bue ana newo thaire!

PONGAOPEIYU 3:14

“Laodikia hi buyu lüloumaime vei rakivamai na hi rükhaio: “Chi haisü acheche ea chekhaoyu zhopaohsouwo, Ramai nou soukhai touyu teiteivei beihna, Amen puhvei chipaoe.

PONGAOPEIYU 3:4

Ana Sardis hi buyu neletao hrohinou mai daotuwo louzü puletao vei sabanüh soutei mohie. Puletao nou sahkaa ba-a Eye koa talaitalai, daiolouzü puletao nou süsü souzüe.

PONGAOPEIYU 3:7

“Philadelphia hi buyu lüloumaime vei rakivamai nahi rükhaio: “Chi haisü mashee ea checheyu puhvei chipaoe. David vei khareih sü puh hi bue, alia puhnou kikhu houpawu louzü, süsü maitalinoua khulouhoe, alia puhnou süsü khuwu louzü, süsü maitalinoua houpa louhoe.