PONGAOPEIYU 1:1 - SHEEYU BAIBEL (BSI)

¹ Larübvü haina hai Jisu Khrista nou pongao peiyutao shoshonou rüthouyu larübvü nasüe. Pongao peiyu haina hai Ramai nou Khristahi dai thala-a pavuzü lairesa touyu sü puhvei kilai taohi pongao peire donou peikhaitoue. Khrista nou sütaosü puhvei rakivamaiye puh kilai Johan hi seivepei-a puh hi panou süngaopeie,

PONGAOPEIYU 1:1 Iomraidhean Croise

LOUTAO 25:14

Mapao hai puhvei chi züa buyu maitao vei samai khamai-e, ae puhnou koa vo soukhai touyu nasü puletao hi süngao peie.

DANIEL 8:16

Alia Ulai rei pe hinou pai ali haibüa paoyu Enou choue, “Gabriel, zho ngaoyu nasü daivanou ngaowe touyu mai haina hi paopeio.”

DANIEL 9:21

Enou veachi paoa buyu phaki, raiki avei zho hinou ngaoyu rakivamai Gabriel nou koukhe posheelayu teile hinou ahi zhaove-e.

DANIEL 9:23

Nenou Ramai hi veachi paota arai hinou, nenou khoyu nasü puhnou noupeiwure, alia süsü ne hi paopeire donou E vewe, daiolouzü Ramai nou neye leshie. Südonou chipao nasü tsücholo ae zho ngaoyu nasü sütou toulo:

AMOS 3:7

Rachi paola-apei mai hi süngao peikhai toumoa Mapao Ramai hai haliro souwu moe.

JOHAN 12:49

Daiolouzü lah Amadonou chi paopamoe; ana Eye seiveyu Apuonou dai paolai ea kabüa paolai touyu chikhasü Ahi peikhaitoue.

JOHAN 15:15

Enou neletaoye kilaitao tea kupu more, daiolouzü kilai nanou puhvei paopunou dai sousa touyu sümoe. Ana Enou neletaoye samaitao tea kuloure, daiolouzü Enou Apuo hinou choulouyu teiteisü neletao hi Enou paongao peire.

JOHAN 17:8

daiolouzü nenou Ahi peikhai touyu chipao taosü Enou puletao hi peire, alia sütaosü puletao nou poloure ea Esü nehinou ve touyu sü puletao nou chekhaoa süloure; alia nenou Eye seive peie touyu sü puletao nou louche loure.

JOHAN 3:32

Puhnou ngaolouyu ea choulouyu süna vanou puhnou zhopaoh souwe, ana maita linoua puh zhopaoh sü polou moe.

JOHAN 8:26

Enou neletao vanou paore ea chikure alaosou bue; ana Eye seive peiyu puhsü chekhaoe, alia Enou puh hinou choulouyu nasü deiphao mai hi Enou paongao peiwe.”

ROMMAI 16:25

Eletao Ramaiye paosho laikhe! Enou Jisu Khrista vanou paodouyu Ko Aveina ea dao deiphao soushu rainou khei-a khaikhai touyu kheitsüna pongao peiyu thaifüa, puhnou neletaoye panou neletao vei lü hinou khouchi-a lalou süe.

GALATIAMAI 1:12

Daiolouzü süsü Enou maitali hinou ngaoloumoe, moa maitalinou süsü Ahi doupei moe, ana Jisu Khrista puh lahnou süsü Ahi pongao peibaie.

EPHESAMAI 3:3

Ramai nou puhvei kheitsü nasü pongao peia süsü Ahi süngao peie. (Enou süvanou dzüshoa rüre,

TITA 1:1

Haisü Ramai kilaio ea Jisu Khrista vei sei-atamai ali soua buyu Paul hinoue. Ramai nou dolouyu maitao vei lü nasü soukha peire donou ea puletaoye Eletao rahrüzhai nou doupei khaitouyu acheche nahi süthou peiloure donou Eye doloure ea seipeiwure,

PONGAOPEIYU 1:19

Südonou nenou ngaolouyu, süolouzü chuchu pa-a buyu ea thaikhaihi palaiyu sütaosü rükhaio.

PONGAOPEIYU 1:9

Jisu hinou neletaoye koa veayuhi-a, vedeihi-a ea shameayuhi-a zha ngaozhoa buyu neletao thaihou jürai Johan Esü Ramai vei chipao ea Jisu nou pongao peiyu chechena paodouyu vanou Patmos zaipeidei hinou bue.

PONGAOPEIYU 17:1

Süthaisü pai anai poa buyu rakivamai anaitao hrohinou alinou Ahi taveloua paoe, “Tavelo, rei alao ngheiki hinou soupakhai touyu nuhdu aduna, süolouzü zhih tashoyu khakha paiye chikuyu sü Enou ne hi pongaolai.

PONGAOPEIYU 19:10

Sühinou Esü puhye tholoure donou puhphi hinou kou kaoloure. Ana puhnou Ahi paopeie, “Nenou, haibüa souwu laimoe! E-a neye ea Jisu vei zhopaoh soua buyu ne thaihou jürai maitaoye koa kilai souyu maibaie. Ramaiye tholo!” Daiolouzü Jisu vei zhopaoh sünawo louzü rachi paola payu vei rako sünasüe.

PONGAOPEIYU 19:9

Alia rakivamai sünanou Ahi paoe, “Haisü rüthoukhaio: Zhaotu sünavei sheenghiyu tovaihi vere kulouyu puletaosü rako veie.” Alia puhnou paopukhaie, “Haitaosü Ramai vei cheche chipaotaoe.”

PONGAOPEIYU 21:2

Alia Mashee Nuhdu, ashee Jerusalem nasünou puh chaaye daore donou tutou khaitoua souda cheyu nghirepai sünabüa Ramai hinou rakivanou takouyu sü Enou ngaoe.

PONGAOPEIYU 21:9

Süthaisü akhai veahoyu anainou phouyu pai anaitao poa buyu rakivamai anaitao hrohinou alinou Ahi taveloua paoe, “Tavelo, Enou ne hi Zhaotu sünavei chapfü, nghirepai sünaye nehi ngaopeilai.”

PONGAOPEIYU 22:1

Süthaisü rakivamai sünanou Ramai ea Zhaotuvei vebuh hinou küpayu zhuzhu büa leivavayu ahri dzüvei rei nasü Ahi pongaoe,

PONGAOPEIYU 22:16

“Jisu Enou lüloumaime taoye donou zhopaoh hainasü neletao hi peiloure Avei Rakivamai naye seivewe. Ehai David vei Ma ea Taonah, alia vavei shoyu Shona Teivuh nasüe.”

PONGAOPEIYU 22:6

Süthaisü Rakivamai sünanou Ahi paoe, “Chipao haitaosü louchelou veie ea chechewe. Alia rachi paolamaitao hi puhvei rako peiyu Ramai Mapaowo nou thala-a daipa vuzülaisa touyu sü puhvei kilaitaohi pongao peire donou puhvei rakivamai naye sü seipeie.”

PONGAOPEIYU 22:8

Johan Enou haitao teiteisü chouloure ea ngaoloure. Alia Enou sütao choulouyu ea ngaolouyu thaisü, haitaoye Ahi pongao peiyu rakivamai süna phihinou kou Esü kaoloure, alia Esü puhye tholoure hinou buloure.

PONGAOPEIYU 22:9

Ana puhnou Ahi paoe, “Nenou süsü souwu laimoe! Esü ne, ne thaihou jürai rachi paolamaitao ea larübvü hainavei chipaotao züa buyu puletaoye koa kilai souzhoyu mai alibaie. Ramaiye tholo!”

PONGAOPEIYU 4:1

Haiphabü hinou Enou kukhe zho ali hinou Raki vanou kikhuli houkhaitoua ngaoe. Alia Enou raiki chouyu bekhona büa Ahi chipao-a buyu lapai sünanou haibüa paoe, “Haihi tapakhaio, alia hainathai pavu zülaiyu taosü Enou nehi ngaopeilai.”

PONGAOPEIYU 5:7

Zhaotu sünanou taloua vebuh süna vahi buyu mai süna bah zhoulo vanou larübvü sünasü poloure.