PHILIPPIMAI 4:3 - SHEEYU BAIBEL (BSI)

³ Alia Eye koa cheche-a kou pfüzhoyuna ne-a naotumai haitaoye soukha peikhaio tea Enou khowe; daiolouzü puletao nou Ko Aveina paodou loure donou E, Klement ea Ramai vei ahrimai larübvühi zhih rüthou khaitouyu kukhe Eye koa vah soumaitao hrülaiye koa te-a vah soue.

PHILIPPIMAI 4:3 Iomraidhean Croise

LOUTAO 69:28

Puletao vei zhih sü nevei hriyu larübvü hinou souha peio; nevei maitao zhih rüyu hisü puletao vei zhih sü rüthou peiso.

TAPALOUYU 32:32

Ana zhuvea puletao mah sü khaipeio; nenou puletao mah sü khaipei laimoe toulouzü, nevei larübvü hinou azhih rüthou khai touyu nasü popha laipeio.”

ISAIAH 4:3

Jerusalem nuhdu hinou shokhai tou-a buyu maitao, Ramai nou thaimo-a panou dopapei khaitouyu mai hrülaiye sü sheeyu maitao tea kulai.

EZEKIEL 13:9

Da-a nou zho ngaowe tea paoyu maitao ae cheche moa maikhe maiye süthai mah peiyu rachipaola-apei maitao hai Enou tudee peilai-e. Neletao vei maitao nou chidei souyu phaki neletao hai sühi bulai moe; Israel maivei zhih rüthou khaitouyu hisü neletao vei zhih hai bulai moe; neletao hai lah neletao vei teidei hisü dakhai veloulai moe. Süthaisü E hai Ramai Mapao-e touyu sü neletao nou süloulai.

DANIEL 12:1

“Süphaki ne vei maitaoye kho-apeio dushoyu rakivamai, Maikhel sü tashulai. Süteile phaki neletao teidei hi raichoki vepakhai toumoyu veahoyu khesü velai, ana süphaki Ramai vei larübvü hi zhih rüthou khaitouyu mai hrülaiye sü khailu peilai.

LUK NOU RÜYU KO AVEIBVÜ 10:20

Sütoukhaia rashi taonou neletao khakhehi hrüe touyu vanou sawuso; ana neletao zhih hai rakihi rüthoure touyu vanou salo.”

ROMMAI 12:1

Südonou Athaihou jürai maitao, Ramai zhuvea vanou Enou neletao hi khowe, süolouzü neletao nou neletao vei pfüphao hai hria sheelayu na ali büa, sheetoua ea polouveia Ramai hi popeikhaio, haisü neletao vei rako hilo rathore nasüe.

ROMMAI 16:12

Mapao vei kuvah soua buyu Truphina ea Truphosa hi Avei khurüyu chidoh sü seiwe, alia Mapaowo donou vah alao soulouyu leshiyu asa Parsis ye khurüwe.

ROMMAI 16:9

Khrista vei kuvah hinou koa vah souzhoyu Urbanas ea Enou leshiyu asa Stakhi ye-a khurüwe.

PHILIPPIMAI 1:12

Athaihou jürai khemai, Enou neletaoye panou sülou nüwe, süolouzü Ahi pa-a buyu sütaonou chekhao-a Ko Aveina paodou puloure donou soukhasho peiwure.

PHILIPPIMAI 1:16

Mai haitaowo leshi hinou paodouwe, daiolouzü Ramai nou Ahi Ko Aveinaye khotou loure vah peikhaitoue touyu sü puletao nou süwe.

PHILIPPIMAI 1:27

Chuo neletao hrümaihai Khrista vei Ko Aveinanou moshilaiyu zhaido süna thaifüa hrülo, sübüa Enou neletaoye tave zhulou süa, zhulou ho-a neletao hai aroh alikhei hinou koa latoupoa Ko Aveinavei lü süna donou tsü-leli soupoa reih züyu sünavei kosü Enou chouloulai.

PHILIPPIMAI 1:5

daiolouzü shurai hinou chu koutesü neletao nou Ko Avei paodouyu kuvah hi Eye soukha peie.

PHILIPPIMAI 1:7

Neletao hai teisanou Alekhe hinou bue! Alia sübüa neletaoye Alekhe hinou choa buyu sü Eye donou souzüshoe. Daiolouzü chu Enou hukhahi bubuki-a, Ko Aveinaye donou dua vah souloure donou madosoua hrübuki hi-a ea kukhemai hi süna vanou paodoupeia bubuki hi-a Ramai nou Ahi puhvei zhuvea peikhai touyu hisü neletao hrülainou koa zha ngaozho loure.

PHILIPPIMAI 4:2

Enou Eudia ea Suntikhi ye Mapaowo hinou alinou liye aetoupeio tea khokhai khokhaiwe.

KOLOSSEMAI 1:7

Neletao nou Ramai zhuveasü Eletao süh Khrista vei acheche vah soumai soua buyu Eletao nou koa qila soua laiyu leshiyu Epaphras hinou süloure.

PONGAOPEIYU 13:8

Alia southeawuyu Zhaotu sünavei ahri larübvü hi deiphao soushomo jühinou puletao zhih rüthou moyu deiphao hinou hrüa buyu maikhemai hrülai nou khaosou sünaye tholai.

PONGAOPEIYU 17:8

Nenou ngaoyu khaosou sünasü teile alihi hria bue, ana chuwo hrikhai more, alia sünasü akhai hayu raobvü hinou tapare hinou bure ea puhvei hakayuhi tawe. Teideiphao soushurai hinou ahri larübvühi zhih rüthoulou moyu deiphao hinou hria buyu maitao nou khaosou sünaye ngaolouyu kisü khupalai, daiolouzü puhsü teile lihi hrie, chuwo hrikhai more, ana puhsü vepukhailai.

PONGAOPEIYU 20:12

Alia thaimaitao taidu veishi kheihao-a vebuh süna nghojünou la-a buyu sü Enou ngaoe. Sühisü larübvütao hapa khaitoue, alia süthai-a kukhe larübvüli hapa khaitoue, süsü ahri larübvü nasüe.

PONGAOPEIYU 20:15

Ahri larübvü nahi zhih phouhayu maitaliye sü meizaihi polai thouwure.

PONGAOPEIYU 21:27

Ana sheemoyu hatali moa ahraoyu vah souyu ea madayu chi paoyu maitalia nuhdu sühisü velou laimoe, ana Zhaotuvei hriyu larübvühi zhih rüthou khaitouyu puletao likheinou nuhdu sühisü velou bailai.

PONGAOPEIYU 3:5

Reih kolouyu puletaoye sü sübüa sabanüh kaanou tupeilai, alia Enou hakia puletao zhihsü ahri larübvü hinou sounghiwu laimoe. Apuo ea puhvei rakivamaitao nghojünou puletao hai Amai baie tea Enou dua paopalai.