PHILIPPIMAI 3:3 - SHEEYU BAIBEL (BSI)

³ Acheche hee vadeyu ngaolouyu taosü Eletao baie, puletao moe; daiolouzü Eletaowo Ramaiye puhvei rako vanou puhye thowe ea Khrista Jisu ye koa ali soulouyu hinou sasa-a bue. Eletaowo vakou naanou taliye lü-a hrümoe.

PHILIPPIMAI 3:3 Iomraidhean Croise

LOUTAO 105:3

Etao hai puhvei mai souyu donou lesalo; puhye thoyu mai hrülaiye sü panou asalo.

ISAIAH 45:25

Mapao vei zhih hinou Israel maivei tyaosholea hrülai sü veilouyu ae kathe sü ngaoloulai.

JEREMIAH 4:4

Neletao vei Mapao Eye koa vo soukhai touyu pfüthoso, ae neletao hai Eye donou soushee loua peithoulo, Oh Judah ae Jerusalem hi maitaore. Neletao nou sükulou more toulouzü, avei lekha rarou nasü mei büa tao-a bailai, ae mailinoua soungheilou laimoe, daiolouzü neletao nou vah ashi souyu donou.”

MALAKAI 1:11

Daiolouzü teinghi palaonou loulao koute azhih hai tyahrü teitei hi dushoe, alia buh teitei hinou theadzü kaiveih nou poa azhih hinou sheela peiwe, alia sheeshayu nanou Eye poa sheela peiwe; daiolouzü azhih hai tyahrü hrülai hi dushoa bue, tea Khoukhoulai Mapao nou paoe.

ROMMAI 1:9

Enou puh Nahpoutu vei Ko Avei paodoua, Ale pfüphounou kuvah souyu Ramai puhnou kakua Enou neletaoye donou lichoa tobai soukhaimoa veachi pao-a busa touyu sü zhopaoh souwe:

ROMMAI 15:17

Südonou, Khrista Jisu ye koa ali soulouyu hinou Enou Ramaiye donou souyu Avah vanou kathe paolou süe.

ROMMAI 7:6

Sütoukhaia chuo Eletao sü razhaina hinou do souloure, daiolouzü Eletao sü vuh lihi Eletaoye phukhaiwuyu süna hinou thaire. Südonou chuo Eletao sü rüthoukhaiyu razhai vei ludu akuna hinou kuvah soukhai more, ana Rako vei ludu ashuna hinou soubaire.

ROMMAI 8:15

Daiolouzü Ramai nou neletao hi peikhai touyu Rako sünanou neletaoye panou qila soutamoe ea neletaoye panou pimoe. Süjüwo Rako sünanou neletaoye panou Ramai nahtao souloue, alia Rako sünavei khouko hinou Eletao nou Ramai hi, “Puo! Apuo!” tea shapae.

ROMMAI 8:39

akuhi buyu deiphao nou-a, naphi buyu deiphao nou-a moa soukhai touyu basha teitei talinou-a Eletaoye Eletao Mapao Khrista Jisu hi buyu Ramai vei leshi süna hinou soukupa peilou hoe.

ROMMAI 9:6

Ramai vei apaopeiyu nahai vetemore tea Enou paomoe; daiolouzü Israelmai hrülainou Ramai vei maikhaimoe.

2 KORINTHMAI 11:18

Mai alaonou vasou thaifüa kathe chi paoyu donou, E-a kathe chi paolai.

GALATIAMAI 5:25

Rako nou Eletaoye sü ahri peie; puhye panou Eletao hrümai-a tukha sahrü vuzülou laikhe.

GALATIAMAI 6:16

Zhai haina thaifüa tayu puletao hrülai ea Ramai vei Israel maitao pei hi kaonayu ea zhuvea buyu sü souloutheo.

EPHESAMAI 6:18

Ramai hinou soukha khoa haitao pfüphou hai veachi pao-a soulouwo. Rakonou süthai peiyu thaifüa phabu sanou veachi paolo. Qo haina vanou leikeilo ea hakia thaokhaiso, teisanou sheeyumaitao hrülai donou veachi paolo.

PAODAKHAIYU CHIKHA 10:16

Südonou, neletao vei lethou heerode-o alia noubei khoupu khaiso.

PAODAKHAIYU CHIKHA 30:6

Nevei tsüle veishi alia ne rako teitei nou neletao Ramai Mapao ye leshi loure donou alia neletao teidei sühinou hria buloure donou, puhnou nevei lüthou ae neletao nahmai lüthou sü heerodepu peia soushee peilai

PHILIPPIMAI 1:1

Khrista Jisu kilai Paul ea Timothi nou— Philippi hi buyu lüloumaimevei süthai-apeimaitao ea vahlümaitao-a loua Khrista Jisu ye koa ali soulouyu sheeyumaitao hrülaihi rüwe:

PHILIPPIMAI 3:12

Enou haisü ngaoche loure moa liche chekhou loure tea paomoe; ana süsü Enou lah Avei souloure donou nghojü hilo hupoa kouwe, daiolouzü Khrista Jisu nou Eye sü lah puhvei soupeire.

PHILIPPIMAI 3:14

Südonou Enou Khrista Jisu hinou rakiva hilonou Ramai nou kuyuvei bu süna donou koyubuhmü hilova hupoa kouwe.

KOLOSSEMAI 2:11

Khristaye koa ali soulouyu hinou neletaoye hee rode peiwure, süsü emai bahnou hee rodeyuna moe, ana mah pfüphao hainavei khouko hinou do soupeiwuyu Khrista nou hee rode peiyu sünasüe.

JUD VEI SEIKO 1:20

Ana leshiyu Asakhemai, neletaowo louzü lah neletao vei sheekayu lü süna hinou soushu palouwo ea Rako Mashi vei khouko hinou veachi paoa bulo,