PHILIPPIMAI 2:3 - SHEEYU BAIBEL (BSI)

³ Hatalia du tounü-a moa khaophu sounüa vah souso, ana alinou lihi nataipoa kukhe mainou lah neletao jünou veikouhie tea chopeio.

PHILIPPIMAI 2:3 Iomraidhean Croise

TSÜCHITAO 13:10

Mai chi chouba-a rochiyu nasü khaityayu likhei baie, ana mainou paodou peiyu züyu mai hiwo tsüvei sü bue.

LUK NOU RÜYU KO AVEIBVÜ 18:14

Enou neletao hi paowe, kukhe maisüna moanou, mai hainawo louzü Ramai nghojünou chi kusheewu-a puh kihi takoure; daiolouzü lah puhye soukuyu mai taye sü sounawulai, alia lahnou natai-a buyu puhye sü souku peilai.”

ROMMAI 12:10

Thaihou jürai vei khu-leshi sünanou alinou liye leshilo, alia alinou liye tsükhouyu hisü lenou toulo.

ROMMAI 13:13

Heako teiva hinou hrüyu maitao büa lah Eletao hai zhai veishoa talou laikhe; me souloua soubvüyu, zhaoh shozhiyu, khu-lou souyu ea ke-zhe züpa souyu, züvayu, moa ngaoraiyu, haitao sü soulaimokhe.

ROMMAI 2:8

Kukhemaitao sü dutounüwe ea acheche nasü zübawe, ana ashi nasü züwe, südonou puletao pei hi sü Ramai nou puhvei rarou ea lekha nasü lakou thoupeilai.

1 KORINTHMAI 15:9

Daiolouzü Ehai sei-atamai tea kuzü moyu, sei-atamaitao hrülai hronou tai-noukayu nasüe, daiolouzü Enou Ramai vei lüloumai meye souveapeie.

1 KORINTHMAI 3:3

daiolouzü chu koutea neletao sü vasou hilonou hrüa buyu maitao kua hrühie. Daiolouzü neletao hrohi ngaoraiyu ea züvayu busasü neletao hai vasou thaifüa hrümowu ea lüloumomai tali kua tabai mowu?

2 KORINTHMAI 12:20

Daiolouzü Enou velouzü neletaoye Aleli büa ea neletao nou Eye neletao vei leli büa ngaolou paimoe tea Enou piwe, alia sühisü züvayu, maiye ngaoraiyu, lekhayu, loküyu, maiye sou ahrao peiyu, mai chi paoshiyu, khaophu souyu ea bvüroyu haitao hai ngaolou shulai tea Enou ngaopiwe.

GALATIAMAI 5:15

Ana neletao nou rekhaosou kua alinou liye soushi soukha-a bulouzü, zhutou loukhaio, molouzü neletao nou alinou liye souhakhai bailai.

GALATIAMAI 5:26

Alia alinou li züphei soua moa alinou liye ngaorai-a Eletao nou khaophu souwu laimokhe.

EPHESAMAI 4:2

Teisanou natai-a, kaona-a shamea-a bulo. Alinou liye shamea peiyu nou koa neletao vei leshisü pongaokhaio.

EPHESAMAI 5:21

Khristaye khuhao peiyu süna hinou lah neletao linou li khehi hrüa bupeilo.

PHILIPPIMAI 2:14

Ha teiteisü noulealeayu moa veivayu ha-a soulo,

KOLOSSEMAI 3:12

Neletaowo Ramai vei maikhe maitaoe: puhnou neletaoye leshie ea neletaoye lah puhvei donou doloure. Südonou neletao hai khuleshinou, zhuvea nou, nataiyu nou, nashayu nou, alia shameayu nou, neletao lah bahnou vuzülai.

KOLOSSEMAI 3:8

Ana chuo neletao nou haitao teiteisü thao vuzüwulai: lekhayu, rarouyu, maiye ngaorayu, alia maichi paoshiyu, hraopachi paoyu haitao hai neletao tai hinou panou hakia paopa laimoe.

1 TIMOTHI 6:4

puhsü khaophu souyu nou phouloure ea halia sükhaimoe. Puh hisü veimoyu züpa süolouzü chipao vanou veivanüyu ea züvanüyu nasü bue, alia sünanou avei zhai ngaobayu, züvayu, maiye sou ahrao peiyu, ashi hilonou letsüyu,

1 PITAR 3:8

Akhai hinou, neletao hrülainou tsü-le ali souyu, maiye zhuvea peiyu, thaihou jürai kua leshi zhoyu, le nataiyu ea nashayu hrüsü buloukhaio.

1 PITAR 5:5

Sübüa, nahlemaitao neletao-a tsümaitao khakhe hinou hrülo. Alia neletao hrülai nou alinou liye kuvah soure donou nataiyu vei sahnü nasü noulo; daiolouzü, “Ramai nou khaophu souyu maiye bawe, ana nataiyu mai hisü zhuvea peiwe.”