PHILIPPIMAI 2:2 - SHEEYU BAIBEL (BSI)

² süthaisü tsülikhei, leshi likhei ea roli-leli souloua Avei lesayu nasü souchekhou peiwo.

PHILIPPIMAI 2:2 Iomraidhean Croise

LOUTAO 122:8

Avei kityarai ae samaitao donou Enou Jerusalem hi haibüa paoe, “Kaonayu nasü ne hi bulo.”

JOHAN 3:29

Nghirepaiye ngaolouyu puh sü sheerepue; ana la-a ea puh chi kei-a buyu sheerepu vei samai sünanou sheerepu vei pai chouloua le sashowe; südonou Avei asah nasü chuo chekhoure.

SEI-ATAMAI VAHTAO 1:14

Mai haitao nou naotumaitao, Jisu pfü Meri ea Jisu thaihoumai taoye koa vedzüloua tsüle ali soua tobai soumoa veachi pao-a bue.

SEI-ATAMAI VAHTAO 2:1

Alia Pentekos teithe velouyu kisü puletao hrülaisü buh ali hinou vedzüa buloure.

SEI-ATAMAI VAHTAO 2:46

Alia teithe tsünou puletao sü tsü-le alisoua Rathoki hinou tave dzüa bue, alia ki, ki hinou tave raokhao soukhoa puletao vei tovai sü koa sasa-a ea le alikhei soua tousho loure.

SEI-ATAMAI VAHTAO 5:12

Chuo sei-atamai taonou maikhemai hronou shee ea khupa vah alaosou souloure. Alia lüloumaitao hrülaisü tsüle ali soua Solomon vei Kipamü hinou vedzüa bue.

ROMMAI 12:16

Alinou liye koa lethao-a hrülo. Khaophu souso, ana nataiyu maiye koa satalo; neletao lah neletaoye nou tsü veie tea chowuso.

1 KORINTHMAI 1:10

Athaihou jürai maitao, Eletao Mapao Jisu Khrista zhih hinou neletao hi khowe, süolouzü neletao hrohi me souku kuyu palou more donou alinou liye chi veivayu sü thaowuwo, alia sübüa neletao tsü-le alikhei soua bulo.

2 KORINTHMAI 13:11

Akhai hinou, thaihou jürai maitao, vei-a buwo! Liche loure donou telo; Enou khoa buyu hisü keipeikhaio; alinou liye aetoupeio; kaona-a hrüpeio. Alia leshi ea kaonayu vei Ramai nou neletaoye koa bupeilai.

2 KORINTHMAI 2:3

E veyu kisü Ale sousa peire maitao nou Ale souvea more donou seiko sünasü Enou rüe. Daiolouzü Enou lesayu kisü neletao hrülai-a koa lesawe touyu sü Enou sütouwe.

2 KORINTHMAI 7:7

Ehye le sousa peiyu hai puhnou velouyu vanou likhei baimoe, ana kazhaibüa neletao nou puhye le soudu peisa touyu vanou puhnou ve paongao peiyu süna donoue. Neletao nou daizhozhou Eye daonüsa, neletaosü daizhozhou levea-a buresa ea kabüa neletao nou Ehye khupeire donou soudasa touyu sü puhnou Eh hi paongao peie; südonou chuo Esü vashopu tare.

PHILIPPIMAI 1:4

alia Enou neletao hrülai donou veachi paosasü, Enou sashoa veachi paowe

PHILIPPIMAI 2:16

sübüa Khrista vei Teitheki hi Avei kathe souloure donou ahri chipao nasü poteia bulo, daiolouzü Esü raohanou tuyu moa te-a vah souyusü souwulai moe.

PHILIPPIMAI 2:20

Eye koa vea-vayu zha ngaozhoyu hai puh likhei baie ea chekhao-a puh hai neletao veiloure donou lenoushoa bue.

PHILIPPIMAI 4:2

Enou Eudia ea Suntikhi ye Mapaowo hinou alinou liye aetoupeio tea khokhai khokhaiwe.

KOLOSSEMAI 2:5

Daiolouzü pfüzhonou neletaoye koa Enou bumo khaia-a, rako hinou Esü neletaoye koa bue, alia neletao nou veishoa koa buyu ea Khrista hinou neletao lü latoua buyu sü ngaoloua sawe.

2 THESSALONIMAI 2:13

Ramai nou leshiyu thaihou jürai khemai, Ehnou neletaoye donou teisanou Ramai hi kalo paovu zülai. Daiolouzü shurai hinou neletaoye soushee peiyu Rako hinou ea neletao nou louche louyu achechena hinou khailu louyu sü ngaoloure donou Ramai nou neletaoye sü doloure.

2 TIMOTHI 1:4

Enou nevei nghidzü sü li-choloua, Ahi panou sayu sünanou phoupei loure donou Enou neye ve daoresü züpashoa bue.

PHILEMON 1:20

Südonou Achina, Mapao zhih hinou leshia haisü Eye donou soupei khaio. Khrista hinou thaihou jüraili soua Ale hai sousa peikhaio!

2 JOHAN 1:4

Puo nou Eletao hi chikha peiyu büa, nevei nahmai kamai taonou acheche hinou ta-a buyu sü Enou ngaoloua daizhozhou sasa.

3 JOHAN 1:4

Anah maitao nou acheche hinou hrüa bue tea choulouyu süna jünou dukouyu Avei asah kukhe hare.