PHILEMON 1:1 - SHEEYU BAIBEL (BSI)

¹ Jisu Khrista donou hukhahi loua buyu Paul alia Eletao thaihou jürai Timothi hinou — Eh sa ea koa vah souyu Philemon,

PHILEMON 1:1 Iomraidhean Croise

SEI-ATAMAI VAHTAO 16:1

Süthaisü Paul nou tapoa Derbe ea Lustra hi veloure, alia zhukhaio, Lustra hisü Timothi tea kuyu rozümai ali bue. Puh pfü hai lüloumai ali soua buyu Jihudimaipfü alie, ana puh puowo louzü Greek mai alie.

1 KORINTHMAI 3:9

Daiolouzü Eletaowo Ramaiye koa vah souzhoyu maitaoe, alia neletaowo Ramai vei ludoue. Neletaowo Ramai Ki-e.

2 KORINTHMAI 1:1

Ramai leli hinou Khrista Jisu vei sei-atamai ali soulouyu Paul, alia Eletao thaihou jürai Timothi hinou— Korinth hi buyu Ramai vei lüloumaime hi, alia Akhaia teidei teitei hi buyu sheeyumai hrülai hi rüwe:

GALATIAMAI 3:26

Lü vanou neletao hrülaisü Khrista Jisu ye koa ali soulouyu hinou Ramai nah soukhai loure.

EPHESAMAI 3:1

Qo haina vanou, tahrüh kukhemai neletaoye donou Khrista Jisu vei hukhahi bumai soua buyu Paul Enou Ramai hi veachi paowe.

EPHESAMAI 4:1

Südonou Mapaoye kuvah souyu donou hukhahi loua buyu Enou neletao hi khowe, süolouzü Ramai nou neletaoye kulouyuki puhnou panou talai touyu hrüzhai süna hinou züdoua talo.

EPHESAMAI 6:20

Chuo Ehai hukhahi bumai ali soukhaia Ko Avei haina vanou Esü süh-seitamai alisoua bue. Enou paozüa buyu Ko Avei nasü khuvei-a paoloure donou veachi paopeikhaio.

PHILIPPIMAI 1:1

Khrista Jisu kilai Paul ea Timothi nou— Philippi hi buyu lüloumaimevei süthai-apeimaitao ea vahlümaitao-a loua Khrista Jisu ye koa ali soulouyu sheeyumaitao hrülaihi rüwe:

PHILIPPIMAI 2:25

Enou Eye koa vah souzhoyu ea reih züyu ea Enou moshilaiyuki neletao vei ko paomai büa Eye kuvah soupeiyu Eh thaihou jürai Epaphroditasye neletao hi seiveyu hai matsü bua malae tea choloure.

PHILIPPIMAI 4:3

Alia Eye koa cheche-a kou pfüzhoyuna ne-a naotumai haitaoye soukha peikhaio tea Enou khowe; daiolouzü puletao nou Ko Aveina paodou loure donou E, Klement ea Ramai vei ahrimai larübvühi zhih rüthou khaitouyu kukhe Eye koa vah soumaitao hrülaiye koa te-a vah soue.

KOLOSSEMAI 1:1

Ramai leli hinou Khrista Jisu vei sei-atamai ali soulouyu Paul ea Eh thaihou jürai Timothi hinou —

KOLOSSEMAI 4:11

Jastas tea kuyu Joshua nou-a khurüyu chidoh seiwe. Hee rodeyu maitao hronou mai asü haitao likheinou Eye koa Ramai Vedei donou vah soubaie, alia puletao nou Eye sü alaosou souva peiwe.

1 THESSALONIMAI 3:2

alia sübüa neletaoye lü hilonou soutsü peiloure ea neleye le soudu peiloure donou Ehye koa Khrista vei Ko Aveina paodoua laiyu Ramai kilai Eh thaihou jürai Timothiye Ahainou seivewe,

2 THESSALONIMAI 1:1

Paul, Sailas ea Timothi nou Eletao Puo Ramai ea Mapao Jisu Khrista hi buyu Thessalonika hi lüloumaimehi rüwe:

2 TIMOTHI 1:8

Südonou Eletao Mapao donou moa Khristaye donou hukhamai soua buyu Avanou zhopaoh souyu hisü ahraowuso, ana Ramai khouko hinou Ko Aveina donou talou veayu zha nasü ngaozho khaio.

PHILEMON 1:23

Jisu Khrista donou Eye koa hukha pfüzhoyu Epaphras alia Eye koa vah souzhoyu Mark, Aristarkha, Demas ea Luk nou ne hi khurüyu chidoh seiwe.

PHILEMON 1:9

Ana Enou neye leshiyu vanou, Paul, Ehai Jisu Khrista vei süh-seitana khaia ea chuo puh donou hukhahi bumai ali khaia Enou nehinou khoyu züpae.