NEHEMIAH 1:3 - SHEEYU BAIBEL (BSI)

³ Puletao nou ahi haibüa chila peie, “Soureih mainou nüpoa talou moyu maitao hai veashoa nou ae hraosho-a nou bure. Jerusalem vei kivo khesü pepo takhai toure ae rokhubomü khesü meidei laikhaiwure.”

NEHEMIAH 1:3 Iomraidhean Croise

1 VEMAITO 9:7

süthaisü Enou peikhai touyu teidei hinou avei Israel maiye sü souhawulai. Eye thore donou soushee khaitouyu Rathoki na-a Enou thaokhaiwua bailai. Deiphao mai hrülai nou Israel maiye sü konüa bailai, ae ngaophou moa bailai.

2 VEMAITO 25:10

ae puhvei reihmaitao nou nuhdu vei kivo sü dakhowure.

2 PUOPAOKO 36:19

Puhnou Rathoki sü mei deiwure, ae Jerusalem kivo sü dakhowure, ae veo vei ki teitei sü mei deire alia muteiyu paikhao khesü soushi khaiwure.

EZRA 2:1

Mai alaosou nüpoa tayu hinou Babilon teidei thaowua lahvei Jerusalem alia Judah nuh hi khaida veloue. Mai homaitao hai veo Nebukhadnezzar nou Babilon hi hukhamai soua khaie.

EZRA 5:8

“Eh nou Judah teidei alia dushoyu Ramai ki hi ve zhure touyu sü veo ye panou sülounüe. Puletao nou chuh adunou poa bouvo hi thouwe, puhmaitao nou vah hai thashoa nou alia veihshoa nou soupare.

NEHEMIAH 11:3

Nuhdu kukhe hi hai Israel mai, napao maitao, Levi maitao, rathoki souyu maitao, ae Solomon vei kilai souyu tyaosholea maitao nou lahkuku vei nuh teidei hinou hrüe. Jerusalem hinou hrüyu maitao hisü mai haitao nou peikho-e:

NEHEMIAH 2:13

Enou khei teile hinou nuhdu nasü teinghi loulo buyu Deikho vei Rokhubomü hilo vanou khekou Khao-nghou (Dragon) vei Dzüla sü tacho poa Nghoushi vei Rokhubomü hisü takoue. Enou sübüa nuhdu vei kivo pepo tayu ae mei deilaiyu rokhubomü khesü zhuta-e.

NEHEMIAH 2:17

Ana chuo Enou puletao hisü paoe, “Neletao-a zhukhaio, Etao hai daizhou koute vea-a nou bue touyu, daiolouzü Jerusalem nuhdu hai soushi khaiwure ae rokhubomü khesü mei deilaiwure. Khe, Etao koa nou nuhdu vei kivo sü soushu dakhai loulai, sübüa Etao nou hraongu ngao-a buyu nasü souha laikhe.”

NEHEMIAH 2:3

ae puh hi haibüa chila peie, “Veoye sü panou hrüsho hrülou theo! Avei paipaoh maitaoye daovuh khaitouyu nuhdu nasü mainou soushiwua mei deilaiyu thaisü E kabüa lesa-a nou bulou khailaige?”

NEHEMIAH 7:6

Babilon hi veo Nebukhadnezzar nou nüpoa tayu hinou lahkuku vei nuh teidei hi, Jerusalem ae Judah hi dakhai velouyu maitao sü haitao-e.

ESTHER 1:1

Xerses nou veo souyu phaki puhnou tyadei krailia kainai hai India teidei hinou poa Sudan (Ethiopia) koute khasa-a hrüe.

LOUTAO 79:4

Etao hai kinapa maitao hinou hraongu sü ngaore, puletao nou Etaoye sü konüre ae ngaophou moa Etaoye sü pahnü soupeie.

TSÜCHITAO 25:28

Lahnou lahye tukhalou hoyu mai lisü pepotayu alia kaoro lia ha-a buyu nuhdu büa baie.

ISAIAH 43:28

alia neletaoye khasa-a buyu peikho maitao nou avei sheeyu rathoki nasü souzhai peiwure. Südonou Enou Israel maiye sü panou soushi khaiwure hisü peithouwure; Enou avei maitaoye sü panou hraongu ngaore donou souwure.”

ISAIAH 5:5

“Enou avei darkha kipei hi dai-e soulai touyu sü neletao hi paongaolai: Enou bokha sü hralaiwulai, ae bouvo sü dakhao laiwulai alia rekhaona panou talou toulou-a deisasa-a bailai.

JEREMIAH 24:9

Enou puletao hi veahoyu sü seive peia panou deiphao mai hrülaiye ngaopi shoyu soupeilai. Maikhe mainou puletaoye ngaophou moa konü peilai, ae Enou puletaoye soupho laiyu buh veishi hisü panou puletao vei zhih sü chaa soua poa talai.

JEREMIAH 29:18

Enou puletaoye khoche, tokaayu, ae rahtayu sünou thaingou talai, ae puletaoye hupove khaitouyu buh veishi hinou puletaoye mai hrülai panou ngaopiyu, chaa, pihiyu, ngaohiyu ae chaa peiyu sü soupeilai.

JEREMIAH 39:8

Babilon mainou veo vei ki ae maikhe maitao vei ki khesü meidei laiwure alia Jerusalem vei kivo sü daphe daphore.

JEREMIAH 42:18

“Israel maivei Ramai Mapao nou paoe, ‘Enou avei lekha rarou hai Jerusalem maitao hi lapa peiyu büa neletao nou Ejipt hi hota louzü, Enou neletao hia lapa peilai. Neletaoye sü ngaora sholai; maikhe mainou neletaoye ngaoposhu neletao vei zhih hai chaa soua polai, ae neletaoye konü peilai. Neletao nou teidei hai nasü ngaopu loulai moe.’”

JEREMIAH 5:10

Puletao vei darkhabe khesü jülaire donou Enou ngaobamaiye seive peilai, anou puletao mai hrülaiye souhakhai toulai moe. Enou puletaoye panou botao sü vilaiwulai, daiolouzü sütao hai avei moe.

JEREMIAH 52:14

ae puhvei reihmaitao nou nuhdu vei kivo sü dakho laiwure.

DOPFÜYU 1:7

Jerusalem nou veahoyu ae tateiyu daoyu thainou, raichoki puhvei haveih ae savayu khesü licholoue. Honapai hai ngaobayu maitao bah hi louyu phaki, mailinoua puhye sü soukha peire mai hare; Honapai nou kaodu tayu sü ngaobamaitao nou ngaoloua puhye sü konüre.

DOPFÜYU 2:9

Rokhubomü khesü pepo takhaire, sütao vei tyayu hu khesü sousasawure. Veo alia peikhoyu maitaoye sü hukhamai soua vakou nüpoa tare. Chikha sü chuo doupeipu more, ae rachipaola peiyu maitao hai Mapao hinou zho sü ngaomore.

DOPFÜYU 3:61

“Oh Mapaowo, puletao nou Eye ngaophou moa paoshiyu sü nenou chouloure, ae puletao vei do ashi khesü nenou ngaowe.

DOPFÜYU 5:1

Oh Mapaowo, Etao hi vepayu khesü licho peio. Etaoye zhupeio, ae Etao nou veahoyu khesü zhupeio.

LEVIMAI LARÜBVÜ 26:31

neletao vei nuhdu khesü soukanghi khaiwulai, neletao nou rathoyu buh khesü soushiwulai, ae neletao nou posheela peiyu khesü Enou popeilai moe.

LEVIMAI LARÜBVÜ 26:33

Enou neletao hisü soureih pove peilai ae neletaoye vakou maivei teidei hisü soupho rarou khaiwulai. Neletao vei teidei hisü panou mai hrülai moe, ae neletao vei nuhdu khesü soushi khaiwulai.