MATHIU 9:8 - SHEEYU BAIBEL (BSI)

⁸ Maisounou süsü ngaoloukhaie khupaloure ea emai hi sübüyu khouko peiyu vanou Ramaiye paosho loure.

MATHIU 9:8 Iomraidhean Croise

MATHIU 12:23

Alia maikhemai hrülainou khupaloua paoe, “Puh hai David Nahpoutu laimowu?”

MATHIU 15:31

Südonou la hamainou la phalouyu, shovai mainou veilouyu, phi chamainou talouyu, alia nghicha mainou ngaolouyu sütaohai maikhemai nou ngaolouyu kisü khupa loure; alia puletao nou Israelmai vei Ramaiye paoshore.

MATHIU 28:18

Alia Jisu nou ngheiki takou loua puletao hi paoe, “Raki ea deiphao hi soulousü zü teitei Ahi thoupeiwure.

MATHIU 5:16

Süzhaibüa neletao vei ava sü maikhemai nghojühi vangao peikhaio, sübü louzü neletao vei vahvei taosü puletao nou ngaoloua rakibu neletao Puoye paosholai.

MATHIU 9:7

Mai sünanou lashuloua puh kihi tavere.

MARK 2:12

Maikhe mainou zhua buyu hinou mai sünanou lashu puh züh sü poloua puletao nghojünou thalasou tare. Puletao hrülaisü khupasho loure ea Ramaiye sholoua paoe, “Ehnou haibüyu hai hakia ngaokhai mohie!”

MARK 7:37

Alia puletao nou paosha louhosou khupaloua paoe, “Puhnou ha teiteisü souveisho peiwure; puhnou nou pemai kouteye panou chouloure ea la hamaiye panou chi paoloure!”

LUK NOU RÜYU KO AVEIBVÜ 13:13

Alia Jisu nou puh bahsü puh pei hi pokhaipeie, alia süphabü hinou puhsü lashuloua Ramaiye sholoure.

LUK NOU RÜYU KO AVEIBVÜ 17:15

Süthaisü puletao hrohinou aliwo louzü puhvei sou veilouyu sü ngaoloua paikushoa Ramaiye shoa dakhaive-e;

LUK NOU RÜYU KO AVEIBVÜ 17:18

Daiolouzü vakoumai haina likheithe dakhaive Ramaiye kalo paobaiwe?”

LUK NOU RÜYU KO AVEIBVÜ 18:43

Alia sübü hinou puh nghithou sü ngaoloure ea Ramaiye shopoa Jisu thai füloure; alia maikhemai hrülainou süsü ngaoloua Ramaiye sholoure.

LUK NOU RÜYU KO AVEIBVÜ 2:20

Alia rakivamai sünanou puletao hi paopeiyu sübütoua puletao nou tave sütao teiteisü choulou ea ngaolouyu vanou, zhao khomaitao sü shoyu lounou soua ea Ramaiye paoshoa khaitare.

LUK NOU RÜYU KO AVEIBVÜ 23:47

Chuo sübüa payusü reihmai kaihpei chananou ngaolouyu kisü, puhnou Ramaiye sholoua paoe, “Veimosoua mai haina hai mahlia hae!”

LUK NOU RÜYU KO AVEIBVÜ 7:16

Alia puletao hrülaisü piyu nou phouloure ea Ramaiye shoyu noupu haibüa paoe, “Eletao hrohi dushoyu rachi paolamai ali veloure!” alia “Ramai nou puhvei maitaoye khaipeire donou tave zhupeire!”

JOHAN 15:8

Neletao nou rashi alaosou shiloua Arozümaitaoe touyu zhopaoh souyu sünanou Apuoye soudusho peiwe.

SEI-ATAMAI VAHTAO 11:18

Puletao nou chipao haina choulouyu kisü paikhaimo zheire ea Ramaiye sholoua, “Sükuyu thaiwo tahrüh kukhe maitao hia Ramai nou panou ledaloua hriloure teile zhou aveisü peire!” tea paoe.

SEI-ATAMAI VAHTAO 21:20

Alia puhnou paoyu sü chouloua puletao hrülainou Ramaiye paosho loure. Sükisü puletao nou puh hi paoe, “Eh thaihou jürai soua buyu Paul, Jihudimaitao hrohinou louche louyumai the kazhou bue ea puletao sü daizhozhou razhai hisü le peishoa bue touyu sü nenou ngaowe,

SEI-ATAMAI VAHTAO 4:21

Alia maikhemai donou puletao nou puhaiye tudee peiloure dolia phouhaloua puhaiye soupipu peiwu-a phapeire; daiolouzü maikhemai hrülainou pa-a buyu sütao vanou Ramaiye sholoure.

2 KORINTHMAI 9:13

Neletao vei kuvah hainavei zhopaoh vanou, neletao nou füa laiyu Khrista vei Ko Aveinaye sü neletao nou züa buyu donou, alia puletao ea kukhemai hrülaiye koa neletao nou ledua zha ngaozhoyu vanou, mai alaonou Ramaiye paosholai.

GALATIAMAI 1:24

Alia sübüa puletao nou Avanou Ramaiye paosho loure.

1 PITAR 2:12

Neletao zhaihrü sü tahrüh kukhe maitao hrohinou veitoua talo, sükua puletao nou neletaoye ashi souyumai tea mah dukhaiyu kisü, puletao nou neletao vei vah aveitaosü ngaoloua Ramaiye puhnou veyu teithe kihi paosholai.