MATHIU 9:6 - SHEEYU BAIBEL (BSI)

⁶ Sükulouzü Enou neletao hi Mai Nahpoutuhai deiphao hi mah khaipeilou süyu khouko bue, touyu vei zhopaoh peilai.” Südonou puhnou pothaimai nahi paoe, “Lashulo ea ne züh poloua kihi taveo!”

MATHIU 9:6 Iomraidhean Croise

ISAIAH 43:25

Sübüa buyuma, Esü neletao vei mahmo khailu-apeio Ramai nasüe, ae Enou neletao vei mahmo khesü lichopu peilai moe.

MIKAH 7:18

Oh Mapaowo, neye raiyu ramai ali-a ha-e; shokhai toua buyu nevei maitao vei mah sü nenou khaipeie. Ne sü teisa nou rarou koute moe, ana nevei maitao pei hi nevei tobai soumoa zhuvea leshi peiyu nasü nenou jüpae.

MATHIU 4:24

Südonou puh kohai Suria teidei teiteihi kupoa tare ea maikhe mainou puh hisü lishi-a bumai hrülai, sou tyalinou soua bumai ea sounghei-nghei-a bumai, rashinou louyumai, soura soumai ea pothaimai taoye pove-a puhnou puletao hrülaiye souvei khaipeire.

MATHIU 8:20

Jisu nou puh hi chila peie, “Lakhaotao vei kulu bue, alia raohoutao-a phe bue, ana Mai Nahpoutuwo louzü puhpei khüyu buh koutea hae.”

MATHIU 9:2

Alia zhukhaio, sühinou mai kamainou züh vanou züyu pothaimai aliye Jisu hi pove. Alia Jisu nou puletao vei lü hai ngaoloua, pothaimainahi paoe, “Lesalo, Anahna! Nemah taosü khaipeire.”

MATHIU 9:5

Daiolouzü, ‘Nemahtao khaipeire,’ tea paoyu laho, ‘Lashuloua takhaio,’ tea paoyu nou lahie?

MATHIU 9:7

Mai sünanou lashuloua puh kihi tavere.

MARK 2:10

Ana Mai Nahpoutu nou deiphao hi mah khaipeire soulousü zü bue touyu hai Enou neletao hi ngaopeilai.” Südonou puhnou pothaiyu mainahi paoe,

MARK 2:7

“Mai hainanou daidonou haibüa paoe? Haisü Ramaiye paoshiwe! Mah khaipeilou süyu hai Ramai likhei baie!”

LUK NOU RÜYU KO AVEIBVÜ 5:21

Alia razhai dou-apeimai ea Phariseemai taonou puletao hrohinou haibüa paoe, “Ramaiye paoshiyu mai hainasü thaoh-e? Ramai likhei baimoa thaohnou mah khaipei lousüe!”

JOHAN 10:28

Enou puletao hi teisa halou hoyu ahri peiwe, alia puletaosü hakilia hakhai laimoe. Alia maita linoua puletaoye Abah hinou shaolou hoe.

JOHAN 17:2

Daiolouzü nenou puh hi peikhai touyu puletao hrülaihi puhye panou teisa ahri peiloure donou, nenou puh hisü deiphaomai hrülai pei hi khore khouko nasü peiwure.

JOHAN 5:27

alia puh hi chikukou peire zü nasü peiwure, daiolouzü puh sü Mai Nahpoutue.

JOHAN 5:8

Jisu nou puh hi paoe, “Lashulo, ne züh poloua takhaio.”

SEI-ATAMAI VAHTAO 5:31

Israel maitao hi le dalouyu ea mah khaipeiyu sü peiloure donou Ramai nou puhye sü Süthai-apeio ea Khailu-apeio panou soure donou puh bah zhoulo vahi pokhe khaipeire.

SEI-ATAMAI VAHTAO 9:34

Alia Pitar nou puh hi paoe, “Inia, Jisu Khrista nou neye souvei peiwe; shuloua ne zühsü soulo.” Alia thalasoua puhsü shuloure.

2 KORINTHMAI 2:10

Neletao nou mah khaipeiyu maitaliye sü E-a khaipeire. Enou hatali khaipeire toulouzü süsü neletaoye donou Khrista nghojünou khaipeire,

2 KORINTHMAI 5:20

Südonou Ehsü Khristaye donou sühseita maitaoe. Eh vanou Ramai nou neletao hi khoa bue. Khrista süh soua Ehnou nele hinou khowe, Ramaiye cha veilo!

EPHESAMAI 4:32

alia Khrista vanou Ramai nou neletaoye khaipeiyu sübüa neletao alinou liye khuhao-a ea zhuvea leshi peia alinou li mah khaipeikhaio.

KOLOSSEMAI 3:13

Alinou liye koa shamea peikhaio ea hatakinou neletao hronou alinou kukhe ali pei hi motouyu bulouzü alinou liye khaipeio. Mapaowo nou neletaoye khaipeiyu büa neletao-a alinou liye khaipei vuzülai.