MATHIU 9:2 - SHEEYU BAIBEL (BSI)

² Alia zhukhaio, sühinou mai kamainou züh vanou züyu pothaimai aliye Jisu hi pove. Alia Jisu nou puletao vei lü hai ngaoloua, pothaimainahi paoe, “Lesalo, Anahna! Nemah taosü khaipeire.”

MATHIU 9:2 Iomraidhean Croise

KOPAODOUWO 9:7

Taho nevei raokhao toura-o ae sava-a bulo; alia ne zhaoh sü lesayu nou koa sokhaio; daiolouzü nenou souyu teitei hai Ramai nou raikinou aetou peiwure.

ISAIAH 44:22

Enou neletao vei mah khesü teihao büa vailai peiwure, alia neletao vei mah sü vidzü büa phuthe peiwure. Ahi dakhai velo, daiolouzü Enou neletaoye sü khailupa peiwure.

MATHIU 14:27

Ana Jisu nou thala-a puletao hi paoe, “Khuveilo! Ebaie; pikhaiso!”

MATHIU 4:24

Südonou puh kohai Suria teidei teiteihi kupoa tare ea maikhe mainou puh hisü lishi-a bumai hrülai, sou tyalinou soua bumai ea sounghei-nghei-a bumai, rashinou louyumai, soura soumai ea pothaimai taoye pove-a puhnou puletao hrülaiye souvei khaipeire.

MATHIU 6:12

Ehnou-a Ehpao pfümaitaoye khaipeiwuyu büa, Ehpao khaipeio.

MATHIU 8:10

Jisu nou haihai chouloukhaie khupare ea puhthaifüa laimaitaohi paoe, “Enou chechenou neletao hi paowe, Israel nahmaitao hrohinou haibüa lüyu mailia ngaokhai mohie.

MATHIU 8:16

Alia koukhe loukhaie, maikhe mainou Jisu hi rashi loumai alaosou save. Jisu nou chipao alikhei paopeia rashitaoye sü hulai papeie ea lishia bumai hrülaiye sü souvei peie.

MATHIU 9:22

Jisu nou reivekhaie naotupaiye ngaoloua paoe, “Anahpai, lesalo! Nevei lünou neye souvei peire.” Sübü hinou naotupai sü veiloure.

MATHIU 9:5

Daiolouzü, ‘Nemahtao khaipeire,’ tea paoyu laho, ‘Lashuloua takhaio,’ tea paoyu nou lahie?

MATHIU 9:6

Sükulouzü Enou neletao hi Mai Nahpoutuhai deiphao hi mah khaipeilou süyu khouko bue, touyu vei zhopaoh peilai.” Südonou puhnou pothaimai nahi paoe, “Lashulo ea ne züh poloua kihi taveo!”

MARK 1:32

Süzhou koukhe teinghi loutayu thai, maikhe mainou sounoumai ea rashi louyumai hrülaiye Jisu hi savere.

MARK 10:49

Jisu nou chaoloua paoe, “Puhye kulo.” Südonou puletao nou nghichayu mainaye kuloua puh hi paoe, “Lesalo ea lashulo, puh nou neye kua bue.”

MARK 5:34

Jisu nou puh hi paoe, “Anahpai, ne lünou neye souvei peire, kaona-a tawo, alia ne sousü veilouo.”

MARK 6:50

daiolouzü puletao nou puhye ngaoloukhaia puletao hrülaisü ngaopisho loure. Ana thalasou Jisu nou puletao hi paoe, “Khuveilo! Haisü Ebaie; piso!”

JOHAN 16:33

Eye koa buyu hinou neletao hi kaonayu buloure donou, chi hainahai Enou neletao hi paopeire. Deiphao hisü neletao vea-holai; ana khuveilo! Enou deiphaoye koloure.”

JOHAN 2:25

alia puletao vanou maita linoua zhopaoh souyu puhye donou koyu hae; daiolouzü puh lahnou emai lehi dai bue touyu hai süa bue.

JOHAN 21:5

Jisu nou puletao hi noue, “Khemaina taore, neletao khah lia phoulou mowu?” Puletao nou puh hi chila peie, “Halia phoulou moe.”

SEI-ATAMAI VAHTAO 14:9

Puhsü sühinou Paul nou chi pao-a buyu keia bue, alia Paul nou puh hi zhuteiloua ea puhye souvei peilou süe tea loucheyu sü puh hi bue touyu ngaoloua,

SEI-ATAMAI VAHTAO 19:12

Sükua puh vasou hinou pahsousah moa sazha sü poloua lishi maitao hi poveyu kisü puletao sounou sü veiloue ea rashi tao-a puletao hinou tapaloue.

SEI-ATAMAI VAHTAO 23:11

Thainaisho kheisü Mapao nou Paul ngheiki tave laloua paoe, “Khuveilo! Daiolouzü nenou Jerusalem hinou A zhopaoh peilouyu kua, Rom hi-a nenou Azhopaoh peivuzülai.”

ROMMAI 5:11

Alia süthe baimoe, ana Ehnou Eh Mapao Jisu Khrista vanou Ramai hi lesawe, daiolouzü puh vanou chuo Ehnou Ramaiye koa chaveilouyu nasü ngaoloure.

JEMS 2:18

Ana kamainou, “Nevei lü bue ea Avei vah bue,” tea paolai. Avei chilawo louzü, “Nevei lü nasü vah loumoa Ahi ngaopeio, alia E-a Avahnou Avei lü nasü pongaolai.”