MATHIU 9:12 - SHEEYU BAIBEL (BSI)

¹² Ana Jisu nou süsü choulouyu kisü chila peie, “Pfüphao veimaiye donou pou-apeimai halia koyu hae, ana lishi maitao likhei donou kobaie.

MATHIU 9:12 Iomraidhean Croise

LOUTAO 147:3

Puhnou tsüle pepoa buyu maitaoye sü souvei peie, ae zhizhu khaitoua buyu maitaoye sü kiko peie.

LOUTAO 41:4

Enou paoe, “Oh Mapaowo, Eye zhuvea peio, avei sounou sü souvei peio, daiolouzü Enou ne nghoujü nou mah souwure.”

LOUTAO 6:2

Eye zhuvea leshi peio, Oh Mapaowo; E lelouho shore, Eye khouko peio;

JEREMIAH 17:14

Oh Mapaowo, Eye souvei peio, sükulouzü Esü veiloua bailai. Eye vupa peio, sükulouzü Esü kaozhou vei-a bailai. Daiolouzü Enou paoshoyu nasü ne baie.

JEREMIAH 30:17

Enou neletaoye souveipu peilai; Enou neletao vei zhimü khesü souku peilai, ngaoba maitao nou neletaoye haibüa pao-a buyuma, ‘Zion hai mai nou komore, ae mai linoua zhuvea leshi peimore.’ Haisü Mapao Enou paowe.”

JEREMIAH 33:6

Ana Enou nuhdu hai nasü souveipu peilai ae maikhe maiye sü pfüphao aveih peipulai. Enou puletaoye vasa payu ae kaonayu sü peilai.

JEREMIAH 8:22

Gilead teidei hi souvei peiloure pou harevu? Sühisü pou apeimai ngaolou hodou? Bulouzü daidonou zhikhai touyu Amaitaoye souvei peimoe?

HOSEA 14:4

Mapao nou paoe, “Enou puletaoye sü Ahi sa-a dakhai veloulai, puletaoye sü Ale teitei nou peia leshi peilai, daiolouzü Avei lekha-rarou nasü puletao hi bupu khailai more.

MATHIU 18:11

(Daiolouzü Mai Nahpoutu nou hawuyu naye sü khaipeire donou ve.)

MARK 2:17

Alia Jisu nou süsü choulouyu kisü puletao hi paoe, “Pfüphao veimai donou pou-apeimaiye koyu hae, ana lishimai donou likhei kobaie, Enou acheche maiye kure donou vemoe, ana mahmaiye donou baie.”

LUK NOU RÜYU KO AVEIBVÜ 5:31

Jisu nou puletao hi chila peie, “Pfüphao veiyu maitao donou pou-apeimai sü koyu hae ana lishimaitao donou likhei kobaie.

LUK NOU RÜYU KO AVEIBVÜ 8:43

Alia puletao hrohisü po kiahai zhe küa souyu ea puhvei buyu kini teitei pou-apeimai hinou souhazheikhai-a mailinoua souvei peilou hoyu naotupai ali bue.

LUK NOU RÜYU KO AVEIBVÜ 9:11

Maisoutao nou sübüyu kosü choulouyu kisü, puletao nou puhthai füpoa tare; alia puhnou puletaoye sasa-a shepeiwu-a puletao hi Ramai vedei vanou paodou peie, alia sou souveilou nüyu maitaoye souvei peie.

KOLOSSEMAI 4:14

Eletao nou leshiyu Pou-apeio Luk ea Demas nou neletao hi khurüyu chidoh seiwe.