MATHIU 8:9 - SHEEYU BAIBEL (BSI)

⁹ E koute-a reihmai peichamai khehi bumai baie ea Akhehi-a reihmai bue. Enou puletao alihi ‘Tawo!’ tea kharochi peikhaie puhnou tawe; alia Enou kukhe alihi, ‘Taveo!’ tea kharochi peikhaie puhnou tave baie; alia Enou Aqila hi, ‘Haina soukhaio!’ tea kharochi peikhaie puhnou sünasü soubaiwe.”

MATHIU 8:9 Iomraidhean Croise

LOUTAO 119:91

Nenou kharochi peikhai touyu thaifüa na veishi hai zhou teithe hi koute sübüa buwe, daiolouzü sütao teitei hai nevei kilai baie.

LOUTAO 148:8

tei peivavayu na ae reithoutao, vüra ae teihaotao, ae teikhai chishoyu khesü puhvei kharochi sü züe.

MATHIU 8:10

Jisu nou haihai chouloukhaie khupare ea puhthaifüa laimaitaohi paoe, “Enou chechenou neletao hi paowe, Israel nahmaitao hrohinou haibüa lüyu mailia ngaokhai mohie.

MATHIU 8:8

Ana kaihpei chawonou puh hi chila peie, “Mapao, neye panou Akihi taveyu Eye donou khamoe. Kharochi likhei peikhaio ea Akilaiwo sü veiloulai.

MARK 1:27

Mai hrülainou khupa sholoua alinou lihi haibüa noua paoe, “Haihai daie? Haihai süthoa doupeiyu tyaliwu? Daiolouzü puhnou soulousü zünou pu koa sheemoyu rakotaohi koutea kharochi peiwe, alia puletao nou puh chi züwe!”

LUK NOU RÜYU KO AVEIBVÜ 4:39

Alia puh nou puh ngheiki hi takou laloua rakee nahisü puhye thao-a taloure kharochi peie, alia rakee nasü puh hinou tare; alia sühinou puhnou thala-a lashuloua puletaoye sü kuvah soupeie.

LUK NOU RÜYU KO AVEIBVÜ 7:8

Daiolouzü, E koute-a peichamai khehinou buyu mai alibaie, alia Akhehi-a reihmai bue; alia Enou puletao talihi haibüa kharochi peiwe, ‘Takhaio!’ alia puhnou tawe; alia kukhe alihi, ‘Taveo’ toulouzü puhnou tave baiwe; alia Akilaihi, ‘Haina souwo’ toulouzü puhnou sünasü souwe.”

LUK NOU RÜYU KO AVEIBVÜ 9:1

Alia Jisu nou rozümai kiahaitaoye kuve dzüloua puletao hi rashitaoye hupalou süyu ea sounou souvei peilou süyu khouko ea soulousü zü peire;

KOLOSSEMAI 3:22

Qilatao, ha teitei hinou neletao deiphao hi paopumaitao chi sü zülo, süolouzü maiye le sousa loure puletao vei nghingao hinou likhei baimoa Mapaoye khuhaoyu hilonou le sheetoua kuvah soukhaio.

TITA 2:9

Qila maitao nou puletao paopumai khehi hrülai ea ha teitei hinou puletao le sousalai. Puletao nou paopumai taohi chila peidawu laimoe