MATHIU 8:4 - SHEEYU BAIBEL (BSI)

⁴ Süthaisü Jisu nou puh hi paoe, “Keikhaio! Maitalihi-a paoso, ana napao nahi taveloua puhye panou neye zhukhaio; süthaisü mai hrülaihi ne veiloure touyu zhopaoh souloure donou Moses nou kharochi peiyu thaifüa po sheelare na nasü sheela khaio.”

MATHIU 8:4 Iomraidhean Croise

ISAIAH 42:21

Mapao hai maiye khaipei nüshoyu Ramaie-e, südonou puhnou puhvei chikhatao, ae dou-apei khesü puhvei maitaoye panou tsükhouyu nasü jüpawe.

LEVIMAI LARÜBVÜ 13:49

daizhao-a palouzü moa homara-a palouzü süsü latalou veiyu loukhaora taore, südonou sünasü napao hi pove ngaolai.

MATHIU 10:18

Alia Avanou neletaoye puletao ea Tahrüh kukhemai nghojünou zhopaoh soure donou teidei khomai ea Vemaitao nghojühi savelai.

MATHIU 16:20

Süthaisü Jisu nou puh rozümai taohi puh hai Khristae touyu hai mai tali hi-a paokhaiso tea soutaosoua kharochi peire.

MATHIU 17:9

Alia puletao nou deichi phihi takouyu kisü, Jisu nou puletao hi kharochi pei-a paoe, “Neletao nou ngaolouyu zho haina hai, Mai Nahpoutu nou athai hinou hrishu loumo koute sü maita lihi-a paongao khaiso.”

MATHIU 3:15

Ana Jisu nou puh hi chila peie, “Chuo louzü sübütheo. Daiolouzü haibüyu zhai hinou Eletao nou Ramai hinou moshilaiyu teitei sü souloulai.” Südonou Johan nou aetou peire.

MATHIU 5:17

“Enou Moses vei razhai ea rachi paolamaitao nou doupeiyu taosü souhare donou vewe tea chowuso. Sütao souhare donou E vemoe, ana sütao panou vetere donou ve.

MATHIU 6:1

“Maikhemai nghojünou puletaoye panou ngaoloure neletao vei rahrüzhai tayu zhaidotao soungao more donou leikeilo. Neletao nou haitaohai dua soungao louzü rakibu neletao Puo hinou neletao nou buu lia ngaolai moe.

MATHIU 9:30

Alia puhai nghithousü ngaoloure. Jisu nou puhaihi tukha-a paoe, “Haihai maitali hi-a paongao khaiso!”

MARK 13:9

“Ana lah neletaowo leikei-a bulo; daiolouzü puletao nou neletaoye niloua chikuki hi savelai; alia neletaoye rathobuhtao hinou dapeilai; alia neletao hai Azhih donou puletao hi ko avei paongao peire donou teidei khomaitao ea vemaitao nghojühi ve lalai.

MARK 3:12

Alia Jisu nou rashitaohi puh hai thaoh-e touyu vanou maitalihia paokhaiso tea tukhatsü peire.

MARK 5:43

Ana Jisu nou puletao hi maikumai talihia ko süsü paongao khaiso tea tukhatsü peire, alia puhnou puletao hi, “Nahpaihi ha toure daotu peio” tea paoe.

MARK 6:11

Alia buh tali hinou neletaoye shepei balouzü moa neletao chi keipei balouzü, buh süsü neletao nou thaowu-a tayu kisü, puletao pei hi motouyu lapeire donou neletao phihi naisü sülaiwo. Chechenou Enou neletao hi paowe, chikuyu teithe kisü nuhdu süna jünou Sodom ea Gomorrah nou shamealou veilai hie!”

MARK 7:36

Alia Jisu nou puletao hi maitalihi-a paokhaiso tea tukhapeie, ana puhnou puletao hi khouchia tukha peikhaie, puletao nou süvanou leloushoa paongaopu tare.

MARK 8:30

Süthaisü Jisu nou puletao hi kharochi peia paoe, “Maitalihia Avanou paokhaiso.”

MARK 9:9

Alia puletao nou deichi phihi takouyu kisü, Jisu nou puletao hi kharochi pei-a paoe, “Neletao nou ngaolouyu haina hai, Mai Nahpoutu nou athai hinou hrishu loumo koute maita lihi-a paongao khaiso.”

LUK NOU RÜYU KO AVEIBVÜ 17:14

Jisu nou puletaoye ngaolouyu kisü puletao hi paoe, “Neletao lah taloua napaomai taohi pongaokhaio.” Alia puletao nou luduhi ta-a buyu hinou puletaosü sheeloure.

LUK NOU RÜYU KO AVEIBVÜ 21:13

Sükua payusü neletaoye donou zhopaoh soure teile zhou aveili soulai.

LUK NOU RÜYU KO AVEIBVÜ 4:41

Alia rashitao-a, “Newo Ramai Nahpoutue!” tea shusou shaloua maitali hinou tapare. Ana Jisu nou rashitaoye sü kharochi pei-a puletaoye panou chi paomoe, daiolouzü puhsü Khristae touyu sü puletao nou süe.

LUK NOU RÜYU KO AVEIBVÜ 5:14

Süthaisü Jisu nou puh hi kharochi pei-a paoe, “Maita lihi-a paokhaiso, ana napao nahi taveloua puhye panou neye zhukhaio; süthaisü mai hrülaihi ne veiloure touyu zhopaoh souloure donou Moses nou chikha peiyu thaifüa posheelare na nasü sheelakhaio.”

LUK NOU RÜYU KO AVEIBVÜ 8:56

Alia puhvei pfüpuo sü khupare; ana Jisu nou puletao hi dai paresa touyu vanou maitalihi-a paongao khaiso tea kharochi peie.

LUK NOU RÜYU KO AVEIBVÜ 9:21

Süthaisü puhnou puletao hi sünahai maitalihi-a paokhaiso tea soutaosou kharochi peiwuyu thaisü

JOHAN 5:41

“Enou mai hinou paoshoyu phoumoe.

JOHAN 7:18

Puh lah puh madonou pao-a buyu puhsü lah puh kathe phoubaie; ana puhye seiveyu puh vei kathe phouyu puhwo chekhaoe ea puh hisü madayu alia hae.

JOHAN 8:50

Enou Akathe phoumoe; ana süna phouyu ea chiku peiyu maili bue.