MATHIU 8:31 - SHEEYU BAIBEL (BSI)

³¹ Südonou rashitaonou Jisu hinou khoa paoe, “Nenou Ehye huta bailai toulouzü, Ehye vokho sünahi seikou thoupeio.”

MATHIU 8:31 Iomraidhean Croise

MATHIU 4:24

Südonou puh kohai Suria teidei teiteihi kupoa tare ea maikhe mainou puh hisü lishi-a bumai hrülai, sou tyalinou soua bumai ea sounghei-nghei-a bumai, rashinou louyumai, soura soumai ea pothaimai taoye pove-a puhnou puletao hrülaiye souvei khaipeire.

MATHIU 7:6

“Sheeyu na nasü seitao hi peiso; peilouzü puletao nou reiveloua neletaoye dushulai. Neletao vei sana muhtei nasü votao nghojü hi polai khaiwuso; laikhai louzü puletao nou sütaosü phinou taina-a bailai.

MATHIU 8:30

Buh sühinou doushomoa vokho alisü pouphoutoua bue.

MATHIU 8:32

Jisu nou puletao hi paoe, “Tawo.” Südonou puletao nou taloua vo sütaohi koulou loure. Alia zhukhaio, vokho teiteisü saobeiyu leaphihi polouloua zaihi loure ea lou dzü hinou maothea khaire.

MARK 5:12

Südonou rashitao nou Jisu hi khoe, “Eletaoye votaohi seikou thoupeio, alia Ehye panou sütaohi loulouwo.”

MARK 5:7

alia shusou shaloua paoe, “Aku-kulai Ramai Nahpoutu Jisu, ne Eye koa dai soure bue? Ramai zhih kua Enou nehi paowe, Eye souvea peiso.”

PONGAOPEIYU 12:12

Südonou Oh raki ea sühinou hrüa buyu neletao lesalo! Ana deiphao ea zaiye donou daizhozhou ngaopisa daiolouzü rashinanou puh teilehai phajütou baire touyu sü sülouyu vanou raroushopoa nehaihi koure!”