MATHIU 8:16 - SHEEYU BAIBEL (BSI)

¹⁶ Alia koukhe loukhaie, maikhe mainou Jisu hi rashi loumai alaosou save. Jisu nou chipao alikhei paopeia rashitaoye sü hulai papeie ea lishia bumai hrülaiye sü souvei peie.

MATHIU 8:16 Iomraidhean Croise

TAPALOUYU 15:26

Puhnou paoe, “Neletao nou soutaosou neletao Ramai Mapao chi zülouzü, ae avei nghingao hinou kaozüyu vah soulouzü, ae avei chikha khesü zülouzü, Enou Ejipt mai hi seiveyu rahta nasü panou neletao hi velai moe, daiolouzü E hai sounou souvei apeio Mapao nasüe.”

MATHIU 12:22

Süthaisü mai kamainou Jisu hi rashinou lou-a nghichayu ea lahayu maili save. Jisu nou mai sünaye souvei peire, südonou mai sünasü la phaloure ea ngaoloure.

MATHIU 14:14

Jisu nou zaipehi tapayu kisü maisou alaoye ngaoloure; alia puhnou puletaoye zhuvea sholoua puletao vei sounou maitaoye souveipeie.

MATHIU 8:15

Alia Jisu nou puh bah sü kou deipeie, alia rakee nasü khaire ea puhnou shuloua Jisu kuvah soupeie.

MATHIU 8:33

Vokho mainou tuho nuhduhi velouloua sühinou ve ko teitei ea rashinou louyu mai sühai hisü dai paresa touyu teitei sü paongao peire.

MATHIU 9:2

Alia zhukhaio, sühinou mai kamainou züh vanou züyu pothaimai aliye Jisu hi pove. Alia Jisu nou puletao vei lü hai ngaoloua, pothaimainahi paoe, “Lesalo, Anahna! Nemah taosü khaipeire.”

MARK 2:3

sübüa buyuhinou mai adainou pothaimai aliye kaopoa Jisu hi save-e.

MARK 5:8

(Puh nou haibüa paoyu hai Jisu nou puh hi, “Rashina, mai haina hinou tapalouwo!” tea paoyu donoue.)

MARK 9:25

Alia Jisu nou maikhe mainou puletao hi koa tuveyu sü ngaloua, rashi nahi kharochi peia paoe, “Nou peyu ea la hayu rashi, Enou neye nahpoutuna hinou tapalouwo tea ea puh hi hakia loupu khaiso tea kharochi peiwe!”

LUK NOU RÜYU KO AVEIBVÜ 13:12

Alia Jisu nou puhye ngaolouyu kisü, puhye laloua puh hi paoe, “Naotupai, neye nevei sou hinou do soupeire.”

LUK NOU RÜYU KO AVEIBVÜ 4:40

Chuo teinghinou kou loutayu thaisü maikhemai taonou sounou tyalinou soua buyu lishimai taoye Jisu hi save, alia puh nou puh bahnou puletao aliliye kou deipeia puletao hrülaiye souvei peiwure.

LUK NOU RÜYU KO AVEIBVÜ 4:41

Alia rashitao-a, “Newo Ramai Nahpoutue!” tea shusou shaloua maitali hinou tapare. Ana Jisu nou rashitaoye sü kharochi pei-a puletaoye panou chi paomoe, daiolouzü puhsü Khristae touyu sü puletao nou süe.

SEI-ATAMAI VAHTAO 5:15

Südonou Pitar nou ta-a buyu hinou puh khunguhai panou puletao kamai vahi dakhai loure koute donoua maikhe mainou sounou maitaoye duvahi poveloua puletaoye züh phaohi ea zha phaohi pozü khaipeie.