MATHIU 8:11 - SHEEYU BAIBEL (BSI)

¹¹ Enou neletao hi chechenou paowe süolouzü mai alaosou teinghi palo ea teinghi loulonou taveloua raki Vedei nühbuh hi Abraham, Isak ea Jakobye koa ve buzholai.

MATHIU 8:11 Iomraidhean Croise

SHURAI 12:3

“Neye shiha peiyu maisü Enou ha peilai. Ana neye chaa peiyu maiye sü Enou chaa peilai. Alia ne vanou tyahrü hrülaiye Enou shiha peilai.”

SHURAI 22:18

Nevei tyaosholea hi Enou shiha peiyu büa deiphao hi buyu tyahrü hrülai nou avei shiha kholai, daiolouzü nenou avei kharochi züyu vanou.”

SHURAI 28:14

Ne tyaonah khesü panou deiphi vonai zhoua panou hrülai alia puletaoye panou hrüpoa teinghi loulo, teinghi palo, reikou ae khekou holai, alia ne ae netyaonah vanou Enou tyahrü hrülaiye shiha peilai.

SHURAI 49:10

Judah bah hinou veo vei süpo bukou telai, Puh vei tounah taonou vekou teloulai. Tyahrü khemai nou puh hisü kalona pove peilai, alia puh chi züa puhye khurülai.

LOUTAO 22:27

Tyahrü hrülai nou Mapao ye sü licholai. Deiphao kainghou veishi hinou hrüyu mai hrülai sü puh hi dakhai velai; tyahrü veishi nou puhye sü tholai.

LOUTAO 98:3

Puhnou Israel maitao hi apaokhai touyu nasü thaifüa puhnou puletao hi chilee cheche-a ae tobai soumoa leshi peie. Etao Ramai nou veilouyu nasü deiphao mai hrülai nou ngaoloure.

ISAIAH 11:10

Veo David vei tyaosholea hinou shee ali soua vemai ashu ali hrüvere teile sü velaire. Maikhe mainou puhye sü phoulai, ae puhye sü maikhe mainou tsükhoulai.

ISAIAH 49:12

Avei maitao sü kadoukou nou veloulai, kamai-a reilova nou velai ae kamai-a teinghi loulo vanou velai, kamai-a nou khelo nou buyu Aswan (Sinim) hinou veloulai.”

ISAIAH 49:6

Mapao nou ahi haibüa paoe, “Avei kilaiwo, Enou neye panou dupuyu vah sü soulai. Shokhaitoua buyu Israel maitaoye nenou kupoa dakhai ve kiduso peiyu likhei bailai moe, neye panou tyahrü hrülai vei ava ali soulai, sübüa deiphao teitei sü panou khailu louyu sü ngaoloulai.”

ISAIAH 52:10

Mapao nou puhvei sheeyu bah sü thaipalai, puhnou puhvei maitaoye sü khailu peilai ae süsü deiphao mai hrülai nou zhingaolai.

ISAIAH 59:19

Teinghi palova nou poa teinghi loulova koute hrüa buyu mai hrülai nou puhye sü ngaopilai ae puhvei khouko ava nasü tsükhoulai. Teikhai teirü shisho-a veyu büa puh hai velai.

JEREMIAH 16:19

Mapaowo, Eye vupa peiyu ae khouko peiyu sü ne baie; nenou Eye veahoyu teile hi soukha peie. Teidei akhai hinou buyu tyahrütao nou ne hi tave haibüa paolai, “Eh puopao mainou cheche moyu rahtao ae komoyu basharatao sü tho baie.

DANIEL 2:44

Vemai sütao nou nuh teidei khoa buyu phaki hinou, rakibu Ramai nou veteidei ali soushulai, alia sümaiye sü hasou kilia soushilou hoe, mokhaia mai kukhe nou veiloulai moe. Veteidei haina nou veteidei kukhe pfüphouye sü souhalai alia akhai soulai, ana vedei haina nou teisa vei soua bulai.

MALAKAI 1:11

Daiolouzü teinghi palaonou loulao koute azhih hai tyahrü teitei hi dushoe, alia buh teitei hinou theadzü kaiveih nou poa azhih hinou sheela peiwe, alia sheeshayu nanou Eye poa sheela peiwe; daiolouzü azhih hai tyahrü hrülai hi dushoa bue, tea Khoukhoulai Mapao nou paoe.

MATHIU 21:41

Puletao nou puh hi chila peie, “Puhnou veimosoua maishi sütaoye southealai, alia darkha kipei nasü darkha cha chiyuki puhvei zha peilaiyu kukhe kipei khomai taohi souwulai.”

MATHIU 24:31

Alia puhnou puhvei rakivamai taoye paiku shoa houyu be khonou pua seivelai, alia puletao nou puhnou dopa louyu maitaoye rateiva akhai polo dova hinou akhai polo koute, deiphao kaihoung dai hinou pove dzülai.

MATHIU 3:2

Puhnou paoe, “Neletao mah hinou le dalouwo, daiolouzü raki Vedeihai ngheire!”

MATHIU 8:10

Jisu nou haihai chouloukhaie khupare ea puhthaifüa laimaitaohi paoe, “Enou chechenou neletao hi paowe, Israel nahmaitao hrohinou haibüa lüyu mailia ngaokhai mohie.

LUK NOU RÜYU KO AVEIBVÜ 12:37

Paopunou veyuki zhaihe-a tave ngaolouyu kilai sütaosü rakoveie; chekhaoa Enou neletao hi paowe, puhnou puhlah sakhya phuloua kukhemai taoye panou toure donou kou bulai ea puhnou tashuloua puletaoye kuvah soulai.

LUK NOU RÜYU KO AVEIBVÜ 16:22

“Süthaisü tosüa laiyu mai sünasü thaitare ea puhye sü rakivamai taonou rakiva Abraham ngheiki hi sakhe peire. Hanimaipou süna-a thaitare ea povure;

SEI-ATAMAI VAHTAO 10:45

Alia hee rodeyu maitao hrohinou Pitarye koa veyu lüloumai taosü khupa loure, daiolouzü tahrüh kukhe maitao pei hi koutea Ramai nou puh Rako Mashi vei sa-apeina nasü lakou thoupeire.

SEI-ATAMAI VAHTAO 11:18

Puletao nou chipao haina choulouyu kisü paikhaimo zheire ea Ramaiye sholoua, “Sükuyu thaiwo tahrüh kukhe maitao hia Ramai nou panou ledaloua hriloure teile zhou aveisü peire!” tea paoe.

SEI-ATAMAI VAHTAO 14:22

Alia nuhdu sütaohi buyu rozümaitao lesü soukhou peia ea lü hinou tobai soumoa buloure donou puletaoye süpeiwu-a, “Veahoyu tyali vedao vuzüwu-a Eletao nou Ramai Vedei hi veloulai,” tea paodoupeie.

SEI-ATAMAI VAHTAO 14:27

Puhainou Antiok hi velou louyu kisü, lüloumaime taoye kuve dzüloua Ramai nou puhaiye koa vah souyu teitei ea kakua puhnou tahrüh kukhemai taohi lülouyu vei kikhu sü houpeisa touyu chi teitei sü puletao hi paongao peie.

1 KORINTHMAI 15:20

Ana athai hinou zhia buyu maitao hai hrishu vuzülai touyu lapeiyupao soure donou Khrista hai athai hinou hrishu cheche loure.

1 KORINTHMAI 6:9

Cheche moyu mainou Ramai Vedei sü ngaolaimoe touyu sü neletao nou sümowu? Neletao lah lawuso; khu-lou souyumai, bashara thomai, mai chapfüna sapamai, lah poutu ea naotu hao-a koa buyu,

EPHESAMAI 3:6

Kheitsü sünawo louzü Ko Avei süna vanou tahrüh kukhe maitao nou Jihudimaiye koa Ramai vei hataosü zha ngaozho loure; puletaosü koa lou pfüphao ali souloure ea Ramai nou Khrista Jisu vanou apaopei khaitouyu hisü koa zha ngaozho loure.

KOLOSSEMAI 3:11

Zhai ashu haina hisü, tahrüh kukhemai ea Jihudimai touyu, hee rodeyumai ea rodemoyu mai touyu, hasü moyu-dupamoyu tahrümai touyu, qila, do soumai touyu ali-a hae, ana Khrista nou ha teitei baie ea puhwo ha teiteihi bubaie.

2 THESSALONIMAI 1:5

Ramai vei chikuyu hai cheche-e touyu sü haitao teiteinou zhopaoh peiwe süolouzü Ramai vedei donou nelenou sübüa vea-hoyu vanou neleye puh vedeimai souzüe tea poloulai.