MATHIU 7:7 - SHEEYU BAIBEL (BSI)

⁷ “Khokhaio, alia süsü neletao hi peilai, phoukhaio, alia neletao nou ngaoloulai; houkhaio, alia süsü neletao hi houthou peilai.

MATHIU 7:7 Iomraidhean Croise

SHURAI 26:32

Süzhou teithe Isaak kilai mainou heyu dzükhao nasü dzü bua ngaoloure tea Isaak hi ve paoe.

1 VEMAITO 3:5

Süzhou khei Ramai nou puh mekou hinou taveloua puh hi noue, “Enou neye donou dai peiyu ne jüpawe?”

LOUTAO 10:17

Oh Mapaowo, lelou hoyu maivei veachi sü nenou keinou peilai; nenou puletao vei tsüle sü soudu peilai.

LOUTAO 10:4

Mai ashi mainou khaophu zhai souloua Mapao ye sü ngaophou more; puletao vei tsüle hisü Ramai touyu ali-a hare.

LOUTAO 119:12

Oh Mapaowo, Enou neye paoshowe; nevei ludu khesü Eye paodou peio.

LOUTAO 27:8

Nenou “Ahi velo, ae Eye tholo” tea paoyu phaki, Enou haibüa chila peie, “Mapao, Enou ne hi velai,

LOUTAO 34:4

Enou Mapao hi veachi paoe, ae puhnou Eye chila peie; Enou ngaopi-a buyu veishi hinou puhnou Eye vupa peie.

LOUTAO 37:4

Savayu nasü Mapao hinou phoulo, ae puhnou neye sü nenou jüpa-a buyu veishi ne hi peilai.

LOUTAO 50:15

Neletao hi veahoyu veyu phaki Eye kulo; Enou neletaoye khailupa peilai, ae neletao nou Eye paosholai.”

LOUTAO 69:32

Mainou souvea souho-a buyu maitao nou hainasü ngaolouyu phaki, puletao hai lesa sholai; Ramai ye tho-a buyu maitaoye sü le souhro peipulai.

LOUTAO 70:4

Ne hi velouyu mai hrülaiye sü panou asah soua savayu sü soupeio. Nenou khailupa peiyu donou ne hi kalo pao-a buyu maitaoye panou teisa haibüa pao-a bulo, “Mapao hai daizhou koute dusa!”

LOUTAO 86:5

Oh Mapaowo, newo louzü veisho-e ae khaipeiyu nasüe, ne hi veachi paoyu mai hrülai hisü, nevei tobai soumoa leshipeiyu nasü peie.

TSÜCHITAO 8:17

Eye leshiyu maitaoye sü Enou leshie; alia Eye toutei-a phouyu maitao nou Eye ngaoloulai.

SOLOMON VEI LOU 3:2

Chuo E tashu loua nuhdu hisü hotalai, taho züdu alia kibvü kinou Aleshipu ye sü phoutalai. Enou puhye phoue, ana puhye phou hare.

ISAIAH 30:19

Oh Jerusalem hinou hrüa buyu maitaore, neletao krayu paisü chouloua zhuvea peilai, ae neletao vei akho sü noupeilai.

JEREMIAH 33:3

“Eye lakhaio, ae Enou neye chila peilai; nenou sükhai toumoyu khupayu ae veishoyu khesü Enou ne hi paongao peilai.

AMOS 5:4

Mapao nou Israel mai hi paoe, “Eye phoulo alia hrilo.

MATHIU 18:19

“Enou neletao hi paopuwe; deiphao nou neletao hrohinou mai ahai nou hatali donou le alisoua khozho louzü, sünasü neletaoye donou rakibu Apuonou soupeilai.

MATHIU 21:22

Alia neletao nou louche-a bulouzü, neletao nou veachi pao-a khoyu talihai ngaoloulai.”

MATHIU 6:33

Ana neletao nou rairaikaia Ramai Vedei ea puh vei acheche nasü phoulo, alia na haitao teitei sü neletao hi thoupu peilai.

MATHIU 7:11

Südonou shi-a buyu neletao koute-a nele nahmaitaohi avei nakhemai peilou sülouzü, kazhou koute koua rakibu neletao Puonou puh hinou khoyu maitao hisü avei nataonou peilai!

MATHIU 7:8

Daiolouzü khoyumai talinou ngaolouwe, alia phouyumai talinou ngaolouwe, alia khou-a buyu puh hisü houthou peilai.

MARK 11:24

Qo haina vanou Enou neletao hi paowe: Neletao nou veachi pao-a hatali kholouzü, süsü neletao nou ngaoloure tea louchelo, alia neletao nou khoyu talisü neletao hi peilai.

LUK NOU RÜYU KO AVEIBVÜ 13:25

Ki paopu nanou shuloua kikhu khuyu kisü, neletao nou vakou hinou la-a ea kikhusü khoua haibüa paolai, ‘Dou-apeio, Eletao hi kikhu houpeikhaio!’ Puhnou neletao hi, ‘Neletao daikinou vesa, Ewo sümoe’ tea chila peilai.

LUK NOU RÜYU KO AVEIBVÜ 18:1

Süthaisü puh rozümaitao nou le khaitamoa teisanou veachi pao-a buzüe touyu doupeire donou Jisu nou puletao hi nada ali paopeie.

JOHAN 15:16

Neletao nou Eye dolou moe, ana neletao nou taho rashi shiloure donou ea neletao vei rashi nasü teisanou buloure donou Enou neletaoye doloure ea buh thoupeire. Alia sükua neletao nou Azhih hinou Puohi khoyu tasü puhnou neletao hi peilai.

JOHAN 15:7

Neletao nou Ahi tobai soumoa bulouzü ea Achipao taosü neletao hi tobai soumoa bulouzü, neletao nou züpayu tali khokhaio, alia sünasü neletao donou soupeilai.

JOHAN 4:10

Jisu nou puh hi chila peie, “Nenou Ramai vei sa-apeina ea nehinou dzü khoyu puh hai thaohsa touyu süa buyu thaio nenou, puh hinou kholai, alia puhnou nehi hriyu dzü nasü peiloulai.”

ROMMAI 2:7

Mai kamai sü thaokhaimoa avei vah soua, khouko ava, tsükhouyu ea halouho ahri phoua bue; puletao hisü Ramai nou teisa ahri peilai.

ROMMAI 3:11

tsü veiyu mailia hae, moa Ramaiye phouyu mailia hae.

EBRIAMAI 11:6

Alia lüloumoa maitalinoua Ramai züpa soulouhoe. Daiolouzü Ramai hi taveyu maitalinou puh hai buwe ea puhye phoua bumaitaoye sü buu peiwe touyu sü louche vuzülai.

JEMS 5:15

Alia lü vei veachi sünanou sounoumai sünaye khailu loulai, alia Mapaowo nou puhye sü polashu peilai. Alia puhnou mahwu louzü, puhye sü khaipeilai.

1 JOHAN 3:22

Eletao nou puh hinou khoyu teiteisü ngaolouwe, daiolouzü Eletao nou puh chikhasü züwe ea puhnou züpayu sü souwe.