MATHIU 7:25 - SHEEYU BAIBEL (BSI)

²⁵ Alia teinou rükouloua dzünou duve loure, alia teikhainou hüveloua ki sünaye ve hüsho loure. Ana ki sünanou kaotamoe, daiolouzü sünasü chuhdu vanou soukhaitoue.

MATHIU 7:25 Iomraidhean Croise

TSÜCHITAO 10:25

Teikhai teirü ashi veyu phaki, mai shiyu maitaoye sü hüpoa ta bailai, ana acheche maiwo louzü teisa nou kaozhou vei-a bailai.

MALAKAI 3:3

Puhnou shahu sousheeyu alia souveiyu mai ali büa chobulai, alia puhnou Levi nahpoutu khemai sü soushee peilai alia acheche sheelayu nasü Mapao hi peimosa puletao sü sana ae shahu sousheeyu büa sousheelai.

MATHIU 16:18

Alia südonou Enou nehi paowe, newo chuh alie, alia chuhdu haina peinou A Church soushu palai, alia sünaye athai koute nou-a koloukhai laimoe.

MATHIU 7:24

“Südonou Achipaotao chouloua züloumai talihai chuhdu vanou ki soukhai touyu tsü veiyu mai sünaye kheihaoe.

MATHIU 7:26

“Ana Achipaotao chouloua züloumo maitaosü vünai phaonou ki souyu avomai sünaye kheihaoe.

MATHIU 7:27

Alia teinou rükouloua dzünou duve loure, alia teikhainou hüveloua ki sünaye ve hüsho loure ea ki sünasü kaotare, alia ki nasü kaoshisho loure!”

SEI-ATAMAI VAHTAO 14:22

Alia nuhdu sütaohi buyu rozümaitao lesü soukhou peia ea lü hinou tobai soumoa buloure donou puletaoye süpeiwu-a, “Veahoyu tyali vedao vuzüwu-a Eletao nou Ramai Vedei hi veloulai,” tea paodoupeie.

EPHESAMAI 3:17

alia lü vanou Khrista nou puhvei kihai neletao lekhe hinou souloure donou Enou veachi paowe. Alia leshi hinou neletaosü maa tsülou loure ea kifü soushu paloure donou Enou veachi paowe,

KOLOSSEMAI 2:7

Neletaoye doupeiyu sübüa neletao maasü puh hi tsüloulo, puh vanou neletao hrümaisü soushu palo, alia neletao lüsü khoupu palo. Alia kalo paoyu nou phoupeia bulo.

JEMS 1:12

Zhai zhuyu hi shamea louyu puhsü rako veie, daiolouzü puhnou zhai zhuyu süsü kolouyu kisü, Ramai nou puhye leshimaiye peilai tea apaokhai touyu ahri peirü nasü puhnou ngaolai.

1 PITAR 1:5

Kaa sütaosü akhai teithehi pongao peire donou souda-a buyu khailu peiyu süna donou lü vanou Ramai khoukonou pokutoupei khaitouyu neletaoye donoue.

1 PITAR 1:7

Veahoyu sütaosü neletao vei lühai cheche-e touyu popa ngaopeire donou baie. Souhalou veiyu sana koute-a mei hinou pothou dei-a zhai zhue; alia sübüa sana jünou koushoa muhteiyu neletao vei lü-a teisa panou buloure donou zhai zhuvu zülai. Süthaisü Jisu Khristaye ngaopeiyu teithe kisü neletaosü paoshoyu, kathe ea tsükhouyu sü ngaoloulai.

1 JOHAN 2:19

Puletao sü Eletao hinou tapae, ana puletaowo Ehmai moe; daiolouzü puletao hai Eletao maie toulouzü, puletao sü Eletaoye thaomoa koa buvu zülai. Ana puletao hrülaisü Ehmaitao moe touyu sü sheesha-a popa ngaopeire donou puletaosü tapare.