MATHIU 7:22 - SHEEYU BAIBEL (BSI)

²² Chikuyu Teithe kisü mai alaonou Ahi paolai, ‘Mapao, Mapao! Nezhih hinou Ehnou rachi paolapa mowu, alia nezhih hinou rashitaoye hulai pamowu, alia nezhih hinou khupa vah lao soumowu?’

MATHIU 7:22 Iomraidhean Croise

ISAIAH 2:11

Khaophu souyu maiye panou akhai soure ae khaityayu maiye souhawure teile sü velaire. Süzhou teithe sü Mapao ye likhei paosho-a bailai.

ISAIAH 2:17

Süzhou teithe sü khaophu souyu mai ae vah ashi souyu mai hrülai hai souha khaiwulai. Basharatao-a ngaomo ta-a bailai, alia Mapao ye likhei paosho-a bailai.

MAIPEI PHOUYU 24:4

Ramai nou paoyu chipao choulou süyu maina, Khoukhoulai Ramai hinou zho ngaoyuna kaoduta-a buyuma sheesha tea nou ngaolou süyu maina vei chipao.

MAIPEI PHOUYU 31:8

Puletao nou Midian maivei veo angou: Evi, Rekem, Zur, Hur, ae Reba hai maitao-a southare. Puletao nou Beor nahpoutu Balaam-a southawure.

MATHIU 10:15

Enou neletao hi chechenou paowe süolouzü Chikuyu Teithe zhousü nuhdu sünavei maitao jünou Sodom ea Gomorrah maitaoye nou Ramai nou koua zhuvea peilai!

MATHIU 24:36

“Ana teithe süna ea pha sünasü Puo likheiwo deinou rakihi rakivamai moa Nahpoutu koutenoua sümoe.

MATHIU 25:11

“Süthaisü kukhe loumainataoa taveloua shusoua paoe, ‘Mapao, Mapao, Ehye kikhu houpeio!’

MATHIU 7:21

“Mapao, Mapao, tea Eye kuyu mai hrülainou raki Vedei hi velou laimoe, ana rakibu Apuo leli souyu mainou velou bailai.

LUK NOU RÜYU KO AVEIBVÜ 10:12

Enou neletao hi chekhaoa paoe, Chikulaiyu teithe kisü nuhdu süna jünou Sodom ye nou sha-mealou veilai hie.

JOHAN 11:51

Chi hainasü puhnou puh madonou paomoe, ana po sünahi napao peichana soua buyu vanou puhnou raia Jisu nou Jihudimai tahrüh donou thaipeilai tea paobaie,

1 THESSALONIMAI 5:4

Ana thaihou jürai khemai, neletaowo teizhihi bumoe, alia teithe sünanou avaomaili büa neletao hi panou sükhaimoa pawu laimoe.

2 THESSALONIMAI 1:10

Haibüa teithe sükisü puhnou puhmaitao hrülai hinou khekai ea lüloumai hrülai hinou tsükhouyu sü ngaolai. Neletao-a puletao hrohi loulai, daiolouzü Ehnou nelehi paodou peiyu chipao nasü nelenou loucheloue.

2 TIMOTHI 1:12

alia sübüyu donou Enou veayu haitaosü dao-a bue. Ana Ewo ahraomoe, daiolouzü Enou loucheyu puhye sü Enou süwe, alia puhnou Ahi lüthou peikhai touyu nasü teithe süki koute puhnou khopei lousüe tea Enou louchewe.

2 TIMOTHI 1:18

Mapaowo nou puh zhuveasü teithe süki puh hi peiyu souloukhaio! Alia Ephesa hinou puhnou daizhozhou Eye donou kuvah soupeisa touyu sü nenou sütoua bue.

2 TIMOTHI 4:8

Alia chuo Teithe sükihi acheche chiku-apeio Mapaowo nou Ahi peilaiyu acheche vei Veo peirü nasü Eye donou soudapei khaitoua bure, alia süsü Ahi likhei peibai laimoe, ana puh veyu sü leshia khoa buyu puletao hrülai hi-a peilai.