MATHIU 7:21 - SHEEYU BAIBEL (BSI)

²¹ “Mapao, Mapao, tea Eye kuyu mai hrülainou raki Vedei hi velou laimoe, ana rakibu Apuo leli souyu mainou velou bailai.

MATHIU 7:21 Iomraidhean Croise

MATHIU 12:50

Daiolouzü rakibu Apuo vei leli souyu maitali sü Athaihou jürai, Atu ea Apfüe.”

MATHIU 16:17

Alia Jisu nou puh hi chila peie, “Johan nahpoutu Simon, newo rako veishoe! Daiolouzü haihai ke-zhenou nehi pongao peimoe, ana haisü rakibu Apuonou nehi peibaie.

MATHIU 18:10

“Neletao nou taikayu haitao aliye ngaophou moyu soumore donou zhutoulouo; daiolouzü Enou neletao hi paowe süolouzü rakinou puletao vei rakivamai taonou rakibu Apuo zhusü teisanou zhua bue.

MATHIU 18:19

“Enou neletao hi paopuwe; deiphao nou neletao hrohinou mai ahai nou hatali donou le alisoua khozho louzü, sünasü neletaoye donou rakibu Apuonou soupeilai.

MATHIU 18:3

“Enou neletao hi chekhaoa paoe, neletao nou dakhailou nahmaitao bümo louzü, neletao hai haki-a Raki Vedeihi velou louhoe.

MATHIU 18:35

Alia Jisu nou akhai soua paoe, “Südonou neletao nou neletao thaihou jüraiye neletao vei lekhe hinou khaipei molouzü rakibu Apuonou-a neletao hrülaiye sübüa soulai.”

MATHIU 19:24

Enou neletao hi paopue, hanimai alinou Ramai Vedeihi veloure jüwo racho alinou pei kulu hi tailouyu sünanou tala hie.”

MATHIU 25:10

Alia puletao nou hrüloure donou tayu thainou, sheerepu sü vere, alia souda khaitouyu puletao nou puhye koa sheenghiyu nühbuh hi tare, alia kikhusü khure.

MATHIU 25:21

Puhvei paopunou puh hi paoe, ‘Veishore, avei ea checheyu kilai; nenou ha taili pei hi cheche louyu donou, Enou neye ha taoli pei hi panou chalai. Ne paopu vei va-sayu buh hi talou louwo.’

MATHIU 26:39

Alia tadouphou kouloua puhnou deiphinou kou khüa kaoloua veachi paoe, “Apuo, soulou veilouzü veayu pai haina hai Ahinou potapeio; sütou khaia, Enou liyu bümoa nenou liyu büa soupeio.”

MATHIU 26:42

Süthaia puhnou tapulou khaia veachi paoe, “Apuo, veare pai haina hai Eye panou kümoa nou po talalou hoe toulouzü, nedo soulouwo.”

MARK 3:35

Ramai leli souyu maitali sü Athaihou, Atu ea Apfüe.”

MARK 9:47

Alia ne nghithounou neye mah hi süthou peilouzü, süsü reilapawo! Neye donou nghithou ahai pfüa meizaihi polai thouwuyu jüwo nghithou ali pfüa Ramai Vedeihi louyuna nou veikouhie.

LUK NOU RÜYU KO AVEIBVÜ 11:28

Ana Jisu nou chila peie, “Süjüwo Ramai vei chipao chouloua süna zülouyutao nou rako veihie!”

LUK NOU RÜYU KO AVEIBVÜ 13:25

Ki paopu nanou shuloua kikhu khuyu kisü, neletao nou vakou hinou la-a ea kikhusü khoua haibüa paolai, ‘Dou-apeio, Eletao hi kikhu houpeikhaio!’ Puhnou neletao hi, ‘Neletao daikinou vesa, Ewo sümoe’ tea chila peilai.

LUK NOU RÜYU KO AVEIBVÜ 18:25

Daiolouzü hanimai alinou Ramai Vedeihi velouyu jüwo racho alinou peimihi tailouyu sünanou talahie.”

LUK NOU RÜYU KO AVEIBVÜ 6:46

“Neletao daidonou Enou neletao hi paopeiyu nasü soumoabu lukhu Eye nou ‘Mapao, Mapao’ tea kuwe?

JOHAN 14:7

Neletao nou Eye süa bulouzü, Apuoye-a neletao nou süwulai; alia chushonou neletao nou puhye süloue ea puhye ngaoloure.”

JOHAN 15:23

Eye ngaorayu puhnou Apuoye-a ngaorawe.

JOHAN 3:5

Jisu nou chila peie, “Chichenou Enou nehi paowe, maita linou dzü hinou ea Rako hinou nalou molouzü, puhnou Ramai Vedei hi loulou hoe.

JOHAN 5:17

Ana Jisu nou puletao hi chila peie, “Apuonou chu koutea vah souwe, alia E-a vah soua bue.”

JOHAN 6:40

Daiolouzü Apuo leli nasü hainare, süolouzü Nahpoutuye ngaolouyu ea puhye louche louyu mai talisü teisa ahri ngaoloulai; alia Enou puhye akhai teitheki sou hrishu loulai.”

JOHAN 7:17

Maita linou Ramai züpa sounüa bulouzü, Enou doupeiyu hai Ramai hinou veho, lah Amadonou paosa touyu sü sülai.

SEI-ATAMAI VAHTAO 14:22

Alia nuhdu sütaohi buyu rozümaitao lesü soukhou peia ea lü hinou tobai soumoa buloure donou puletaoye süpeiwu-a, “Veahoyu tyali vedao vuzüwu-a Eletao nou Ramai Vedei hi veloulai,” tea paodoupeie.

ROMMAI 12:2

Deiphao haina vei zhai nasü poso ana neletao vei le davou talouyu vanou Ramaiye panou neletao lekhe sü soudawuwo. Süthaisü neletao nou Ramai vei leli süolouzü aveina, polou veiyuna ea licheyu nasü sülou süe.

ROMMAI 2:13

Daiolouzü Ramai nghojünou checheyu maitao hai razhai keilouyu maitao moe, ana cheche maiwe tea paopeire maitao hai razhainou paoyu süna souyu maitaoe.

EPHESAMAI 6:6

Haisü neletao nou puletao vei paoshoyu ngaolounüa puletao nou neletaoye zhubuki likhei baimoa, Khrista qilatao büa neletao vei le teiteinou koa Ramai züpasü soukhaio.

KOLOSSEMAI 4:12

Neletao me hinou ali soua buyu ea Khrista Jisu kilai ali soua buyu Epaphras hinou khurüyu chidoh seivewe. Puhnou neleye panou Ramai leli teitei hinou liche-a ea chekhoua laloure donou lenoushoa veachi pao-a teisanou neletaoye lichowe.

1 THESSALONIMAI 4:3

Daiolouzü Ramai nou neleyenou sheeloua ea khulou souyu vah soukhaimoa buyu sü züpae.

1 THESSALONIMAI 5:18

teile veishi hinou kalo paokhaio; daiolouzü haisü Jisu Khrista hinou neletaoye donou Ramai leli nasüe.

TITA 1:16

Puletao nou Ramaiye süe tea paowe, ana puletao vei vahtaonou puhye bawe. Puletao hai ngaorayu ea paoyu zübayu taoe, puletaosü havei talia souzüdou moe.

EBRIAMAI 13:21

Kaonayu Ramai nou nelelao hisü puhnou lichoyu souloure donou neletao nou moshilaiyu na avei teitei peiyu sü souloukhaio, alia Jisu Khrista vanou puhye panou puhnou züpa vahsü Eletao hinou soulou khaio. Alia Khrista hisü teisanou adusho paoyu sü souloukhaio! Amen.

EBRIAMAI 4:6

Südonou, chukoute mai kamaisü aso sühisü veloulai, alia raia Ko Avei choulouyu puletao sü paoyu-zübayu vanou aso sühisü veloulou more.

JEMS 1:22

Ana neletao nou chipao nasü souyumai soulouwo, alia lah neletaoye la-a chouyumai likhei souwuso.

1 PITAR 2:15

Daiolouzü neletao nou kaozüa souyu vah avei taonou tsühayu avomaiye panou paikhaimoa buyu sü Ramai nou züpae.

1 PITAR 4:2

Südonou, chuwo neletao vei deiphao hrümai hai vasou züpa soumoa Ramai leli soua hrü vuzülai.

PONGAOPEIYU 2:27

alia lah E-a Apuo hinou khouko ngaolouyu sübüa puhnou puletaoye sü hu südanou poa tukha sahrülai ea puletaoye sü nai lee soukho sasayu kua soukhowulai,

PONGAOPEIYU 22:14

Puletao nou ahri süübe süna hinou rashi touloure ea romü sütao hinou nuhdu sühi talou loure donou puletao vei zaoduna soushee louyu maitaosü rakoveie.

PONGAOPEIYU 3:5

Reih kolouyu puletaoye sü sübüa sabanüh kaanou tupeilai, alia Enou hakia puletao zhihsü ahri larübvü hinou sounghiwu laimoe. Apuo ea puhvei rakivamaitao nghojünou puletao hai Amai baie tea Enou dua paopalai.