MATHIU 7:15 - SHEEYU BAIBEL (BSI)

¹⁵ “Madayu rachi paolamai taoye leikei-a zhulo; puletao sü vakounou zhukhaie zhaotu zhaibüa neletao hi velai, ana puletao lekhe hiwo louzü chechenou khushoyu nüsei bübaie.

MATHIU 7:15 Iomraidhean Croise

1 VEMAITO 13:18

Süthaisü Bethel hi rachipaolayu tsümai nanou paoe, “E-a ne büa rachipaolayu mai alie, ae rakivamai ali hi Mapao nou ahi neye aki hi savelo alia neye touso soupeio tea kharochi peiwe.” Ana rachipaoyu tsümai nasü da-a baie.

JEREMIAH 29:21

“Khoukhoulai Mapao, Israel maivei Ramai nou puh zhih hinou da-a rachipaolayu Kolaiah nahpoutu Ahab ae Maaseiah nahpoutu Zedekiah vanou haibüa paoe: Zhukhaio, Enou puhaiye sü Babilon hi Veo Nebukhadnezzar bah hi thaothou peilai, ae puhnou puhaiye sü neletao vei nghingao hinou southawulai.

EZEKIEL 13:16

Jerusalem hai shi-a buyuma vei-a baie tea paoyu rachipaola peiyu maitao.” Ramai Mapao nou hai sü paowe.

EZEKIEL 13:22

“Neletao nou dahrührü peia mai aveih maiye sü souchathai peie, ae puletaoye le souvea peie. Neletao nou mai ashi maiye panou vah ashi souyu sü nupei moe, ae puletao vei hrü sü neletao nou vupa peie.

EZEKIEL 22:25

Süthai-apei maitao hai souveo nou soukhaona southakhai touyu hinou ra-a buyu büa bure. Puletao nou maiye sü southare, puletao nou polou süyu koute hai maivei pousha ae na khesü poloure ae puletao nou maiye southayu donou mimea maipfü hai alao pare.

EZEKIEL 22:27

Nuh teidei khasa-a hrüyu peikho maitao hai nüsei nou soukhaonaye pai desasa loua southayu bütoua baire. Puletao hai toungi loure donou maiye sü southare.

DANIEL 11:34

Puletao nou sübüa vea nou buyu phaki, Ramai vei maitao nou soukha doutu ngaoloulai, anou puletaoye soukhayu maitaoli hai lahvei kaozhou aveih ngaoloure donou soua bailai.

MIKAH 3:11

Nuhdu vei peikho maitao nou seihla toua khore, napao maitao nou Chikha sü shi-zho peia paolapa poa baire, rachipaolayu maitao sünou pousha donou pao-a bure — ae puletao mai hrülai sü Mapao nou puletaoye kozho peiwe tea khaloure. Puletao nou paoe, “Kaozhou ashi sü velai moe, Mapao nou puletaoye koa bue.”

ZEKHARIAH 13:4

Süzhou teithe rachi paolayu maitao nou puletao vei zhohabo ngaoyu nasü po hao-a bailai, puletao vei soumai sabanü nasü puletao nou banoupu laimoe.’

MATHIU 10:17

Maikhe maiye zhutoulo; daiolouzü puletao nou neletaoye niloua chikuki hi savelai, alia neletaoye rathobuhtao hinou dapeilai.

MATHIU 16:11

Enou raokhao vanou paomoe touyu hai daidonou neletao nou süloumoe? Phariseemai ea Sadukimai tao vei kheih zhutoulo.”

MATHIU 16:6

Jisu nou puletao hi paoe, “Leikeilo; Phariseemai ea Sadukimai vei kheih sü zhutoulo.”

MATHIU 24:11

Alia dayu rachi paolamai alaosou palai ea maitaoliye süthai malai.

MATHIU 7:14

Ana ahrihi loure romü nasü taih-a taih-e ea ludu süsü tateie, alia süna ngaolouyu maisü chie.

LUK NOU RÜYU KO AVEIBVÜ 12:15

Alia puhnou puletao hrülaihi paoe, “Leikeilo, alia loküyu teitei hinou neletao zhutoulo; daiolouzü emai hrühai puhvei kini alao soua buyu süna hinou bubaimoe.”

LUK NOU RÜYU KO AVEIBVÜ 6:26

“Mai hrülainou neletaoye paoshoyu kisü neletaoye donou daizhozhou ngaopisa, daiolouzü puletao vei pai-paomaitao nou-a madayu rachi paolamaitao hisü sübüa paoshopeie.

JOHAN 10:12

Zho kuhyu mai sünanou, puh hai zhao-akhowo moa zhaotutao paopu moyu donou nüsei taveyu ngaoloua zhaotu taoye thaowu-a tutabaiwe; alia nüsei nanou sütaoye nia hupho rarou baiwe.

SEI-ATAMAI VAHTAO 13:40

Südonou leikeilo, molouzü rachipaolamai taonou paokhai touyu sünasü neletao pei hi vete shulai: süolouzü:

SEI-ATAMAI VAHTAO 13:6

Puletao nou zaipeidei teitei tachopa Paphos hi velou loure. Sühinou puletao nou khupa-kheido souyu Bar-Jisu tea kuyu Jihudimai amada rachi paolamai aliye tave daoloure.

GALATIAMAI 2:4

Ana madayu thaihou jüraimai kamainou khei-a panou süsü sounüwe. Mai haitao nou lüloumai zhai souloua Eletao nou Khrista Jisu ye koa ali soulouyu hinou buyu mado sünasü kheikheisou phoupaloua Eletaoye panou kilai soua buloure donou Eletao me hrohi velou loure,

EPHESAMAI 4:14

Südonou Eletaowo lah puletao nou chopa louyu do sünanou kukhe maiye sümah sümo peiyu madayu maitao vei doupeiyu teikhai teiteinou hükou-hükhe-a pfüa laiyu nahmaitao büwu laimoe.

EPHESAMAI 5:6

Maitaliye panou neletaoye raohayu chipaonou lawuso; daiolouzü haibüyu vahtao vanou Ramai vei rarouhai paoyu zübayu nahmaitao pei hi vewe.

PHILIPPIMAI 3:2

Sei sütaoye zhutoulo, ashi vah souyu sütaoye zhutoulo, vasou vade vuzülai tea paoyu puletaoye sü zhutoulo.

KOLOSSEMAI 2:8

Südonou Khrista hinou moa emainou doupeiyu zhai hinou shoshonou lapoa kouyu ea teideiphaoye tukha sahrüyu rakotao hinou vebaiyu emai tsüvei muh hayu dokaina vanou maitaliye panou neletaoye kilai souwuso.

2 TIMOTHI 3:13

alia mai ashimai ea aveikho soumai taosü mai kukhe maiye la-a ea lah puletaoye-a la-a shikhai shikhai tabailai.

2 TIMOTHI 4:3

Daiolouzü maikhe mainou acheche lüzhai nasü keilai moyu teilesü velai, ana lah puletao züpa thaisü fütalai ea lah puletaoye donou puletao nou keizhou zhouyu chi paopeire dou-apei maitaoye povedzü khailai,

2 PITAR 3:17

Ana Asakhemai, neletaowo haisü rai-a süloure. Südonou neletaoye zhai hayu maitao vei kao-zü moyu sünanou süthaipoa talou more donou ea chu neletao vei khailu louyu buh haina hinou kaotalou more donou, neletao leikei-a bulo.

1 JOHAN 4:1

Leshiyu Asakhemai, rako hrülaiye loucheso, ana rako sütaosü Ramai hinou vevemosa touyu sü zhuloure donou rakotaoye sü zhai zhukhaio. Daiolouzü madayu rachi paolamai alaosou deiphao hi veloure.

JUD VEI SEIKO 1:4

Daiolouzü daorainou Ramai nou moe tea mah dukhaiyu, Ramaiye sümoyu puletao vei khu-lou vah donou Eletao Ramai vei zhuvea paomah-paomo peiyu, alia Eletao vei likhuyu Dou-apeio ea Mapao Jisu Khristaye pobayu mai kamaisü kheia Eletao hrohi velou loure.

PONGAOPEIYU 16:13

Süthaisü Enou vaokü zhu raiyu sheemoyu rako asü ngaoe. Sütaosü zai nghouduna, khaosouna ea madayu rachipaola maina mü hinou pae

PONGAOPEIYU 17:6

Alia sheeyu maitao vei zhe ea Jisu hinou cheche-a buyu vanou southeayu maitao vei zhenou shozhia buyu naotupai sünaye sü Enou ngaoe. Enou puhye ngaolouyu kisü, Esü khupasho loure.

PONGAOPEIYU 19:20

Ana khaosou sünaye sü ea puhye koa puh nghojünou shee taoli soua laiyu madayu rachi paolapeioye niloure. Shee sütaonou khaosou sünavei paoshee buyutao ea puhvei zhu raiyu basharaye thoyutaoye lawure. Khaosou süna ea madayu rachi paolawo puhaiye sü meichuhnou dei-a buyu meizai sünahi hria polai thoure.

PONGAOPEIYU 20:10

Sükisü puletaoye layu Rashinaye sü raiki khaosou süna ea madayu rachi paolawo naye polai thouyu buh mei ea meichuh vei zai hi polai thoure, alia puletaoye sü teisa khei-heanou souvea peilai.