MATHIU 7:14 - SHEEYU BAIBEL (BSI)

¹⁴ Ana ahrihi loure romü nasü taih-a taih-e ea ludu süsü tateie, alia süna ngaolouyu maisü chie.

MATHIU 7:14 Iomraidhean Croise

LOUTAO 16:11

Nenou Eye hriyu ludu nasü ngaopeilai; nenou Eye koa bupeiyu donou ahi hai savayu phoutao-a bue, ae teisa nou Eye savayu nasü pove peie.

TSÜCHITAO 8:20

Enou acheche ludu hinou tawe, kaozü vei bo hinou tawe,

ISAIAH 30:21

Neletao nou tamah poa zhaolova moa nalova vetayu phaki, neletao vei thailo vanou pai ali nou “Ludu haihi bue, haihinou lou taloua baio” tea paopei-a bailai.

ISAIAH 35:8

Sühisü dushoyu ludu ali talai, alia ludu sünasü “Sheeyu ludu” tea kulai. Mah souyu mai nou ludu süna talai moe, ae voyu mai-a hai hisü mota laimoe.

ISAIAH 57:14

Mapao nou paoe, “Avei maitaoye panou ahi tavelo. Puletao vei ludu hi khu-a buyu veishi sü polai peio! Ludu sü souta khaio, ae souda peio.

JEREMIAH 6:16

Mapao nou haibüa puhvei maitao hi paoe, “Duva hinou laloua zhukhaio. Daorai maivei ludu nasü noulo, acheche ludu nasü nouloua sühinou talou, sükulouzü neletao sü kaonayu ngaolai.” Ana puletao nou paoe, “Moe, Etaowo sühi talai moe.”

MATHIU 20:16

Alia Jisu nou akhai soua paoe, “Südonou nakaiyu taonou railai, alia raikaiyu taonou nalai.”

MATHIU 22:14

Alia Jisu nou khaisoua paoe, “Mai alaoye kue, ana mai daotua doloubaie.”

MATHIU 7:13

“Romü taihyuna hinou taloulo; daiolouzü ha-kare buh hi loure romü nasü kaa-a kaae ea ludu nasü talae, alia sühi talouyu maisü poushoe.

MATHIU 7:15

“Madayu rachi paolamai taoye leikei-a zhulo; puletao sü vakounou zhukhaie zhaotu zhaibüa neletao hi velai, ana puletao lekhe hiwo louzü chechenou khushoyu nüsei bübaie.

MARK 8:34

Süthaisü Jisu nou maisou ea puh rozümaitaoye puh hi kuveloua paoe, “Maitalinou Athai fünü louzü, puhlah puhye motoulo, alia puh kros pfüloua Athai fülo.

LUK NOU RÜYU KO AVEIBVÜ 12:32

“Piwuso, zhaokho atainare, daiolouzü neletao hi Vedei süna peiresü neletao Puovei züpayu nasüe.

JOHAN 16:2

Puletao nou neletaoye rathobuhtao hinou hutalai. Cheche vuzünou phasü veloure, süolouzü neletaoye southeayu maitalinou sübüa souyu hai puhnou Ramai kuvah souwe tea cholai.

JOHAN 16:33

Eye koa buyu hinou neletao hi kaonayu buloure donou, chi hainahai Enou neletao hi paopeire. Deiphao hisü neletao vea-holai; ana khuveilo! Enou deiphaoye koloure.”

SEI-ATAMAI VAHTAO 14:22

Alia nuhdu sütaohi buyu rozümaitao lesü soukhou peia ea lü hinou tobai soumoa buloure donou puletaoye süpeiwu-a, “Veahoyu tyali vedao vuzüwu-a Eletao nou Ramai Vedei hi veloulai,” tea paodoupeie.

ROMMAI 12:2

Deiphao haina vei zhai nasü poso ana neletao vei le davou talouyu vanou Ramaiye panou neletao lekhe sü soudawuwo. Süthaisü neletao nou Ramai vei leli süolouzü aveina, polou veiyuna ea licheyu nasü sülou süe.

ROMMAI 9:32

Daidonou ngaolou moe? Daiolouzü puletao nou süsü lü vanou phoumoa puletao nou sou-pfüyu vah sünaye lüa phouyu donoue. Alia südonou puletao hai “Phisü loure chuh” süna vanou phisü loure.