MATHIU 7:11 - SHEEYU BAIBEL (BSI)

¹¹ Südonou shi-a buyu neletao koute-a nele nahmaitaohi avei nakhemai peilou sülouzü, kazhou koute koua rakibu neletao Puonou puh hinou khoyu maitao hisü avei nataonou peilai!

MATHIU 7:11 Iomraidhean Croise

SHURAI 6:5

Deiphao hi maikhe mainou hrüzüyu ae puletao lekhe hisü tsü sheemoyu khaikho chokoutea buyu Mapao nou zhingaolou khaie,

SHURAI 8:21

Posheelayu kaivei nahai Mapao nou süloua rukha-a lah puh hi haibüa paoe, “Mai vanou deiphao hai Enou chaa peipu khailai more, daiolouzü mai hai, nahle-a buki nou hashi tsücho pare, Enou souhayu büa hrikhaona hrülai hai souhapu laimoe.

2 SAMUEL 7:19

Ana Ramai Mapaowo, hainou akhai soumo khai-a naki hrüvere avei tyaosholea pei hi-a nenou havei soupeilai tea apaopeikhai touyu haitao hai chunou Eye panou süloue.

JOB VEI LARÜBVÜ 15:16

Dzü keyu büa mainou ashiye kewe, mai hai shee moe, alia mai hai muh ha-e.

LOUTAO 84:11

Daiolouzü Ramai Mapao hai Etaoye vupa-apeio ae kathe bushoyu veo nasüe, puhnou Etaoye zhuvea peie ae tsükhouyu nasü peie. Acheche hinou hrüyu maiye sü puhnou haveih khesü peiba chamoe.

LOUTAO 85:12

Mapao nou Etaoye sousava peilai, ae Etao vei teidei sü thoudzü veisho-a nou peipulai.

LOUTAO 86:15

Ana newo louzü, Oh Mapaowo, maiye zhuvea süyu ae leshi süyu Ramaie, ne hai teisa nou heamea süyu, zhuvea leshi süyu ae chilee checheyu nasüe.

LOUTAO 86:5

Oh Mapaowo, newo louzü veisho-e ae khaipeiyu nasüe, ne hi veachi paoyu mai hrülai hisü, nevei tobai soumoa leshipeiyu nasü peie.

ISAIAH 49:15

Südonou Mapao nou chila peie, “Naotumai ali nou puhvei nahtouye ngailou süvu, ae honapai nou nakhai touyu nahtou naye leshi laimowu? Honapai nou nahtouye ngaiyuma Ewo louzü neletaoye ngaikhai toulai moe!

ISAIAH 63:7

Enou Mapao vei tobai soumoa leshiyu paolai, Mapao nou Etaoye donou soupei khaitouyu teitei donou, ae Puhnou veisho-a Israel maiye zhuvea leshi peiyu ae tobai soumoa leshi peiyu donou Enou puhye paosholai.

JEREMIAH 17:9

“Thaonou mai ali vei tsüle hai süloulai? Hai nasü veishi jünou shikayu nasüe; hai nasü souvei loure hai tatei shore.

JEREMIAH 33:14

Mapao nou paoe, “Enou Israel ae Judah maitao hi soupeilai tea paohpeiyu teitei sü souchekhou peiyu teile sü velaire.

HOSEA 14:2

Mapao hi dakhai velou baio, alia haibüa puh hinou veachi paolo, “Etao vei mah teitei nou khaipeio alia zhuvea nou Ehye podakhai peio, sükulouzü teisa nou Neye paosholai.

MIKAH 7:18

Oh Mapaowo, neye raiyu ramai ali-a ha-e; shokhai toua buyu nevei maitao vei mah sü nenou khaipeie. Ne sü teisa nou rarou koute moe, ana nevei maitao pei hi nevei tobai soumoa zhuvea leshi peiyu nasü nenou jüpae.

MALAKAI 1:6

“Nahpoutu lihai puo ye tsükhouwe, alia kilai maili sü kipaopu ye tsükhoue; sükulouzü, E hai neletao vei puo louzü, neletao nou Eye tsükhouyu sü daiki bue? E hai neletao vei paopue toulouzü, Eye khuhraoyu sü daiki bue?” teanou Hrülai pei hi Mapao nou puh zhih ngaophou moyu napao maitao hisü paoe. Ana neletao nou paoe, “Kabüa Etao nou ne zhih ngaophou moe?”

MATHIU 23:9

Alia deiphao hinou maitaliye nou neletao ‘Puo’ tea kuso, daiolouzü neletao Puo hai rakihi buyu puh likhei baie.

MATHIU 7:10

Moa puhnou khah kholouzü, nghounou puh hi peilaiwu?

JOHAN 3:16

Daiolouzü Ramai nou deiphao maiye leshishoyu donou puhnou puhvei likhuyu Nahpoutuye peire, südonou puhye louche louyu maitalisü hakhailai moe, ana teisa ahrisü ngaoloue.

ROMMAI 3:19

Chuo Eletao nou süloure, süolouzü emai hrülaiye panou paikhaimoa ea deiphao teiteiye Ramai vei chikuyu khehi pove khailoure donou, razhainou paokhai touyu pfüphou sü razhai khehinou hrüa buyutao donou paokhai toubaie.

ROMMAI 3:9

Sükulouzü veire, Eh Jihudimainou Tahrüh kukhemai jünou halia veikou koumoe? Moe, halia veikou khaimoe! Jihudimai ea Tahrüh kukhemai hrülai hai kheihao-a mah khouko khehi bure touyu sü Enou pongao chere.

ROMMAI 8:32

Lah puhnah poutuye-a phapei moa Eletao hrülai donou puhye thoupeiyu puhnou puhnah poutuye koa Eletao hi ha teitei sa-a peilai mowu?

GALATIAMAI 3:22

Ana sheeyu larübvü nou paoe süolouzü deiphao teitei hai mah khakhehi butare; alia sübüa Jisu Khristaye lü-loucheyu vanou apaopei khaitouyu kaa nasü louche louyu puletao hi peilai.

JEMS 1:17

Veiyu ea licheyu sapeina teiteisü raki hinou ve; haisü avataovei Puo hinou ve, puh hisü datayu vanou takuyu moa khudayu ali-a hae.

1 JOHAN 3:1

Zhukhaio, Puonou Eletaoye daizhozhou leshi peiresa! Puh leshihai dushoe süolouzü Eletaoye sü Ramai vei nahmaitao tea kupeire; alia südonou cheche-a Eletao sü sübaie. Qo haina vanou deiphao mainou Eletaoye sümoe; daiolouzü sünanou puhye sümoe.

1 JOHAN 4:10

Leshisü haire: haihai Ehnou Ramaiye leshiyu vanou moe, ana puhnou Eletaoye leshi peiyu vanoue ea Eletao mah khailu peiloure bo nasü souloure donou puh Nahpoutuye seive peire.