MATHIU 6:5 - SHEEYU BAIBEL (BSI)

⁵ “Neletao nou veachi paoyu kisü aveikho souyumai büwuso. Puletao nou mai hrülaiye panou puletaoye ngaoloure donou rathobuhtao ea ludukai hinou la-a veachi paoyu züpae. Enou neletao hi chechenou paowe, puletao nou puletao buusü ngaoche loure.

MATHIU 6:5 Iomraidhean Croise

LOUTAO 5:2

Enou ne hi soukha peio tea shayu avei paila sü keipeio, avei Ramai ae avei Veo! Enou ne hi veachi paowe, Oh Mapao;

LOUTAO 55:17

Enou shona, hea ae khei mathe avei veahoyu ae dopfüa laiyu nasü puh hi chouveyu phaki puhnou avei pai sü keinou peilai.

TSÜCHITAO 15:8

Mai ashimai livei posheelayu hai Mapao nou ngaora-e, ana mai veiyu livei veachi sü puhnou jüpae.

TSÜCHITAO 16:5

Zhaipou shiyu mai hrülaiye Mapao nou ngaora-e, cheche vuzünou puletaoye sü souvea peimoa panou taloulai moe.

ISAIAH 1:15

“Neletao nou bah lapoa veachi paoyuma Enou zhu peilai moe. Neletao nou shusoua veachi alao paoyuma Enou keipeilai moe, daiolouzü neletao vei bah hisü zhe khai-a bubaie.

JEREMIAH 29:12

Süthaisü neletao nou Eye kulai. Neletao nou ahi tave veachi paolai, ae Enou neletaoye chila peilai.

DANIEL 6:10

Veo nou chikha nasü ae-ao souloua sheesao nopeiwure touyu Daniel nou süa bulikhei, puhnou teithetsü puh ki hi veloua puhvei kide areina hinou buyu vabome, Jerusalem hilova reipoa buyu hinou khoukhüloua teitheli hinou bakha asü Ramai hi veachi paoe alia puhye paoshowe.

MATHIU 21:22

Alia neletao nou louche-a bulouzü, neletao nou veachi pao-a khoyu talihai ngaoloulai.”

MATHIU 23:13

“Ana aveikho souyu razhai dou-apeimai ea Phariseemai, neletao donou daizhozhou ngaopisa! Daiolouzü neletao nou raki Vedei kikhu nasü maikhemai nghojünou khunure; alia lah neletao koutea taloumoe, moa taloulai tea tayu maitaoye-a panou neletao nou loubae.

MATHIU 23:5

Puletao nou puletao vah taohai maiye panou ngaoloure donou soubaiwe. Puletao puhi ea baohi lichopfübvü khiyupfüa tayu zhukhaio, alia süloukhaio, sütaohai daizhozhou dusa! Alia puletao vei sahzha taohai daizhozhou shosa, süloukhaio.

MATHIU 23:6

Puletao nou nühbuh hi mainou tsükhouyu buh ea rathobuh hi buh avei tao hai züpae,

MATHIU 6:1

“Maikhemai nghojünou puletaoye panou ngaoloure neletao vei rahrüzhai tayu zhaidotao soungao more donou leikeilo. Neletao nou haitaohai dua soungao louzü rakibu neletao Puo hinou neletao nou buu lia ngaolai moe.

MATHIU 6:16

“Alia neletao nou lühyu kisü aveikho soumai büa veayu zhu pongaoso. Daiolouzü puletao nou lühyu hai maiye panou ngaoloure donou puletao zhu sü shira-a laiwe. Enou chekhao-a neletao hi paowe, puletao nou puletao buusü ngaoche loure.

MATHIU 6:2

“Südonou nenou toure hamaiye hatali peiyu kisü aveikho soumainou rathobuhtao ea luducho hinou souyu büa maiye podangaoso. Maikhe maiye panou puletaoye paosho loure donou sübüa puletao nou soue. Enou neletao hi paowe, puletao nou puletao buusü ngaoche loure.

MATHIU 9:38

Südonou cha Mapaowo hinou puh vei douhi cha chire maiye seive peire donou veachi paokhaio.”

MARK 11:25

Alia neletao nou veachi pao-a layu sasü, neletao nou maitali pei hi motouyu bulouzü khaipeio; sübülouzü rakibu neletao Puonoua neletao nou soukhai touyu mah taosü khaipeilai.”

MARK 12:38

Puhnou puletaoye doupeia buyu hinou haibüa paoe, “Razhai dou-apeimai taoye zhutoulo, süolouzü puletao hai zaocha zao-a hupobuh khonou tasühaoa maiye panou khurüyu sü züpae,

LUK NOU RÜYU KO AVEIBVÜ 11:43

“Phariseemaitao, neletaoye donou daizhozhou ngaopisa! Daiolouzü neletao nou rathobuh taohi avei veilai buh taohi buyu ea maiye panou neletaoye hupobuh kijü khonou khurüyu züpae.

LUK NOU RÜYU KO AVEIBVÜ 18:1

Süthaisü puh rozümaitao nou le khaitamoa teisanou veachi pao-a buzüe touyu doupeire donou Jisu nou puletao hi nada ali paopeie.

LUK NOU RÜYU KO AVEIBVÜ 18:13

“Ana kikha khamai sünanou puh pahsü rakilo pfülanümoa adou kounou, la-a bue, ana puhnou puh khaosü khouloua paoe, ‘O Ramai, mahmai Eye zhuvea leshipeio!’

LUK NOU RÜYU KO AVEIBVÜ 20:47

naotu meamaipfütao vei ki-lu saotouyu, alia süthai-a chechekho soua phasho veachi pao-a laiyu razhai dou-apeimaitaoye neletao leikei-a zhutoulo. Puletao nou akou koulai dukayu tudee nasü ngaolai!”

LUK NOU RÜYU KO AVEIBVÜ 6:24

“Ana chu kini bumai neletao donou daizhozhou ngaopisa; daiolouzü neletao-wo neletao vei sa-vayu sü ngaoche loue!

JOHAN 16:24

Chu koute neletao nou Azhih hinou hatalia khokhai mohie. Khokhaio ea neletao vei asah nasü chekhoure donou neletao nou ngaoloulai.

EPHESAMAI 6:18

Ramai hinou soukha khoa haitao pfüphou hai veachi pao-a soulouwo. Rakonou süthai peiyu thaifüa phabu sanou veachi paolo. Qo haina vanou leikeilo ea hakia thaokhaiso, teisanou sheeyumaitao hrülai donou veachi paolo.

1 THESSALONIMAI 5:17

tobai soumoa veachi paokhaio,

JEMS 4:6

Ana Ramai nou peiyu zhuvea sünanou koulihsoua khoupuhie. Haisü sheeyu larübvü hinou paoyu büe, “Khaophu souyu puhye sü Ramai nou nuwe, ana nataiyu puh hisü puhnou puh zhuvea nasü peiwe.”