MATHIU 6:33 - SHEEYU BAIBEL (BSI)

³³ Ana neletao nou rairaikaia Ramai Vedei ea puh vei acheche nasü phoulo, alia na haitao teitei sü neletao hi thoupu peilai.

MATHIU 6:33 Iomraidhean Croise

1 VEMAITO 17:13

Elijah nou honapai hi paoe, “Leveaso, taho sütao nou nevei tovai sü souda khaio. Ana rai-a Eye raokhao phe ali souloua popa peiraio, ae süthaisü nou ne nahpoutu nehai vei soulo.

LOUTAO 112:3

Puletao vei kihikha maitao hai toungia nou hrülai, ae puletao hai teisa nou vasa-a nou bulai.

LOUTAO 37:25

E hai chuo tsüpare, teile taoli E hai hrükoure, ana Mapao nou mai aveih maiye thaokhaiwuyu sü E ngaokhai toumo hie, moyuma puletao vei nahmaitao nou tosüa laiyu ngaomo hie.

LOUTAO 37:3

Mapao ye louchelo ae vah aveih soulo; sükulouzü neletao hai kaozhou vei-a neletao vei teidei hinou hrüloulai.

TSÜCHITAO 10:3

Mapao nou acheche maiye panou hou-züa tamoe, ana maishiyu mainou jüpashoa buyu nasü puhnou souka pei baiwe.

TSÜCHITAO 28:10

Maicheyu maiye süthai poa ashi hi thoupeiyu puhsü lah vei kaobvü hi deloua bailai. Mah hayu mainawo louzü veishoyu buu peilai.

TSÜCHITAO 8:18

Hangiyu alia tsükhouyu hai ahi bue, dulousü chingi alia sava payu haia ahi bue.

KOPAODOUWO 10:2

Tsüvei mai livei lethou hai zhoulova kaovewe, ana avomai livei lethou-o nalova kaovewe.

ISAIAH 26:9

Khei teile hi avei tsüle teitei nou neye thainüwe, avei hrümai teitei nou neye phouwe. Nenou deiphao maiye chikuyu phaki deiphao hi hrüa buyu mainou acheche nasü süloulai.

ISAIAH 33:6

Neletao vei hümai teitei hisü puhnou kaozhou aveih, khailu peiyu ae tsü süyu sü soupeilai. Mapao ye piyu ae puhye tsükhouyu sünou Zion vei dukayu kini soulai.

ISAIAH 45:24

“Puletao nou haibüa Eye paolai, Mapao hi likhei acheche ae khouko sü bubaie; ana puhye ngaorayu mai hrülai sü veahoyu ae hraongu ngaolai.

JEREMIAH 23:6

Puhnou veo souyu kisü, Judah hi maitao sü kaozhou vei-a buloulai, ae Israel mai-a kaona-a bulai. Puh zhih sü ‘Mapao hai Etaoye Khailupa-apeio’ tea kulai.”

MATHIU 19:28

Jisu nou puletao hi paoe, “Enou neletao hi chechenou paoe, deiphao ashu nahi Mai Nahpoutu nou puh vei khouko ava vebuh hi bulouyu kisü, Athai fülouyu neletao-a Israel nahmai khü kiahaiye chiku-a vebuh kiahai hinou bulai.

MATHIU 19:29

Alia Eye donou ki-lu moa tu-poumaitao moa pfüpuomai moa nahmaitao moa teidei thaoyu mai hrülainou zha kaihli kou-a ngaolai, alia teisa ahri ngaoloulai.

MATHIU 3:2

Puhnou paoe, “Neletao mah hinou le dalouwo, daiolouzü raki Vedeihai ngheire!”

MATHIU 4:17

Teile süshonou Jisu nou puh chipaosü paodou shupoa haibüa paoe: “Ledalo, daiolouzü raki vedeisü ngheire!”

MATHIU 5:6

Achechena donou rei-züyu maisü rakoveie; daiolouzü puletao sü reikha ngaoloulai!

LUK NOU RÜYU KO AVEIBVÜ 1:6

Puhai maihainou Mapao vei razhai ea chikhatao sü soutaosou züa, Ramai nghojünou chaa lia ha-a cheche hinou hrüwe.

LUK NOU RÜYU KO AVEIBVÜ 12:31

Süjüwo, puhvei vedeisü phoulo, alia na sütao teiteihai neletao vei soukhailai.

JOHAN 5:4

daiolouzü chacha kisü zaibvü sühisü Mapao vei rakivamai alinou takou loua dzü sü soulü lüwe. Dzü soulü peiyu thaibü zaibvühi taloulou raikaiyu mai talisü puhvei sounou tali hinou veilou baiwe.)

JOHAN 6:27

Ha-kalaiyu touso donou vah souwuso; ana Mai Nahpoutu nou neletao hi peilaiyu teisa hrümainou bulaiyu touso süna donou vah soulo; daiolouzü puh pei hi Puo, Ramai nou puh vei paoshee soukhaire.”

SEI-ATAMAI VAHTAO 20:25

“Alia zhukhaio, Enou Ramai vedei ko paodoupoa velouyu neletao hrülai hrohinou mailinoua Azhu sü ngaopu khailou hore touyu sü chuo Enou süloure.

SEI-ATAMAI VAHTAO 28:31

Khuveishoa alia halinoua khangiyu ha-a Ramai vei Vedei vanou puhnou ko paopeie alia Mapao Jisu Khrista vanou doupeie.

ROMMAI 1:17

Daiolouzü chipao aveinou kakua Ramai nou maikhe maiye puhye koa souzü peie touyu sü pongaowe; souzü peiyu hai shurainou akhai koute sü lü vanoue. Haisü sheeyu larübvü nou paoyu kue, “Lü vanou Ramaiye koa souzü louyu puh sü hrilai.”

ROMMAI 10:3

Puletao nou Ramai nou lah puhye koa maikhemai souzü peiyu ludu nasü süloumoe, alia süjüwo puletao nou lah puletao vei ludu nanou soushupa loure teloure; alia sübüa puletao sü Ramai nou maikhe maiye koa souzü peiyu luduna hisü lah puletaoye thoupeibae.

ROMMAI 14:17

Daiolouzü Ramai Vedei hai ha tou-sho loure nali moe, ana acheche, kaonayu ea Rako Mashi hinou sayu süna süe.

ROMMAI 8:31

Süthaisü, haitao teitei zhuloua, Eletao nou dai paolai? Ramai hai Eletao donoue toulouzü, thaohnou Eletaoye duloulai?

1 KORINTHMAI 1:30

Ana Ramai nou neletaoye panou Khrista Jisu ye koa ali souloure, alia Ramai nou Khristaye Eletao vei ratsüna soupeire. Puh vanou Eletaoye sü Ramaiye koa souzü peire; Eletao sü Ramai vei sheeyu maitao souloure ea Eletaoye sü do soupeire.

1 KORINTHMAI 3:22

Paul-a, Apollos-a, Pitar-a, deiphao haina-a, ahri-a, athai-a, chu teile haina-a, thaikhai-a; pfüphou haitao sü neletao vei baie,

2 KORINTHMAI 5:21

Khrista hai mah lia hae, ana puhye koa ali soulouyu hinou Eletao nou Ramai vei acheche nahai koa zha ngaozho loure donou Ramai nou puhye sü Eletaoye donou Eletao vei mah nasü koa panou zha ngaozho loure.

PHILIPPIMAI 3:9

alia sübüa souyu sü puhye koa alikhei souloure donoue. Razhai zülouyu vanou ngaolouyu lah Ahrümai chechena hare; ana chuo Ramai hinou veyu ea lü hinou soushu louyu Khristaye loucheyu vanou peikhai touyu Ahrümai chechena bue.

2 THESSALONIMAI 1:5

Ramai vei chikuyu hai cheche-e touyu sü haitao teiteinou zhopaoh peiwe süolouzü Ramai vedei donou nelenou sübüa vea-hoyu vanou neleye puh vedeimai souzüe tea poloulai.

1 TIMOTHI 4:8

Daiolouzü pfüphao hilonou soukhoyu hisü muh daotu bue, ana rako hilonou soukhoyu hisü teitei hinou muh alaosou bue, daiolouzü sünanou chu ea thaikhai vei hrünaye donou ahri nasü apaopei khaitoua bue.

2 PITAR 1:1

Jisu Khrista vei kilai ea Sei-atana Simon Pitar hinou — Eletao Ramai ea khailu-apeio Jisu Khrista vei achechena vanou Eletao vei muh teishoyu lü sübüa peikhai touyu puletao hi seiwe:

2 PITAR 1:11

Haibüa neletao hisü Eletao Mapao ea khailu-apeio Jisu Khrista vei teisa halouho Vedei hi velou loure zü teiteisü peiwulai.