MATHIU 6:24 - SHEEYU BAIBEL (BSI)

²⁴ “Mailinoua paopu ahaivei qila soulouhoe; daiolouzü puhnou aliye ngaoralai ea kukhe aliye leshilai; moa puhnou alichi zülai ea kukhe alinaye ngaophou laimoe. Neletao nou Ramai ea pousha ahai vei kuvah soulouhoe.

MATHIU 6:24 Iomraidhean Croise

SHURAI 47:17

Südonou puletao nou kikhaorü khesü Josef hi pove peie, alia Josef nou puletao vei rhei, zhaotu, nghitu, cho ae rheisüh thaosü puletaoye touso nou peie. Süna po hisü Josef nou puletao vei kikhaorü hai touso nou lyapeie.

1 VEMAITO 18:21

Elijah nou maisou hi takouloua nou paoe, “Teile kasho neletao nou tsüle ahai soua bukou laige? Mapao hai Ramai-e toulouzü puhye tholo; ana Baal nou Ramai baie toulouzü puhye tholo.” Ana maisou sünou chi lia raomore.

2 VEMAITO 17:41

Südonou mai haitao hai Mapao ye tho-e, ana puletao nou basharatao koa nou thowe; ae zhou koute hai puletao vei tyaosholea maitao nou sübüa hrüa bue.

EZEKIEL 20:39

Ramai Mapao nou paoe, “Oh Israel maitaore, chuo neletao nou avei chi zülai moe toulouzü, lah neletao vei jüpa sü soua basharataoye tho tawo. Ana Enou neletao hi paopi peiwe, süolouzü haithai hai neletao nou avei chi sü zülai ae basharatao hi posheela sü peia avei sheeyu zhih sü tsükhou moyu soupulai moe.

ZEPHANIAH 1:5

Kipei hinou taopa khouh teinghi, alia vuhtao ye thoyu mai hrülai Enou souha khailai. Eye tholai teanou paokhaitou-a Milkom zhih hinou chaachou souyu mai hrülaiye sü Enou souhalai.

MATHIU 4:10

Süthaisü Jisu nou chila peie, “Tawo, Saitan! daiolouzü haibüa rüthoure, ‘Nenou ne Ramai Mapaoye khurülai ea puhye likheithe nenou kuvah soulai!’ ”

LUK NOU RÜYU KO AVEIBVÜ 16:11

Südonou neletao nou deiphao vei kini seiyu hinou cheche loumoa bulouzü, thaohnou neletao bah hi cheche kini lüthou peilai?

LUK NOU RÜYU KO AVEIBVÜ 16:13

“Kilai talinoua paopu ahaivei kuvah soulou hoe; daiolouzü puhnou aliye ngaoraloua kukhe aliye leshilai, moa puhnou aliye tsükhouloua kukhe aliye ngaophou laimoe. Neletao nou Ramai ea deiphao kini ahaivei kuvah soulouhoe.”

LUK NOU RÜYU KO AVEIBVÜ 16:9

“Alia südonou Enou neletao hi paoe, deiphao vei kini vanou neletao lah neletao vei samai phoulo, sübüa sünasü cheyu kisü puletao nou neletaoye teisa halouho kihi save loulai.

GALATIAMAI 1:10

Chu Enou emai vei ae-ao touyu phouho, Ramai vei ae-ao touyu phouwe? Moa Enou maikhe maiye sousa loure tewu? Chukoutea Enou maikhe maiye sousa loure te-a bulouzü, Esü Khrista vei kilai ali soua bulaimoe.

1 TIMOTHI 6:17

Deiphao hrü haina hinou hania buyu maitaohi khaophu souwuso tea chikha peikhaio, ana puletao vei areih nahai vuh sümoyu deiphao kini nahi panou khaimoa Eletao valoure donou Eletao hi hatali sasa-a pei-a buyu Ramai hi panou khailoukhaio.

2 TIMOTHI 4:10

Daiolouzü Demas nou chuchu deiphao hainaye leshiyu donou Eye thaowu-a Thessalonika hi tare. Kreske nou Galatia hi ea Tita nou Dalmatia hi tare.

JEMS 4:4

Cheche moyu maikhe maitao! Deiphaoye samai souyu hai Ramaiye ngaobayuna baie touyu sü neletao nou sümowu? Deiphaoye samai sounüyu maitalisü puh lahnou Ramai vei ngaobamai soulouwe.

JOSHUA 24:15

Neletao nou Mapao vei vah sü sounü molouzü zhounou thao vah soulai touyu dolouwo, nele puopao taonou rei holova buki thoyu rah nou laiho, neletao nou hrüa buyu Amor maivei rah nou laige; E alia Ahvei kihikhamai-o louzü Mapao vei vah soua bailai.”

1 SAMUEL 7:3

Samuel nou Israel maitao hisü paoe, “Neletao vei tsüle teitei nou peia Mapao hi dakhai veloua vakou maivei rahtao, ae Ashtaroth vei basharatao sü thaokhai louzü, alia neletao vei hrü hai Mapao hi peithou khaiwua puhye likhei tho bailouzü, puhnou neletaoye Philistin mai bah hinou vupa peilai.”