MATHIU 6:20 - SHEEYU BAIBEL (BSI)

²⁰ Süjüwo rükhaonou ea hubanou souhalou hoyu ea vaomainou dakhaoloua vaolou hoyu raki hinou lah neletaoye donou kini podzü khailo.

MATHIU 6:20 Iomraidhean Croise

ISAIAH 33:6

Neletao vei hümai teitei hisü puhnou kaozhou aveih, khailu peiyu ae tsü süyu sü soupeilai. Mapao ye piyu ae puhye tsükhouyu sünou Zion vei dukayu kini soulai.

MATHIU 19:21

Jisu nou puh hi paoe, “Nenou liche nülouzü, tawo, alia nevei buyu veishi zholaiwu-a pousha nasü toure haimai hi peio, alia rakihi nevei kini buloulai; süthaisü taveloua Athai fülo.”

MATHIU 6:19

“Rükhao ea hubanou souhalou veiyu, alia vaomainou dakhaoloua vaolou veiyu, deiphao haina hinou lah neletaoye donou kini podzüwuso.

MARK 10:21

Jisu nou puh hi leshinoupu zhuteiloua paoe, “Nehi chemoyu alikhei bubaire. Tawo ea nevei buyu teitei zhowu-a toure hamai hi peio, alia neye donou rakinou kini bulai; alia taveloua Athai fülo.”

LUK NOU RÜYU KO AVEIBVÜ 12:33

Neletao vei kini taosü zholoua toure hamai taohi peikhaio; ratalai moyu shavüsü neletao lah neletaoye donou pokhailo, alia neletao vei kinisü rakihi podzükhailo, sühisü sütaosü hatakhai laimoe, daiolouzü sühisü vaomaia sütao ngheikihi velouhoe, alia rükhaonoua sütaoye souha louhoe.

LUK NOU RÜYU KO AVEIBVÜ 18:22

Alia Jisu nou süsü choulouyu kisü puh hi paoe, “Chukoute nehi chemoyu hali bue. Nevei buyu teitei zholaiwu-a pousha nasü toure hamai hi zhihpeio, alia raki hinou nevei kini bulai; süthaisü taveloua Athai fülo.”

1 TIMOTHI 6:17

Deiphao hrü haina hinou hania buyu maitaohi khaophu souwuso tea chikha peikhaio, ana puletao vei areih nahai vuh sümoyu deiphao kini nahi panou khaimoa Eletao valoure donou Eletao hi hatali sasa-a pei-a buyu Ramai hi panou khailoukhaio.

1 TIMOTHI 6:19

Haibüa puletao nou lah puletaoye donou avei kifü kini nasü thaikhai donou podzükhai loulai. Alia süthaisü puletao nou ahri süolouzü ahri cheche nasü ngaoloulai.

EBRIAMAI 10:34

Neletao nou hukhahi bumaitao veahoyu sü koa zha ngaozho peie, alia neletao vei kina teitei saolouyu kisü, neletao vei hakayu hisü sasa-a shamea peie, daiolouzü chu koutea neletao vei veikou shoyu ea teisa vei souloure kinisü bue touyu sü neletao nou süwe.

EBRIAMAI 11:26

Khristaye donou ahrao ngaoyu sünanou Ejipt teidei vei kini teitei jünou koushoa muhtei hie tea puhnou choloue, daiolouzü puhnou thaikhai vei buu nasü zhia bue.

JEMS 2:5

Leshiyu Athaihou jürai khemaitao keikhaio! Ramai nou deiphao hai navei toure hamaiye lü hinou panou hani loure donou ea puhye leshiyu maitao hi apaopei khaitouyu vedei vei kaalo nasü peire donou doloure.

1 PITAR 1:4

alia südonou Eletao nou Ramai nou puhmaitaoye donou khaidapei khaitouyu kaa taosü zhida-a bue. Puhnou kaa sütaosü neletaoye donou rakihi khaipei khaitoue, alia sühisü sütaosü hakhai laimoe, soushiwu laimoe moa raitakhai laimoe.

1 PITAR 5:4

Alia zhaokhowo peichananou veyu kisü neletao nou vütakhai laimoyu khouko avavei Veo peirüsü ngaolai.

PONGAOPEIYU 2:9

Enou nevei veahoyu ea toure hayu sü süwe, ana newo chechenou haniwe! alia lah puletao münou puletaohai Jihudimaie tea paokhaia chechemoyu ea Saitanme hinou vebaiyu puletao nou nepei hi chishi paoyutaosü Enou süwe!