MATHIU 6:2 - SHEEYU BAIBEL (BSI)

² “Südonou nenou toure hamaiye hatali peiyu kisü aveikho soumainou rathobuhtao ea luducho hinou souyu büa maiye podangaoso. Maikhe maiye panou puletaoye paosho loure donou sübüa puletao nou soue. Enou neletao hi paowe, puletao nou puletao buusü ngaoche loure.

MATHIU 6:2 Iomraidhean Croise

LOUTAO 112:9

Puhnou touha-a laiyu maiye lela veisho-a nou pei zhi-a baiwe, ae puhvei zhuvea nasü hakhai moe, puh hai duso palai ae mainou puhye sü tsükhou peilai.

LOUTAO 37:21

Mai ashi mai hai pou-pao loulai, ana maivei paoh-zho khapei bae, anou mai aveih mai louzü lela veisho-a nou maiye pei koute-a baiwe.

TSÜCHITAO 19:17

Touhayu maiye zhuvea poupaoh peiyu hai Mapao hi poupaoh peiyu raibüa baie, Mapao nou puhye sü peidakhai-a bailai.

TSÜCHITAO 20:6

Mai alao soumoa nou lah kukuvei veiyu ae chileeyu sü sha-a paowe, ana thao nou louchelou veiyu maiye ngaolou süe?

KOPAODOUWO 11:2

Nevei kini buyu taohai zha anai moa acha soua dade khailo, daiolouzü deiphao haihi dai shili palaisa tiyu nenou sümoe.

ISAIAH 10:6

Enou neye seiho Ramai ye louche moyu tyahrü ae avei lekha soupayu maitao vei nangi khesü panou shaoloulai alia puletaoye sü maisou ludu hi buyu naihü büa panou deisasa khaiwulai.”

ISAIAH 58:7

houzü laimaiye touso peiyu, ki ha-a vealai maiye panou neletao ki hinou buchao louyu, sabanü hayu maiye sabanü peiyu, alia lah neletao vei kityarai maiye leshilo.

ISAIAH 9:17

Südonou Mapao nou nahle mai hrülai, pfüpuo hamai (vearou nahmai) ae meamaipfü ali koute-a panou tupalou laimoe, daiolouzü mai hrülai nou Ramai ye louche more alia vah ashi souyu maikhai baire, ae ashi chipao khaikho pao-a baire. Haibüa Mapao nou puletao hi tudei peiyu nanou puhvei lekha rarou nasü akhai mo hie, puletaoye tudeipure donou puh bah sü la poa buhie.

HOSEA 8:1

Mapao nou paoe, “Ngaoba mainou Amaitao vei teidei hi loure donou rashopeiki büa laire, shabe sü houre donou soudalouo, daiolouzü puletao nou Eye koa Vo soukhai touyu nasü souphewure, alia Avei chikha khesü pfüthouwure.

MATHIU 15:7

Aveikho souyu maitaore! Isaiah nou neletao vanou rachi paopayuki daizhozhou züa paopa peisa:

MATHIU 16:3

Alia shohna hisü, neletao nou paoe, ‘Zhou tei shilai, daiolouzü teihai hoe ea bouteie.’ Neletao nou teizhai zhuloua teishih veilaiyu ea shilaiyu rai-a paolou süwe, ana teile vei sheetaowo neletao nou paolouhoe.

MATHIU 22:18

Ana Jisu nou puletao vei do ashi nasü süloua paoe, “Aveikho soumaitao! Daisoua Azhai zhuwe?

MATHIU 23:5

Puletao nou puletao vah taohai maiye panou ngaoloure donou soubaiwe. Puletao puhi ea baohi lichopfübvü khiyupfüa tayu zhukhaio, alia süloukhaio, sütaohai daizhozhou dusa! Alia puletao vei sahzha taohai daizhozhou shosa, süloukhaio.

MATHIU 23:6

Puletao nou nühbuh hi mainou tsükhouyu buh ea rathobuh hi buh avei tao hai züpae,

MATHIU 24:51

Alia puhye tudee peilai ea aveikho soumai taoye koa pokhaiwulai; sühinou puhsü kralai ea puh huhsü veikükülai.

MATHIU 5:18

Cheche vuzünou Enou neletao hi paowe, raki ea deiphao hatamosa koute razhai hinou chahko taili moa chahko daopouyu li koutea sütao teitei vetemo koutesü halaimoe.

MATHIU 6:16

“Alia neletao nou lühyu kisü aveikho soumai büa veayu zhu pongaoso. Daiolouzü puletao nou lühyu hai maiye panou ngaoloure donou puletao zhu sü shira-a laiwe. Enou chekhao-a neletao hi paowe, puletao nou puletao buusü ngaoche loure.

MATHIU 6:3

Ana nenou toure hamaiye soukhayu kisü nebah zhoulonou soua buyu nasü panou nebah nalo naye süwuso.

MATHIU 6:5

“Neletao nou veachi paoyu kisü aveikho souyumai büwuso. Puletao nou mai hrülaiye panou puletaoye ngaoloure donou rathobuhtao ea ludukai hinou la-a veachi paoyu züpae. Enou neletao hi chechenou paowe, puletao nou puletao buusü ngaoche loure.

MATHIU 7:5

Aveikho souwo! Raia lah ne nghithou hinou houngh nasü popalouwo, alia süthainou nenou ne thaihou jürai nghithou hi louyu houngh nasü popaloure donou sheetoua ngaolai.

MARK 12:39

alia puletao hai rathobuhtao hinou veiveilai buh ea nühbuh khonou tsükhouyu buhtao khayu züpawe.

MARK 7:6

Jisu nou puletao hi chila peie, “Daizhozhou kao-züa Isaiah nou aveikho souyu neletao vanou rachi paopa peiresa, süolouzü haibüa rüthou khaiwure: ‘Mai haitaonou Eye puletao tainou tsükhouwe; ana puletao lewo Ahinou doushoa bue.

LUK NOU RÜYU KO AVEIBVÜ 11:41

Ana lekhehi buyu taonou peikhaio; alia zhukhaio, ha teitei sü neletaoye donou sheebailai.

LUK NOU RÜYU KO AVEIBVÜ 11:43

“Phariseemaitao, neletaoye donou daizhozhou ngaopisa! Daiolouzü neletao nou rathobuh taohi avei veilai buh taohi buyu ea maiye panou neletaoye hupobuh kijü khonou khurüyu züpae.

LUK NOU RÜYU KO AVEIBVÜ 12:33

Neletao vei kini taosü zholoua toure hamai taohi peikhaio; ratalai moyu shavüsü neletao lah neletaoye donou pokhailo, alia neletao vei kinisü rakihi podzükhailo, sühisü sütaosü hatakhai laimoe, daiolouzü sühisü vaomaia sütao ngheikihi velouhoe, alia rükhaonoua sütaoye souha louhoe.

LUK NOU RÜYU KO AVEIBVÜ 12:56

Aveikho souyu maitao! Neletao nou deiphao ea tei zhai zhuloua dai palaisa touyu sü paolou süe; ana daidonou chu teile hainavei kosü neletao nou süloumoe?

LUK NOU RÜYU KO AVEIBVÜ 13:15

Ana Mapao nou puh hi chila peie, “Oh aveikho souyutaore! Neletao maita mailinou Soteithe kihi puhvei cho moa rheisühye chopao hinou rai khikhai touyu sü pheipapeiwu-a sünaye panou dzü küloure donou vakouhi süpapei mowu?

LUK NOU RÜYU KO AVEIBVÜ 20:46

“Zaocha noua tasühao-a laiyu, alia hupobuh kijü khonou maiye panou khurü nüyu, rathobuhtao hinou avei veilai buh khayu ea nühbuh khonou mainou tsükhouyu buh hinou bunüyu;

LUK NOU RÜYU KO AVEIBVÜ 6:24

“Ana chu kini bumai neletao donou daizhozhou ngaopisa; daiolouzü neletao-wo neletao vei sa-vayu sü ngaoche loue!

LUK NOU RÜYU KO AVEIBVÜ 6:42

Moa nelah ne nghithouhi houngh louyu nasü ngaomoa kabüa nenou ne thaihou jüraihi, ‘Achina, ne nghithouhi louyu houngh nasü panou Eye popalouwo,’ tea paoloulai? Aveikho souyu taore, raia nelah ne nghithouhi louyu houngh nasü popalouwo, alia süshonou nenou ne thaihou jürai nghithouhi louyu houngh nasü popa loure donou sheesha-a ngaolou süe.

JOHAN 13:29

Daiolouzü Judas hi shavü nasü buyu donou Jisu nou puh hi, “Eletao nou nühki toure natao hrülouwo; moa toure hamai hi hatali peikhaio” tea paoe tea puletao kamainou choe.

JOHAN 5:41

“Enou mai hinou paoshoyu phoumoe.

JOHAN 5:44

Alikhei baiyu Ramai Puh hinou veyu paoshoyu nasü phoumoa, alinou ali hinou paoshoyu ngaonüyu neletao nou kabüa Eye louche loulai?

JOHAN 7:18

Puh lah puh madonou pao-a buyu puhsü lah puh kathe phoubaie; ana puhye seiveyu puh vei kathe phouyu puhwo chekhaoe ea puh hisü madayu alia hae.

SEI-ATAMAI VAHTAO 10:2

Puh hai puhvei kikhamai taoye koa rathoyu hinou leishoyu ea Ramaiye pi-a hrüyu, toure hamai hi halia pakhaimoa peinüyu, alia tobai soumoa Ramai hi veachi paoa buyu mailie.

SEI-ATAMAI VAHTAO 10:31

‘Kornelia! Ramai nou ne khosü noupeire ea nenou toure hamai hi sa-a peiyu sü li-cho peire.

SEI-ATAMAI VAHTAO 10:4

Alia puhnou ngaopiloua puh hisü pheteiloua paoe, “Mapao, daie?” Rakivamai sünanou puh hisü chila peie. “Nevei veachitao ea nenou toure hamai hi peiyu vah taosü Ramai nou khrasho loure, alia ne khosü peire donou soudare.

SEI-ATAMAI VAHTAO 11:29

Alia Judea hinou hrüa buyu lüloumai thaihou jürai maitaoye soukha peire donou mai hrülainou lahlah paomainou peilousü thaifüa seipeilai tea rozümai taonou chi lükoure,

SEI-ATAMAI VAHTAO 24:17

“Enou po taoli Jerusalem vakounou buyu thainou Amai khemai hi soukha peire vei pousha pove peire ea Ramai hi posheelare donou sühi tave.

SEI-ATAMAI VAHTAO 9:36

Alia Jopa hisü Tabitha tea kuyu rozümai pfü ali bue (puh zhih hai Greekmai la hinou Dorka toue), naotu hainapai sü teisanou vah avei soua ea toure hamaiye soukha-a hrüe.

ROMMAI 12:8

süsü mai kukheye le souho peire süe toulouzü, sübüa Eletao nou soulai. Mai kukheye koa zha ngaozhoyu puhnou süsü ledua soulai; soure khouko buyu puhnou lenoua vah soulai; mai kukheye zhuvea peiyu puhnou süsü sasa-a soulai.

1 KORINTHMAI 13:3

Enou Avei buyu na veishi toure hamai hi peikhaia, alia Apfüphao hai mei deire donou thoupeiwu khaia, leshi halouzü, Esü halia zhimoe.

GALATIAMAI 2:10

Puletao nou Eh hinou khoyu sünawo louzü Enou sounüshoa buyuna süolouzü Ehye nou puletao mehi buyu toure hamaitaoye licho peikhaio touyu süna likhei baie.

EPHESAMAI 4:28

Avaomai nanou vaopu khaiso, ana puhnou toure hamaiye soukha peiloure donou lah puh bahnou vah avei taosü te-a souloukhaio.

1 THESSALONIMAI 2:6

Ehnou Khrista vei sei-atamaitao büa neletao hinou kholou veiyu buyuma, neletao hinou moa kukhe maitao hinou süolouzü maitalinou paoshoyu sü Ehnou phoumoe.

1 TIMOTHI 6:18

Puletaoye nou vahvei souloure, vahvei souyu nou hani loure, maiye pakhaimoa peiyu ea kukhe maiye koa zhitou loure donou le roloure chikha peikhaio.

PHILEMON 1:7

Leshiyu Achina Philemon, nevei leshina vanou Eye sou sasho peire ea le soudu peire, daiolouzü lülou maitao le hai ne vanou soukai peire.

EBRIAMAI 13:16

Avei vah souyu ea alinou liye soukhayu nasü ngaiwuso, daiolouzü sütaosü Ramai nou züpayu posheelayu taoe.

1 PITAR 4:11

Maita linou ko paodou louzü süsü Ramai chipaonou paodoulai, maita linou kuvah soulouzü süsü Ramai nou puh hi peikhai touyu khoukonou poa kuvah soulai, sükua Jisu Khrista vanou Ramaiye ha pfüphou hinou paosho loure soulai. Kathe ea adusho sü Jisu Khrista veie teisanou. Amen.

1 SAMUEL 15:30

“E mah souwure,” tea Saul nou chila peie. “Ana zhuvea nou Eye panou süthai-apei maitao ae Israel maisou nghoujü hinou tsükhouyu sü soungao peio, ae Eye koa sa-a nou dakhai ve peio, sübüa E-a panou nevei Ramai Mapao ye sü tholo.”