MATHIU 6:16 - SHEEYU BAIBEL (BSI)

¹⁶ “Alia neletao nou lühyu kisü aveikho soumai büa veayu zhu pongaoso. Daiolouzü puletao nou lühyu hai maiye panou ngaoloure donou puletao zhu sü shira-a laiwe. Enou chekhao-a neletao hi paowe, puletao nou puletao buusü ngaoche loure.

MATHIU 6:16 Iomraidhean Croise

2 SAMUEL 12:16

David nou nahtuye panou veiloure donou halia toumo somoa kheimathe deiphi hinou te-roupoa Ramai hi veachi pao-a khoe.

2 SAMUEL 12:21

“Nahtu thaimo ki sü ne hai kra-a halia touba sobakhai, ana nahtu thaire toukhaie ne tashalou-a hatouso tayu hai daitouwe touyu Etaowo sümore,” tea puh khenou adumaitao nou paoe,

1 VEMAITO 21:27

Elijah nou chi paocheyu thaisü, Ahab nou puhvei sabanü sü paiphawure, ae soukousah nou banou loure, ae puhnou hatou bare, soukousah nou bazüa baire, ae levea nou bure.

NEHEMIAH 1:4

Enou ko hai khesü choulou khaie, kou chobuloua kra-a bure. Teithe taoli hai Enou dopfüa halia toumoa lüh-a nou bue ae Ramai hi Enou haibüa veachi paoe,

ESTHER 4:16

“Susa nuhbei hi hrüa buyu Jihudimai hrülaiye save jülo, alia athaosou heakhei asü hai lüh-a touso ali-a toumoa veachi paopeio. E alia avei kilai mai hrülai nou neletao büa halia toumoa lüh-a veachi paolai. Süthai nou zhai moa buyuma Enou veo hisü taloulai.”

LOUTAO 109:24

Ewo hatou moa khü pouleyu donou lülou hore; avei pfüphao hai kirürüa nou rao ae hee likhei bua baire.

LOUTAO 35:13

Ana puletao nou sounou souyu phaki, Enou puletaoye donou dopfü peie; Enou ha toumoa puletaoye donou apei pfünakou veachi paopeie.

LOUTAO 69:10

Enou lüh-a nou nataiyu hrü hinou hrüa bue, ae maikhe mainou Eye ngaohi-a paoshire;

DANIEL 9:3

Südonou Enou lousah banaolou, vonai nalou alia azhuh Ramai Mapao hi pfürei veloua soutaosou lüh-a puh hi veachi paoe.

MALAKAI 3:14

Neletao nou paoe, “Ramai vei kuvah souyuo hakobaie. Etao nou Puh chi züyu moa Khoukhoulai Mapao nghoujünou Etao dopfüa laiyu mai ali kua tayu hai daie zhiyu bue?

MATHIU 6:1

“Maikhemai nghojünou puletaoye panou ngaoloure neletao vei rahrüzhai tayu zhaidotao soungao more donou leikeilo. Neletao nou haitaohai dua soungao louzü rakibu neletao Puo hinou neletao nou buu lia ngaolai moe.

MATHIU 6:2

“Südonou nenou toure hamaiye hatali peiyu kisü aveikho soumainou rathobuhtao ea luducho hinou souyu büa maiye podangaoso. Maikhe maiye panou puletaoye paosho loure donou sübüa puletao nou soue. Enou neletao hi paowe, puletao nou puletao buusü ngaoche loure.

MATHIU 6:5

“Neletao nou veachi paoyu kisü aveikho souyumai büwuso. Puletao nou mai hrülaiye panou puletaoye ngaoloure donou rathobuhtao ea ludukai hinou la-a veachi paoyu züpae. Enou neletao hi chechenou paowe, puletao nou puletao buusü ngaoche loure.

MARK 2:18

Teitheli hisü Johan Baptist thaifümai ea Phariseemai taosü lüh-a bue. Mai kamainou Jisu hi taveloua puh hi noue, “Daidonou Johan Baptist rozümaitao ea Phariseemai rozümaitao nou lühkhaia ne rozümaitaowo lühmoe?”

LUK NOU RÜYU KO AVEIBVÜ 18:12

Ewo teithecho lihi lüh ahai lühwe, alia Enou ngaolouyu zha kirou hinou ali nehi peiwe.’

LUK NOU RÜYU KO AVEIBVÜ 2:37

alia süthaisü puhnou po raichadai meamaipfü ali soua hrükoure. Puhnou khei-heanou lüh-a ea veachi paonou ko-a Ramaiye thoa Rathoki hinou thaokhaimoa bue.

SEI-ATAMAI VAHTAO 10:30

Kornelia nou chila peie, “Teithe adai jühi, Enou Aki hinou koukhe chupha teilecho asü hinou veachi paoa bue. Alia sükhaimoa peiva vayu sah bahyu mai alinou Anghojünou kou laloua paoe,

SEI-ATAMAI VAHTAO 14:23

Alia puhai nou lüloumaime liki hinou tsümaitao dopa loure ea veachi paonoupu lüh-a puletaoye sü puletao nou louche-a buyu Mapao bah hi thaothou peire.

1 KORINTHMAI 7:5

Lah nelenou leipua veachi paore donou teile phajütou alinou li hinou raloure ae-ao touyu sü likhei baimoa alinou liye bayu ali-a souso; ana süthaisü khailou kilo souyu hrüna hisü hrüloukhaio, molouzü lah pfüphaoye tukhalou hoyu vanou neletaoye Saitannou thaowu shulai.

2 KORINTHMAI 11:27

Te-a vah sou-a ea veaho-a hrüe; lüh taoli zhai he-a bue; Esü lüh taoli rei-dzüyu, alia touso, baiyubuh ea sabanüh hayu daoe.

2 KORINTHMAI 6:5

Ehye sü dapeie, hukha hi thoupeie, soubvüroyu daoe; te-roua vah soue, zhai heyu moa khü-a buyu daoe.