MATHIU 6:13 - SHEEYU BAIBEL (BSI)

¹³ Alia Ehye athaohi süthailou peiwuso, ana Ehye ashina hinou vupapeio.’ (Daiolouzü Vedei, khouko ea khouko avasü teisanou neveie. Amen)

MATHIU 6:13 Iomraidhean Croise

SHURAI 22:1

Süthaisü Ramai nou Abraham zhai zhure donou “Abraham” tea lare, alia puhnou “E haibue” tea chila peie.

1 VEMAITO 1:36

Jehoida nahpoutu Banaiah nou veo hi haibüa chila peie, “Amen. Nenou paoyu büa soupeilai, ae süsü nevei Ramai Mapao panou ae-ao peiyu sü soulou theo.

1 PUOPAOKO 16:36

Israel maivei Ramai Mapao ye paosholo! Puhye teisa nou paosho-a bulo! Süthaisü mai hrülai nou “Amen” tea paoe, ae Mapao ye paosho-e.

1 PUOPAOKO 29:11

Ne hai dusho-e ae khouko busho-e, veilouyu ae ngalouyu alia aduso nasü ne baie, daiolouzü raki ae deiphao buyu na teitei sü nevei baie. Vedei khesü nevei baie, ae ha teitei pei sü nenou khasa-a bubaie.

1 PUOPAOKO 4:10

Ana Jabez nou Israel maivei Ramai hi haibüa veachi paoe, “Oh Ramai, Eye shiha peio, ae avei deirai sü soudu peio! Nenou Eye salai peio, sübüa Eye panou veahoyu ae sounou sü vedaosho!” Puhnou khoyu thaifüa Ramai nou noupeie.

LOUTAO 10:16

Mapao sü akhai ha-a teisa nou veo sü soulai. Rah kukheye thoyu maitao hai puhvei teidei hinou hata-a bailai.

LOUTAO 106:48

Israel maivei Ramai Mapao ye sü paosholo; puhye chua ae teisa nou paosholo! Mai hrülaiye sü “Amen!” tea panou paolo! Mapao ye paosholo!

LOUTAO 22:28

Daiolouzü Mapao nou veo nasü baie, ae puhnou tyahrü hrülaiye sü tukha-a hrülai.

LOUTAO 41:13

Israel maivei Ramai Mapao ye paosholo! Puhye teisa nou paosho-a bulo! Amen! Amen!

LOUTAO 47:2

Kukulaiwo Mapao ye sü ngaopilo; puh hai dukayu veo nasüe, puhnou teideiphao veishi pei hinou khasa-a bue.

LOUTAO 47:7

Ramai nou teideiphao teitei pei hi veo nasüe, puhye sü lou nou sousholo!

LOUTAO 72:19

Puhvei zhih aveih nasü teisa nou paosholo! Puhvei khouko ava nasü teideiphao veishi hi panou phoutao-a bulo! Amen! Amen!

LOUTAO 89:52

Mapao ye sü teisa nou paosholo! Amen! Amen!

TAPALOUYU 15:18

Mapao nou teisa sü Veo soua sa-a nou hrülai.”

TSÜCHITAO 30:8

Ahinou dayu nasü doushoa polai peio; alia Eye touha shoyua moa toungi shoyua peiso; Eye rukhalou süyu touso sü peio.

JEREMIAH 15:21

Enou neye maishiyu ae zhaipou shiyu maitao bah hinou vupa peilai. Haisü Mapao Enou paowe.”

JEREMIAH 28:6

“Khupa soure! Mapao nou haisü soupei shulai touyu Enou louchewe! Nenou paoyu sü Mapao panou souvete peiyu sü soulo, ae rathoki vei kinitao alia hukhamai soua nüpoa tayu mai hrülaiye sü panou sa-a dakhai veyu sü soupei theo.

DANIEL 4:25

Süolouzü neye maisou hrohinou hulaiwulai, ae neye panou rekhaona taoye koa hrütalai; Kukulai hi Abuwo Ramai nou deiphao mai vedei pei hia khosa-a hrüwe alia puhnou vebuh sü peinüyu mai hi peiwe touyu nenou süloumo koute po anai hai neye panou chode ali büa poudai toulai, alia neye rakiva nou kouyu vidzü panou ne pfüphao sü koucha-a hrülai.

DANIEL 7:18

Ana Kukulai Ramai vei maitao nou vedei sü poloulai, alia vedei sü teisa puletao vei souloulai.”

MAIPEI PHOUYU 5:22

Dzü hai nanou ne pou hi koulouyu phaki, hai nanou nevei pou sü pfüa maapalai ae nevei tei-mou sü panou ki talai.” Naotupai nou haibüa paolai, “E-a aetouwe; Mapao panou sübüa soupeio.”

MATHIU 26:41

Neletao athao hi kaolou more donou zhai helo ea veachi paolo; chechenou rakowo louzü züpae, ana vasou louzü lelou hoe.”

MATHIU 28:20

Enou neletao hi chikha peikhai touyu teiteisü züloure donou puletao hi doupeio; alia zhukhaio, maihrü akhai koute Enou neletaoye teisanou koa bue.”

MATHIU 5:37

Ana nenou paoyu taosü laboua ‘Ae’ moa ‘Moe’ tea paobaiwo; süpeinou paopuyu taosü Ashina hinou vebaie.

MATHIU 6:10

ne vedei vepeio; rakihi büa deiphao hi-a nedo soupeio.

JOHAN 17:15

Enou puletaoye deiphao hinou potapeiwo tea nehi veachi paomoe, ana puletaoye ashina hinou khotou peiwo tea nehinou khowe.

1 KORINTHMAI 10:13

Emai hi zhai thaifüa vedaoyu athao süna moanou kukhe athao talinou neletaoye thaowu laimoe. Ana Ramaiwo louchelou veie, puhnou neletaoye panou neletao nou shamealou hoyu koute panou neletaoye thaowu laimoe, ana neletao nou sünasü shamea loure donou athao süna hinou tupa loure ludu-a houpeilai.

1 KORINTHMAI 14:16

Nenou rako hinou likhei Ramai hi kalo paoyu kisü, kabüa rako meime hinou lou zha ngaozhoa buyu maitalinou nevei kalo paoyu veachi hisü “Amen” tea paolai? Nenou paoa buyu hisü puhnou süloure ludu lia hae.

2 KORINTHMAI 1:20

daiolouzü Ramai vei apaopeiyu teitei hai puh hinou Ae-Ao touyu sü ngaoloue. Südonou Ramai kathe souloure donou Ehnou Jisu Khrista vanou “Amen” tea paowe.

GALATIAMAI 1:4

Eletaoye zhodo maikha ashi haina hinou khaipa peire donou, Eletao Ramai ea Puo puhvei li-choyu thaisü füa Khrista puh lahnou puhye sü Eletao vei mah donou thoupeiwure.

PAODAKHAIYU CHIKHA 8:16

Neletaoye tudeezü peire donou alia neletao zhai zhure donou neletao puopao nou sükhai moyu manna sü pa toure donou puhnou neletao hisü rekounou peie, süsü neletaoye pa akhai hi kou aveih souloure donoue.

PAODAKHAIYU CHIKHA 8:2

Neletaoye douzü peire donou, neletao le hi daibue touyu süloure donou zhai zhuyu alia neletao hai puhvei chikha khesü zülaiho zülai mosa touyu zhure donou neletao Ramai Mapao nou neletaoye rekou nou po raidai sapoa tayu sü licholo.

1 THESSALONIMAI 1:10

puhnah Poutu, puhnou athai hinou souhrishu louyuna sülouzü Eletaoye vere Ramai vei rarou hinou khailupa peiyu Jisu veresü kabüa neletao nou khoa busa touyu vanou puletao lahnou paongao-a bue.

2 THESSALONIMAI 3:3

Ana Mapaowo louzü louchelou veie, alia puhnou neletaoye soutsü peilai ea neletaoye maishimai bah hinou khopeilai.

1 TIMOTHI 1:17

Teisa Veo, athai hayu ea nghithounou ngaomoyu, likhei baiyu Ramai puh hisü khuhaoyu ea teisanou adu-sho souyu nasü souloutheo, teisanou! Amen.

EBRIAMAI 11:36

Kamaiye konüpeie ea südanou dapeie, alia kukhe maiye sü phibao rai phuwu-a hukhahi pothou khaipeie.

1 PITAR 5:8

Leikeilo, zhai helo! Neletaoye ngaobawo Rashi nasünou kamaiye tsütou loure donou ra sühao-a laiyu khaosouveo alikua tasühao-a laiwe.

2 PITAR 2:9

Südonou ramaiye süyu maiye kakua puletao vei veahoyu hinou khailu palou laisa touyu ea mai ashimaiye kakua Chikure Teithe donou hukhahi khailaisa touyu sü Mapaowo nou süwe.

1 JOHAN 3:8

Mah soua buyu maitalisü Rashina hinou ve, daiolouzü shurai hinou Rashi nanou mah soure. Ramai Nah poutuwo nou veyu vei qowo louzü Rashi navei vahtaoye souhare donoue.

PONGAOPEIYU 1:18

Esü hria buyu nasüe; Esü thaire, alia zhukhaio Esü teisanou hriwe, alia athai ea thaimai deiphao pei hi khore khoukosü ahi bue.

PONGAOPEIYU 19:1

Haithaisü rakivanou maisou alaovei pai-rao büyu kho alinou haibüa paoyu Enou choue, “Hallelujah! Khailu peiyu, adusho alia khoukosü Eletao Ramai veie!

PONGAOPEIYU 19:4

Tsümai kaidaitao ea hrikhaona adaitao nou kou kaoloua vebuh hinou chobua buyu Ramaiye sü tholoua paoe, “Amen! Hallelujah!”

PONGAOPEIYU 2:10

Nenou thala-a veahoyu daore süvanou pikhaiso. Zhukhaio rashinanou neletao kamaiye zhai zhure donou hukhahi laithoulai, alia neletaosü teithe kiruopha veaholai. Athai koute Ahinou cheche-a bulo, alia ahri Veo peirüsü peilai.

PONGAOPEIYU 21:4

Puhnou puletao nghithou hinou nghidzü teiteisü southe peilai. Sühisü athaisü bupu khailaimoe, alia dopfüyu moa krayu, moa souyu sü bupu khailai moe, daiolouzü na araitao sü talata khaire.”

PONGAOPEIYU 3:10

Avei shamea loure chikha nasü nenou zülouyu vanou, Enou neye sü deiphao teiteihi velaiyu veahoyu teilecho süna hinou khaipa peilai.

PONGAOPEIYU 3:14

“Laodikia hi buyu lüloumaime vei rakivamai na hi rükhaio: “Chi haisü acheche ea chekhaoyu zhopaohsouwo, Ramai nou soukhai touyu teiteivei beihna, Amen puhvei chipaoe.

PONGAOPEIYU 5:13

Süthaisü Enou raki hi, deiphao hi, deikhe hi, zai hi, alia teideiphao teitei hi buyu hrikhaona hrülai nou haibüa lou souyu sü choue: “Vebuh hinou buyu puh ea Zhaotu hisü paoshoyu, tsükhouyu, adusho ea khou-chihyu buyu sü teisanou souloukhaio, teisanou!”