MATHIU 6:10 - SHEEYU BAIBEL (BSI)

¹⁰ ne vedei vepeio; rakihi büa deiphao hi-a nedo soupeio.

MATHIU 6:10 Iomraidhean Croise

NEHEMIAH 9:6

Süthaisü Israel mainou haibüa veachi paoe: “Oh Mapaowo, ne likhei Mapao sü baie; nenou raki ae tei hi vutao hai soupeie. Nenou dei ae zai alia sühinou buyu na veishi hai soupeie; nenou sütao veishi hi hrirai thoupeie. Rakiva khouko khenou neye nakou khurüwe ae thowe.

LOUTAO 2:6

“Avei sheeyu Zion deichi hisü Enou avei veoye sü buh thoupeiwure.”

LOUTAO 40:8

Nevei leli nasü Enou jüpa shopoa nou souwe, Oh avei Ramai! Nenou paodou peiyu khesü avei tsüle hi pothou khailoure.

ISAIAH 2:2

Haithai naki haibüa nou vepalai, süolouzü Mapao vei Rathoki soukhai touyu deichi nasü deichi teitei jünou kupulai, ae deitao kukhe jünou taopulai. Tyahrü hrülai nou hai hisü tobai soumoa tave loulai.

JEREMIAH 23:5

Mapao nou paoe, “Checheyu vemai ali Enou David vei tyaosholea hinou dopa peire teile sü velaire. Veo süna nou dokai veisho-a teidei sü kholoulai, ae kaozü nasü teidei veishi hi soupeilai.

DANIEL 2:44

Vemai sütao nou nuh teidei khoa buyu phaki hinou, rakibu Ramai nou veteidei ali soushulai, alia sümaiye sü hasou kilia soushilou hoe, mokhaia mai kukhe nou veiloulai moe. Veteidei haina nou veteidei kukhe pfüphouye sü souhalai alia akhai soulai, ana vedei haina nou teisa vei soua bulai.

DANIEL 4:35

Puhye donou deiphao mai hai hazhotou lia moe; rakivamai ae deiphao mai hrülai hai puhvei khakhe hinou bue. Mai tarali nou puhye dulou hoe, mokhaia puhnou souyu vah khesü daivanou souwe tea noulou hoe.

DANIEL 7:13

Enou mai ali büa rakiva teihao nou koa jüpoa veyu avei zho kounou ngaoe, alia puhye sü teisa hria buyu nahisü sapoa koupeiwure.

DANIEL 7:27

Deiphao hinou buyu vedei teitei ae khouko teitei sü Kukulai Ramai vei maitao hisü peiwulai. Puletao vei vedei hai teisa vei vedei soulai, alia deiphao hi vemai hrülai nou puletao vah soulai ae puletao chi zülai.”

ZEKHARIAH 9:9

Zion hi hrüa buyu maitao, sasho loukhaio! Shusoua asalo! Jerusalem hi hrüyu maitao! Zhukhaio, neletao vei veo sü laire; veilouyu puhsü tavere, Puhwo natai-a rheisüh ali pfüa laibaie, alia rheisüh sünahai tyoutu baie.

MATHIU 12:50

Daiolouzü rakibu Apuo vei leli souyu maitali sü Athaihou jürai, Atu ea Apfüe.”

MATHIU 16:28

Chechenou Enou neletao hi paowe, Mai Nahpoutu nou Veo soua veyu puletao nou ngaoloumo koute thailaimoyu mai kamai buh haihinou la-a bue.”

MATHIU 26:42

Süthaia puhnou tapulou khaia veachi paoe, “Apuo, veare pai haina hai Eye panou kümoa nou po talalou hoe toulouzü, nedo soulouwo.”

MATHIU 3:2

Puhnou paoe, “Neletao mah hinou le dalouwo, daiolouzü raki Vedeihai ngheire!”

MATHIU 4:17

Teile süshonou Jisu nou puh chipaosü paodou shupoa haibüa paoe: “Ledalo, daiolouzü raki vedeisü ngheire!”

MATHIU 7:21

“Mapao, Mapao, tea Eye kuyu mai hrülainou raki Vedei hi velou laimoe, ana rakibu Apuo leli souyu mainou velou bailai.

MARK 11:10

Veloua buyu Eletao puo David Veo vei Vedeisü rako veie! Akukulai hisü Hosanna!”

MARK 3:35

Ramai leli souyu maitali sü Athaihou, Atu ea Apfüe.”

LUK NOU RÜYU KO AVEIBVÜ 19:11

Maikhe maitao nou chipao sütao keia buyu hinou, Jisu nou puletao hi nada ali paoputa khaire, daiolouzü puhsü Jerusalem hi ngheikoure, alia Ramai Vedei sü thasho-a velou laire tea puletao nou choe.

LUK NOU RÜYU KO AVEIBVÜ 19:38

“Mapaowo zhih hinou tave louyu Veo puhsü rakoveie! Raki hisü kaonayu soulo ea aku kulai hinou Ramaiye sholo!”

LUK NOU RÜYU KO AVEIBVÜ 22:42

“Apuo, nenou züpae toulouzü, pai hainasü Ahinou potapeio; ana Enou li-choyu moa nenou li-choyu sü souloukhaio.”

JOHAN 4:34

Jisu nou puletao hi paoe, “Atouso louzü Eye seive peiyu puhvei leli souyu, alia puh vah soucheyu nasüe.

JOHAN 6:40

Daiolouzü Apuo leli nasü hainare, süolouzü Nahpoutuye ngaolouyu ea puhye louche louyu mai talisü teisa ahri ngaoloulai; alia Enou puhye akhai teitheki sou hrishu loulai.”

JOHAN 7:17

Maita linou Ramai züpa sounüa bulouzü, Enou doupeiyu hai Ramai hinou veho, lah Amadonou paosa touyu sü sülai.

SEI-ATAMAI VAHTAO 13:22

Alia Saulye phalaiyu thaisü puhnou David ye panou puletao veo soupeie. Puhnou sükua David vanou zhopaoh pei-a paoe: ‘Enou Jesse nahpoutu David hinou Azüpa mainasü ngaoloure, puhnou Enou li-choyu pfüphou soupeilai.’

SEI-ATAMAI VAHTAO 21:14

Eletao nou puhye sü paoposhu nulou hokhaie, “Mapao vei li-choyu sü soulou baiwo,” tea puh hi paowu-a baire.

SEI-ATAMAI VAHTAO 22:14

Sükisü puhnou paoe, ‘Eh puopao Ramai nou neye puhvei li-choyu sü süloure donou, Achecheoye sü ngaoloure donou ea puh mü hinou puh paisü chouloure donou neye doloure.

ROMMAI 12:2

Deiphao haina vei zhai nasü poso ana neletao vei le davou talouyu vanou Ramaiye panou neletao lekhe sü soudawuwo. Süthaisü neletao nou Ramai vei leli süolouzü aveina, polou veiyuna ea licheyu nasü sülou süe.

EPHESAMAI 6:6

Haisü neletao nou puletao vei paoshoyu ngaolounüa puletao nou neletaoye zhubuki likhei baimoa, Khrista qilatao büa neletao vei le teiteinou koa Ramai züpasü soukhaio.

KOLOSSEMAI 1:13

Puhnou Eletaoye teizhivei khouko hinou khaipa peiwure ea Eletaoye podave puhvei leshiyu Nahpoutu vedei hi khaipeire,

KOLOSSEMAI 1:9

Qo haina vanou, Ehnou nele vanou choulourai hinou shua neleye donou teisanou veachi paowe. Ramai vei Rakonou pei-a buyu ratsü teitei ea hatali sülousüyu tsü sütaoye koa neletao hisü puhvei leli tsü sünanou phoupei-a buloure donou Ehnou Ramai hinou khowe.

1 THESSALONIMAI 4:3

Daiolouzü Ramai nou neleyenou sheeloua ea khulou souyu vah soukhaimoa buyu sü züpae.

1 THESSALONIMAI 5:18

teile veishi hinou kalo paokhaio; daiolouzü haisü Jisu Khrista hinou neletaoye donou Ramai leli nasüe.

EBRIAMAI 1:14

Sükuyu thaisü, rakivamaitao sü daisouyu maie? Puletao sü Ramai kuvah souyu ea khailu peiyu ngaoloure maitaoye soukha peiloure donou puhnou seive peiyu rakotao baie.

EBRIAMAI 10:36

Daiolouzü Ramai vei lichoyu souloure ea puhnou apaopei khaitouyu hai ngaoloure donou neletao nou shamea loure matsü bue.

EBRIAMAI 10:7

Süthaisü Enou paoe, ‘Zhukhaio, A vanou razhai larübvü hi rüthou khaiyu büa, Oh Ramai, ne leli nasü soure donou Esü veloure.’ ”

EBRIAMAI 13:21

Kaonayu Ramai nou nelelao hisü puhnou lichoyu souloure donou neletao nou moshilaiyu na avei teitei peiyu sü souloukhaio, alia Jisu Khrista vanou puhye panou puhnou züpa vahsü Eletao hinou soulou khaio. Alia Khrista hisü teisanou adusho paoyu sü souloukhaio! Amen.

1 PITAR 2:15

Daiolouzü neletao nou kaozüa souyu vah avei taonou tsühayu avomaiye panou paikhaimoa buyu sü Ramai nou züpae.

1 PITAR 4:2

Südonou, chuwo neletao vei deiphao hrümai hai vasou züpa soumoa Ramai leli soua hrü vuzülai.

PONGAOPEIYU 11:15

Süthaisü rakivamai anai chenanou puh besü houng-e alia sühisü rakivanou pai kushoyu alaosou pai paloua haibüa paoe, “Deiphao vedei hai Eletao Mapao ea puhvei Khrista vedei souloure, alia puhnou teisa nou veo soua bulai!”

PONGAOPEIYU 12:10

Süthaisü rakivanou chih shoyu pailinou haibüa paoyu sü Enou choue, “Chuwo Eletao Ramai vei khailu peiyu, khouko, vedei ea puhvei Khrista khoukosü vere! Daiolouzü Eletao Ramai nghojünou la-a Eletao thaihou jürai maitaoye khei-hea mah dukhaipei-a buyu puhye sü raki hinou hukoure.

PONGAOPEIYU 19:6

Süthaisü Enou maisou alaovei pai kuyu, dzüdu kho kuyu ea chihshoyu teisüyu kho kuyu pailinou haibüa paoyu choue, “Hallelujah! Daiolouzü Mapao, Eletao vei khoukhoulai Ramai nou Veo souloure!

PONGAOPEIYU 20:4

Süthaisü Enou vebuhtaosü ngaoe, alia sütao vahinou buyu puletao hisü chikupeire khoukosü peire. Alia Jisu nou pongao peiyu cheche ea Ramai vei chipao paodouyu vanou peideyu maitao vei rakotaosü Enou ngaoe. Puletao nou khaosou sünaye moa puhvei zhu raiyu bashara naye thomoe, alia puletao puva hi moa puletao bah hi khaosou sünavei shee nasü pfülai moe. Puletao nou hrishuloua Khristaye koa po theli sü ve-a hrüe.