MATHIU 6:1 - SHEEYU BAIBEL (BSI)

¹ “Maikhemai nghojünou puletaoye panou ngaoloure neletao vei rahrüzhai tayu zhaidotao soungao more donou leikeilo. Neletao nou haitaohai dua soungao louzü rakibu neletao Puo hinou neletao nou buu lia ngaolai moe.

MATHIU 6:1 Iomraidhean Croise

2 VEMAITO 10:16

ae Jehu nou puh hi paoe, “Eye koa talai she, ae Enou Mapao ye kazhou koute louchewe touyu sü ne lah taho zhukhaio.” Puhai nou koa Samaria hisü tare.

2 VEMAITO 10:31

Ana Jehu nou Israel maivei Ramai Mapao vei chikha khesü puhvei tsüle veishi nou peia chi zülou more; puhnou Jeroboam zhaibüa Israel maiye sü süthaisa-a mah soutare.

LOUTAO 112:9

Puhnou touha-a laiyu maiye lela veisho-a nou pei zhi-a baiwe, ae puhvei zhuvea nasü hakhai moe, puh hai duso palai ae mainou puhye sü tsükhou peilai.

EZEKIEL 33:31

Sübüa avei maitao nou tave meime souloua nenou puletao hi paoyu chi khesü keiwe, ana puletao hai nenou paoyu chipao khesü thaifüa hrümoe. Puletao vei müli hiolouzü chipao lako aveih lih nou pao-a nou bue, ana puletao hai dutounüa vah haso ashi soukoute-a bubaie.

DANIEL 4:27

Südonou, Oh Puo Veowo, Enou paoyu hai ne zülo. Mah sü soupuso, acheche vah sü soulo alia veaholai maiye zhuvea peio, sütoulouzü ne hai savapua hrüloulai.”

ZEKHARIAH 13:4

Süzhou teithe rachi paolayu maitao nou puletao vei zhohabo ngaoyu nasü po hao-a bailai, puletao vei soumai sabanü nasü puletao nou banoupu laimoe.’

ZEKHARIAH 7:5

Teidei haihi hrüa buyu mai hrülai alia napao maitao hisü haibüa paopeio: “Neletao nou khouh angou nava alia khouh anai nava dopfüa ae lüh-a po rainai koute souyu hai Eye tsükhouyu donouwu?

MATHIU 16:27

Daiolouzü Mai Nahpoutu hai puh Puo vei khouko ava hinou puh vei rakivamai taoye koa velai, alia sükisü mai hrülaiye lah lahnou soukhai touyu vahtao thaifüa puh nou buu peilai.

MATHIU 16:6

Jisu nou puletao hi paoe, “Leikeilo; Phariseemai ea Sadukimai vei kheih sü zhutoulo.”

MATHIU 23:13

“Ana aveikho souyu razhai dou-apeimai ea Phariseemai, neletao donou daizhozhou ngaopisa! Daiolouzü neletao nou raki Vedei kikhu nasü maikhemai nghojünou khunure; alia lah neletao koutea taloumoe, moa taloulai tea tayu maitaoye-a panou neletao nou loubae.

MATHIU 23:5

Puletao nou puletao vah taohai maiye panou ngaoloure donou soubaiwe. Puletao puhi ea baohi lichopfübvü khiyupfüa tayu zhukhaio, alia süloukhaio, sütaohai daizhozhou dusa! Alia puletao vei sahzha taohai daizhozhou shosa, süloukhaio.

MATHIU 25:40

Alia Veonou puletao hi chila peilai, ‘Chekhaoa Enou neletao hi paoe, neletao nou tai-noukayu Athaihou jürai haitao hrohinou alihi soupeiyu hai neletao nou Ahi soupeiwe.’

MATHIU 5:16

Süzhaibüa neletao vei ava sü maikhemai nghojühi vangao peikhaio, sübü louzü neletao vei vahvei taosü puletao nou ngaoloua rakibu neletao Puoye paosholai.

MATHIU 5:46

Daiolouzü neletao nou neletaoye leshimai likheiye leshi bailouzü, daidonou Ramai nou neletaoye buu peilai? Süsü kikha khamai koutenou-a souwe!

MATHIU 5:48

Südonou rakibu neletao Puonou licheyu büa, neletao-a liche vuzülai!

MATHIU 6:16

“Alia neletao nou lühyu kisü aveikho soumai büa veayu zhu pongaoso. Daiolouzü puletao nou lühyu hai maiye panou ngaoloure donou puletao zhu sü shira-a laiwe. Enou chekhao-a neletao hi paowe, puletao nou puletao buusü ngaoche loure.

MATHIU 6:9

Südonou haibüa veachi paolo: ‘Rakibu Eh Puo: Ne zhih soushee peio;

MARK 8:15

Jisu nou puletaoye tukha-a paoe, “Leikeilo, Phariseemai ea Herod vei kheih zhutoulo.”

LUK NOU RÜYU KO AVEIBVÜ 11:35

Südonou leikeilo, molouzü nehi buyu ava nasü maita bailai.

LUK NOU RÜYU KO AVEIBVÜ 12:1

Teile süpha hinou mai the taoli tavedzüa puletao alinou aliphi tai-a buyu hinou, puhnou raia puh rozümai taohi paoshu tare, “Pharisee maitao vei kheih, süolouzü puletao vei aveikho souyu vanou zhutoulo.

LUK NOU RÜYU KO AVEIBVÜ 12:15

Alia puhnou puletao hrülaihi paoe, “Leikeilo, alia loküyu teitei hinou neletao zhutoulo; daiolouzü emai hrühai puhvei kini alao soua buyu süna hinou bubaimoe.”

LUK NOU RÜYU KO AVEIBVÜ 16:15

Ana Jisu nou puletao hi paoe, “Neletaosü maikhemai nghojünou lah cheche khayu maitao baie, ana Ramai nou neletao lesü süwe; daiolouzü maikhemai hrohinou paoshoyu nasü Ramai nghojüwo louzü ngaorayuna baie.

JOHAN 12:43

daiolouzü puletao nou Ramai nou shoyuna jünou mainou shoyuna-a züpahie.

JOHAN 5:44

Alikhei baiyu Ramai Puh hinou veyu paoshoyu nasü phoumoa, alinou ali hinou paoshoyu ngaonüyu neletao nou kabüa Eye louche loulai?

SEI-ATAMAI VAHTAO 3:12

Alia Pitar nou maikhe maiye ngaolouyu kisü puletao hi paoe, “He Israel maitao, neletao daidonou mai haina vanou khupawe? Alia Ehnou Eh khouko hinou mo-a Ehnou Ramai hilo leishoyu vanou puhye panou talouyu kua daidonou nelenou Eh hi pheteiwe?

GALATIAMAI 6:12

Neletaoye panou hee rode loure donou nutaiyu puletaosü vakou pfüphao hilonou khaophu soua aveikho sounüyu puletaoe. Sütoukhaia, puletao nou süsü Khrista vei kros donou puletaoye mainou souvea more donou likhei soubaie.

PAODAKHAIYU CHIKHA 24:13

Teinghi loure toulouzü puh hi dakhai peio. Sükure toulouzü puhnou kheiko bazü louveie alia puh nou neye kalo sholai. Haihai neletao Ramai Mapao nghoujü hinou veiyu vah ali-e tea polai.

EBRIAMAI 11:26

Khristaye donou ahrao ngaoyu sünanou Ejipt teidei vei kini teitei jünou koushoa muhtei hie tea puhnou choloue, daiolouzü puhnou thaikhai vei buu nasü zhia bue.

EBRIAMAI 2:1

Südonou Eletaoye lapasou hüpoa talou more donou Eletao nou choulouyu acheehe nasü Eletao nou khoupushoa polou vuzülai.

EBRIAMAI 6:10

Ramaiwo cheche moyu moe. Neletao nou soukhai touyu vah moa neletao nou chukoute puhye donou neletao thaihou jürai Khrista maitao hi soukha pei-a leshiyu pongaokhai touyu sü puhnou ngaipei laimoe.

2 JOHAN 1:8

Eletao nou vah soupeiyu nasü nelenou hawu more donou, ana nelenou buu chekhoua ngaoloure donou neletao lah zhutoulouwo.