MATHIU 5:9 - SHEEYU BAIBEL (BSI)

⁹ Kaonayu pove peimai sü rakoveie; daiolouzü puletaoye sü Ramai nahtao tea kulai!

MATHIU 5:9 Iomraidhean Croise

1 PUOPAOKO 12:17

David nou puletaoye tapa süloua haibüa paoe, “Neletao nou samai soua Eye soukhare donou velouzü, E-a sünasü jüpa-a bue, ana neletao nou shodo ashi soua Eye ngaobamai bah hi thoupeire donou velouzü, Enou neletao hi vah ashi soumoyu thaifüa Etao puopaoh Ramai nou süwe alia Puhnou neletaoye tudee-a bailai.”

LOUTAO 120:6

Teile taoli hai Enou kaonayu naye ngaorayu maiye koa bure.

LOUTAO 34:12

Sava nou hrüyu sü jüpa homoe? Hrümai so-a nou vasho-a buyu sü jüpaho jüpa moge?

MATHIU 5:45

sübüa neletao nou rakibu neletao Puo vei nahpoutumaitao souloulai. Daiolouzü puhnou puh teinghi sü maishimai ea maiveimai pei hi panou kheihao-a vapeiwe, alia teirü sü avei souyutao ea ashi souyutao hi seivepeiwe.

MATHIU 5:48

Südonou rakibu neletao Puonou licheyu büa, neletao-a liche vuzülai!

LUK NOU RÜYU KO AVEIBVÜ 20:36

Alia puletaosü thaipu khailai moe, daiolouzü puletaosü rakivamai kure. Alia hrishu louyu nahmaitao soulouyu donou puletaosü Ramai nahtao souloure.

LUK NOU RÜYU KO AVEIBVÜ 6:35

Ana neletaoye ngaoba maitaoye leshilo ea puletao hi avei soupeikhaio; ngaoda khaire chokhaimoa poupeikhaio, sübülouzü neletao vei buusü dusholai ea neletao sü Aku Kulai Ramai vei nahmaitao soulai; daiolouzü puhwo mai veamuh sümoyu ea dutou nüyu maitaoye-a zhuvea peiwe.

SEI-ATAMAI VAHTAO 7:26

Thainaisho kisü Israelmai ahai züva-a buyu sü Moses nou tave ngaoloua puhaiye panou chaveiloua nüa puhai hi, ‘Athaihou jürai haire, nehai sü thaihou jürai baie; daidonou nehai sübüa tai-dava-a buwe?’ tea paoe.

ROMMAI 12:18

Neletao hilonou soulou veisa ha teitei hinou mai hrülaiye koa kaona-a hrülo.

ROMMAI 8:14

Daiolouzü Ramai Rakonou süthaipeia buyu maitao sü Ramai nahpoututaoe.

ROMMAI 8:16

Ramai Rako puh lahnou Eletao rakoye koa lou Eletao hai Ramai nahtaoe touyu sü zhopaoh souwe.

ROMMAI 8:19

Soukhai touyu basha teiteinou Ramai hinou zhishopoa puhnah poutu maitaoye ngaopeire sü khoa bue.

1 KORINTHMAI 6:6

Ana süjünou thaihou jüraimai alinou ali pei hi chikuki hinou taho mah duka khaia lüloumo maiye panou chi kuwe!

2 KORINTHMAI 13:11

Akhai hinou, thaihou jürai maitao, vei-a buwo! Liche loure donou telo; Enou khoa buyu hisü keipeikhaio; alinou liye aetoupeio; kaona-a hrüpeio. Alia leshi ea kaonayu vei Ramai nou neletaoye koa bupeilai.

2 KORINTHMAI 5:20

Südonou Ehsü Khristaye donou sühseita maitaoe. Eh vanou Ramai nou neletao hi khoa bue. Khrista süh soua Ehnou nele hinou khowe, Ramaiye cha veilo!

GALATIAMAI 5:22

Ana Rakovei shithouwo louzü, leshiyu, sayu, kaonayu, shameayu, zhuveapeiyu, aveina, louchelou veiyu,

EPHESAMAI 4:1

Südonou Mapaoye kuvah souyu donou hukhahi loua buyu Enou neletao hi khowe, süolouzü Ramai nou neletaoye kulouyuki puhnou panou talai touyu hrüzhai süna hinou züdoua talo.

PHILIPPIMAI 4:2

Enou Eudia ea Suntikhi ye Mapaowo hinou alinou liye aetoupeio tea khokhai khokhaiwe.

KOLOSSEMAI 3:13

Alinou liye koa shamea peikhaio ea hatakinou neletao hronou alinou kukhe ali pei hi motouyu bulouzü alinou liye khaipeio. Mapaowo nou neletaoye khaipeiyu büa neletao-a alinou liye khaipei vuzülai.

EBRIAMAI 12:14

Maikhemai hrülaiye koa kaona-a hrüloure ea sheeyu hrü hrüloure telo, daiolouzü süsü loumoa maitalinoua Mapaoye ngaolaimoe.