MATHIU 5:8 - SHEEYU BAIBEL (BSI)

⁸ Le sheeyu maisü rakoveie; daiolouzü puletao nou Ramaiye ngaolai!

MATHIU 5:8 Iomraidhean Croise

SHURAI 32:30

Jakob nou paoe, “Enou Ramai ye ngaore ana E chua hria buhie.” Südonou buh sünasü “Peniel” tea puhnou sapeie.

2 SAMUEL 22:27

Sheeyu mai hisü nevei amashee nasü ngaopeie, ana ashimai hisü nevei zhaipou shiyu nasü ngaopeiwe.

LOUTAO 15:2

Hateitei hinou Ramai vei chi züyu mai, ae teisa nou acheche vah souyu mai, checheyu chi paoyu mai, ae tsüle sheesha teanou hrüyu mai,

LOUTAO 18:26

Sheeyu mai hisü nenou sheesha-a ngaopeie, ana mai ashimai hisü nevei zhaipou ashi nasü soungao peie.

LOUTAO 24:4

Phibah sheeyu mai, ae tsüle sheeyu maitao, basharataoye thomoyu maitao, moyuma da-a nou chaachou soumoyu maitao noulai.

LOUTAO 51:10

Oh Ramai, sheesha touyu lüthou ali Eye soupeio, ae tsüle ashu ae nevei khakhe hinou hrülou süyu rako ali Eye peio.

LOUTAO 51:6

Chili checheyu nasü nenou jüpa-e; nevei ratsü nasü avei tsüle hi thoukhai peio.

LOUTAO 73:1

Cheche vuzünou Ramai hai Israel mai hi ae tsüle sheesha-a buyu maitao hi veisho-e.

TSÜCHITAO 22:11

Tsüle sheesha touyu ae chipao lako aveih paoyu mai nasü, veo vei samai sou-a bulai.

SEI-ATAMAI VAHTAO 15:9

Puhnou Eletao ea puletao kole hisü halia souku peimoe; daiolouzü lü vanou puhnou puletao lesü soushee peire.

1 KORINTHMAI 13:12

Chu Eletao nou ngaoa buyu sünawo louzü zhuzhu hinou ngaorarayu khu bübaie; ana sükisü zhu haonou ngaolai. Chu Enou süa buyu sünawo louzü kaitouli hinou baie, sükisü Ramai nou chu Eye sükhaia buyu sübüa E-a sükhailai.

2 KORINTHMAI 7:1

Asamaitao, apaopeiyu haitao sü Eletao hi soupei khaitoue. Südonou pfüphao moa rakoye souhao peiyu ha teitei hinou lah Eletao sü sousheeloua bulou laikhe, alia Ramaiye pi-a hrüa Eletao sü shee-a bulou laikhe.

TITA 1:15

Sheeyu maitao hisü ha teiteinou sheebaie, ana zhaiwuyu ea louche moyu puletao hisü hatalia sheemoe; daiolouzü puletao vei le ea lekhetsütao hai zhaiwure.

EBRIAMAI 10:22

Eletao nou vuzüyu lünou phoua buyu cheche le sünanou lekhetsü ashina hinou soushee peiyu Eletao le ea sheeyu dzünou khüsheeyu Eletao vei pfüphaoye koa Ramai hi takou ngheilou laikhe.

EBRIAMAI 12:14

Maikhemai hrülaiye koa kaona-a hrüloure ea sheeyu hrü hrüloure telo, daiolouzü süsü loumoa maitalinoua Mapaoye ngaolaimoe.

EBRIAMAI 9:14

daizhozhou koua teisa halouho Rako vanou puh lah chaalia ha-a Ramai hi popeiyu Khrista zhenou Eletao vei lekhetsü nasü athai vahtao hinou hriyu Ramai kuvah souloure donou soushee peilaisa.

JEMS 3:17

Ana reikounou kouyu ratsü sünawo rairailai hinou sheetouyu sünasüe; alia hainawo kaonayu, nashayu, alia samai-khamai soulou veiyu sünasüe; hainawo zhuvea-leshinou phoupoa bue ea vahvei taovei thou shilouwe; haiwo lekiyu ea aveikho souyu hae.

JEMS 4:8

Ramai hi tave ngheilo, alia puhnou neletao hi tave ngheipeilai. Neletao bahsü teilo, oh mahmaitao! Neletao lesü sousheelo, oh aveikho soumaitao!

1 PITAR 1:22

Chuwo neletao nou neletao thaihou jürai maitaoye soutaosoua leshi loure acheche hinou paoyu züa neletao rakosü soushee louyu donou, neletao le teiteinou rako loushoa alinou liye leshia bulo.

PONGAOPEIYU 22:4

Puletao nou puh zhusü ngaolai, alia puh zhihsü puletao puvahi rükhailai.