MATHIU 5:7 - SHEEYU BAIBEL (BSI)

⁷ Zhuvea peilousü maisü rakoveie; daiolouzü puletao nou zhuvea ngaoloulai!

MATHIU 5:7 Iomraidhean Croise

2 SAMUEL 17:28

Puletao nou züsah, raikhao, nainou souyu lee-khao, southou, barlithou, raokhao, ketu, toushithou, hathou,

2 SAMUEL 22:26

Louchelou veiyu mai hi sü louchelou veiyu ngaopeie, mah hayu mai hisü nevei acheche nasü ngaopeiwe.

LOUTAO 112:4

Mai aveih maitao donou zhiyu buh hia ava sünou vapeiwe, daiolouzü Mapao hai zhuvea leshi peiyu ae acheche nasüe.

LOUTAO 112:9

Puhnou touha-a laiyu maiye lela veisho-a nou pei zhi-a baiwe, ae puhvei zhuvea nasü hakhai moe, puh hai duso palai ae mainou puhye sü tsükhou peilai.

LOUTAO 18:25

Oh Mapaowo, nenou chilee checheyu mai hisü chilee cheche peie; mai aveih mai hisü nenou mai veisho peie.

LOUTAO 37:26

Puletao hai tobai soumoa maiye peizhi koutewe, ae maiye pou-pao pei koutewe, ae puletao vei toudzütao hai shiha ngao-a baie.

TSÜCHITAO 11:17

Maiye zhuvea süyu hai lahye donou veia baie, ana hraishiyu mai sü lahye soushilou-a baiwe.

TSÜCHITAO 11:25

Tolayu mai liye sü soungi peilai, alia maiye soukha peiyu mai sü soukha hai ngaoloulai.

TSÜCHITAO 14:21

Lah kinapaye ngaophou moyu haisü mah-e, ana touhayu maiye zhuvea leshi peiyu mai sü savalai.

TSÜCHITAO 19:17

Touhayu maiye zhuvea poupaoh peiyu hai Mapao hi poupaoh peiyu raibüa baie, Mapao nou puhye sü peidakhai-a bailai.

ISAIAH 57:1

Acheche mai sü thaire, anou mai linoua leloua tsücho peimoe; ae mai aveih maiye sü potare, puletaoye sü vere teikhai teirü ashi hinou poa tare touyu maikhe mainou sükulou more.

DANIEL 4:27

Südonou, Oh Puo Veowo, Enou paoyu hai ne zülo. Mah sü soupuso, acheche vah sü soulo alia veaholai maiye zhuvea peio, sütoulouzü ne hai savapua hrüloulai.”

HOSEA 1:6

Honapai nou poupfü puloue alia nahnaotu ali naloue. Süthaisü Mapao nou puh hi paoe, “Puh zhih sü Loruhamah tea salo, daiolouzü Enou Israel maiye zhuveayu moa khaipeiyu bupulai moe.

HOSEA 2:1

“Neletao hai amaie” alia “Neletaoye sü zhuvea peiwure,” tea ne thaihou-jürai maitao alia ne tu maitao hi paopeio.

HOSEA 2:23

alia Enou puhye A deihie vukhai peilai. Enou raiki zhuvea moyu taoye zhuvea peilai, alia Enou Amaimotao hisü paolai, ‘Neletao hai A maiye,’ alia puletao nou ‘Ne hai Avei Ramai-e,’ tea paolai.”

MIKAH 6:8

Moe, Mapao nou Etao hisü kabüyu paityanou veiwe touyu sü paopeiwure. Mapao nou Etao hinou jüpayu louzü: kaozü souyu, tobai soumoa leshiyu nasü soungao peiyu, ae tainoutou soua Etao Ramai ye koa hrüyu hai nou jüpa-a baie.

MARK 11:25

Alia neletao nou veachi pao-a layu sasü, neletao nou maitali pei hi motouyu bulouzü khaipeio; sübülouzü rakibu neletao Puonoua neletao nou soukhai touyu mah taosü khaipeilai.”

LUK NOU RÜYU KO AVEIBVÜ 6:35

Ana neletaoye ngaoba maitaoye leshilo ea puletao hi avei soupeikhaio; ngaoda khaire chokhaimoa poupeikhaio, sübülouzü neletao vei buusü dusholai ea neletao sü Aku Kulai Ramai vei nahmaitao soulai; daiolouzü puhwo mai veamuh sümoyu ea dutou nüyu maitaoye-a zhuvea peiwe.

ROMMAI 11:30

Tahrüh kukhemai neletao donou louzü, lüh lihi neletao hai Ramai nou paoyu zübae; ana chuo neletao hai Ramai vei zhuvea ngaoloure daiolouzü Jihudi maitao hai paoyu züba loure.

1 KORINTHMAI 7:25

Chuo neletao nou sheenghi moyu maitao vanou chi nouyu süna vanou Enou Mapaowo hinou chikha ngaolou moe, ana Mapao vei zhuveana vanou louchelou veiyu mai ali kua Enou Avei lelisü paowe.

2 KORINTHMAI 4:1

Südonou Ramai nou puhvei zhuvea hinou kuvah hainasü souloure donou Eletao hi peikhaitoue, südonou Ehnou lekhaiyu soumoe.

EPHESAMAI 4:32

alia Khrista vanou Ramai nou neletaoye khaipeiyu sübüa neletao alinou liye khuhao-a ea zhuvea leshi peia alinou li mah khaipeikhaio.

KOLOSSEMAI 3:12

Neletaowo Ramai vei maikhe maitaoe: puhnou neletaoye leshie ea neletaoye lah puhvei donou doloure. Südonou neletao hai khuleshinou, zhuvea nou, nataiyu nou, nashayu nou, alia shameayu nou, neletao lah bahnou vuzülai.

1 TIMOTHI 1:13

Esü raiki teile hisü puhchi paoshi-a ea puhye souvea-souhrao peikhai-a Eye doloue. Ana Ramai nou Ahisü zhuvea peie daiolouzü Enou lü ha-a buyupha hinou sükhaimoa süsü soure.

1 TIMOTHI 1:16

ana Khrista Jisu nou Ahi tapeiyu zhai süna vanou puh hai shishilai mahmai hi koute daizhozhou shamea peisa touyu sü maikhemai hrülaihi pongao peiwu-a kukhemai taoye-a panou süsü süloua tave puh hinou teisa ahri nasü ngaoloure donou Ramai nou Apei hi zhuvea peire.

EBRIAMAI 4:16

Südonou Eletao nou Eletao vei moshilaiyu phaki leshi ea zhuvea ngaoloure donou lülouche-a zhuvea vei vebuh hisü takou ngheilou laikhe.

EBRIAMAI 6:10

Ramaiwo cheche moyu moe. Neletao nou soukhai touyu vah moa neletao nou chukoute puhye donou neletao thaihou jürai Khrista maitao hi soukha pei-a leshiyu pongaokhai touyu sü puhnou ngaipei laimoe.

JEMS 2:13

Daiolouzü maiye zhuvea peimoyu puhye Ramai nou chikuyu kisü zhuvea peilai moe; ana zhuvea sünanou chikuyu sünaye kolouwe.

JEMS 3:17

Ana reikounou kouyu ratsü sünawo rairailai hinou sheetouyu sünasüe; alia hainawo kaonayu, nashayu, alia samai-khamai soulou veiyu sünasüe; hainawo zhuvea-leshinou phoupoa bue ea vahvei taovei thou shilouwe; haiwo lekiyu ea aveikho souyu hae.

1 PITAR 2:10

Teile ali hiwo neletaowo Ramai vei maitaomoe, ana chuwo neletaowo puhmai souloure; teile ali hiwo neletaowo Ramai zhuvea sümoe, ana chuwo neletao nou puhvei zhuvea ngaoloure.