MATHIU 5:45 - SHEEYU BAIBEL (BSI)

⁴⁵ sübüa neletao nou rakibu neletao Puo vei nahpoutumaitao souloulai. Daiolouzü puhnou puh teinghi sü maishimai ea maiveimai pei hi panou kheihao-a vapeiwe, alia teirü sü avei souyutao ea ashi souyutao hi seivepeiwe.

MATHIU 5:45 Iomraidhean Croise

JOB VEI LARÜBVÜ 25:3

Puh vei kuvah souyu rakivamai haizhou bue touyu mailinoua cholou süwu? Ramai vei ava nou vapei moyu buh lia buwu?

LOUTAO 145:9

Puh hai mai hrülai hi veishoa baiwe, ae puhnou soupeikhai touyu na veishi hi zhuvea leshi peiyu nasü bue.

JEREMIAH 5:24

Enou teile kaovei hinou teirü seive peiyu, pao-hou teile hi teirü peiyu ae po patsü panou chachi loua buyuma Eye tsükhoure donou tsücho moe.

MATHIU 5:9

Kaonayu pove peimai sü rakoveie; daiolouzü puletaoye sü Ramai nahtao tea kulai!

LUK NOU RÜYU KO AVEIBVÜ 6:35

Ana neletaoye ngaoba maitaoye leshilo ea puletao hi avei soupeikhaio; ngaoda khaire chokhaimoa poupeikhaio, sübülouzü neletao vei buusü dusholai ea neletao sü Aku Kulai Ramai vei nahmaitao soulai; daiolouzü puhwo mai veamuh sümoyu ea dutou nüyu maitaoye-a zhuvea peiwe.

JOHAN 13:35

Neletao hi alinou ali donou leshiyu nasü bulouzü, süvanou neletao hai Arozümai-e touyusü mai hrülainou süloulai.”

SEI-ATAMAI VAHTAO 14:17

Sütoukhaia puhnou zhopaoh ha-a lah puhye thaowu moe, daiolouzü puhnou vah avei soupeia rakinou tei rükoupeie ea shi shiyu khou-teile peia neletao lesü panou touso ea sayu nou phoupeiloue.”

EPHESAMAI 5:1

Südonou neletao hai Ramai nou leshiyu nahmaitao baiyu donou, neletaosü puh zhai dou vuzülai.

PHILIPPIMAI 2:15

sübüa neletaosü ashi ea paoyu zübayu maikha hrohinou mah hayu ea sheeyu Ramai vei licheyu nahmaitao büa buloulai. Neletao hai puletao hrohinou ratei hi teivuhtao büa vapei-a buvu zülai,

1 JOHAN 3:9

Ramai hilonou nalouyu maitalinou mah soua bumoe, daiolouzü Ramai vei zhai vuzü nasü puh hi bue; alia Ramai hai puh Puo baiyu donou, puhsü mah soua bulouhoe.