MATHIU 5:4 - SHEEYU BAIBEL (BSI)

⁴ Dopfüa bumaisü rakoveie; daiolouzü puletaoye souva peilai!

MATHIU 5:4 Iomraidhean Croise

ISAIAH 12:1

Neletao nou haibüa lou soure teile sü velai: “Oh Mapaowo, Enou nevei kathe sü paolai, Raichokio ne ahi raroue, ana chuo nevei lekha nasü latare, ae nenou Eye souva peie.

ISAIAH 25:8

Puhnou athai nasü teisa polaiwulai, ae Mapao nou mai hrülai nghithou hisü nghidzü southe peilai, alia deiphao hinou hrüa buyu puhvei maitao nou veaho-a chaa pfüa buyu nasü polai peilai, daiolouzü Mapao nou haibüa paoe.

ISAIAH 30:19

Oh Jerusalem hinou hrüa buyu maitaore, neletao krayu paisü chouloua zhuvea peilai, ae neletao vei akho sü noupeilai.

ISAIAH 35:10

Puletao nou asasho-a nou lou soupoa Jerusalem hisü velou loulai, puletao nou teisa sava-a hrülai, alia veahoyu ae dongai pfüyu bulai moe.

ISAIAH 57:18

“Puletao nou soupfüa buyu vah khesü Enou ngaore, ana Enou puletaoye sü souvei peilai; Enou puletaoye sü süthaisa-a tapeilai ae kra-a dopfüyu maikhe maiye sü Enou sousava peilai.

ISAIAH 66:10

Jerusalem ye koa asa zholo; honapaiye leshi-a buyu mai hrülai, honapai vanou savalo! Honapai donou dopfüa buyu mai hrülai; honapaiye koa asalo!

ISAIAH 66:2

Teideiphao teitei sü Enou soupeie! Tainoutou soua ae ledalouyu maitao, ae Eye ngaopi-a achi züa buyu maitaoye sü Enou zhu peilai.

EZEKIEL 7:16

Mai daotuli hai turei paloua deichi vanou pa bulai, ae puletao hai khao büa puletao vei mahmo donou dopfüa lea nou bulai.

EZEKIEL 9:4

“Jerusalem nuhdu veishi hisü tasühao takhaio, ae nuhdu hai hinou vah ashi ae ngaorayu vah soukhai touyu levea dopfü buyu maitao pu vasü larücha daopeie.”

ZEKHARIAH 12:10

“Enou David tyaonahtao hi alia Jerusalem hi hrüa buyu mai teitei hisü zhuveayu ae maiye leshiyu rako nasü thoupeilai, sübüa puletao ye panou puletao nou southa khaitouyu mai naye zhuloua lah puh nah ali khei buyu na thaiyu büa dopfülai, alia nah narai na thaiyu büa shusoua koulilia kralai.

LUK NOU RÜYU KO AVEIBVÜ 16:25

“Ana Abraham nou paoe, ‘Anahna, likhaio, süolouzü nenou hribu kisü ne sü na avei teitei ngaoloure, alia sübüa Lazaras-a ashi teitei ngaoe; ana chuo puhsü haihinou vasho-a bure, alia newo chorosoua bure.

LUK NOU RÜYU KO AVEIBVÜ 6:21

Chu houa laimai neletao rakoveie, daiolouzü neletaoye pouphou soupeilai. Chu kra-a bumai neletao rakoveie, daiolouzü neletao nülai!

LUK NOU RÜYU KO AVEIBVÜ 6:25

“Chu pouphou-a bumai neletao donou daizhozhou ngaopisa; daiolouzü neletaosü hou khailai! Chu nü-a bumai neletao donou daizhozhou ngaopisa; daiolouzü neletaosü dopfüa kralai!

LUK NOU RÜYU KO AVEIBVÜ 7:38

alia Jisu phi thailova hinou laloua ea kra-a puh nghidzünou kou Jisu phi hisü jaokhai loure, alia puh phisü puh peishunou posoupeia ea puh münou kou muloua kainüvei theadzü sünanou puh phihisü lakhailoua napeiwure.

LUK NOU RÜYU KO AVEIBVÜ 7:50

Ana Jisu nou naotu süpaihi paoe, “Nevei lü nanou neye khailu peire; kaona-a talouwo.”

JEMS 1:12

Zhai zhuyu hi shamea louyu puhsü rako veie, daiolouzü puhnou zhai zhuyu süsü kolouyu kisü, Ramai nou puhye leshimaiye peilai tea apaokhai touyu ahri peirü nasü puhnou ngaolai.

PONGAOPEIYU 21:4

Puhnou puletao nghithou hinou nghidzü teiteisü southe peilai. Sühisü athaisü bupu khailaimoe, alia dopfüyu moa krayu, moa souyu sü bupu khailai moe, daiolouzü na araitao sü talata khaire.”