MATHIU 5:34 - SHEEYU BAIBEL (BSI)

³⁴ Ana chuo Enou neletao hi paowe: Hatakia chaachou soukhaiso; raki-a sathou-a chouso, daiolouzü haisü Ramai Vebuh-e;

MATHIU 5:34 Iomraidhean Croise

LOUTAO 11:4

Mapao hai puhvei sheeyu rathoki hinou bue; puhvei vebuh sü raki vanou bue. Puhnou deiphao mai hrülaiye sü zhuwe ae puletao nou soupfüyu veishi sü süwe.

KOPAODOUWO 9:2

Daiolouzü acheche mai hia ashimai hia, veiyuna hia shiyuna hia, sheeyuna hia sheemoyu na hia, posheela peiyu na hia sheela peimoyuna hia raibütoua ve-a bailai. Veiyu maina hi büa mah souyu na hia, alia chaachou souyuna hia chaa thoubayu na hia raibüyu rahdzüsao baie.

ISAIAH 57:15

“E sü kuyu ae Sheeyu Ramai-e, alia teisa nou bure nasüe. E hai kuyu ae sheeyu buh hinou bue, anou leda louyu mai hi ae tainou soua laiyu mai hi-a E bue, sübüa puletaoye sü Enou sousava peilai ae puletao hi areih sü peilai.

ISAIAH 66:1

Mapao nou paoe, “Raki hai avei vebue-e, ae deiphao hai Enou phi taiyu bue. Kabüyu ki tyanou neletao nou Eye donou soupeilai touwe, ae kabüyu buh hisünou Eye panou hrülai touwe?

SEI-ATAMAI VAHTAO 7:49

‘Raki hai Avebuh-e, ea deiphao hai Aphihea bue. Eye donou neletao nou kakuyu ki soupeilai? tea Mapaowo nou paoe, Moa Asobuh sü daikinou lai?

JEMS 5:12

Ana ha teitei jünou, Athaihou jürai khemai, raki, deiphao moa cha-chou kukheli ku-a chouwuso. Ana neletao hai Ramai nou mah paodukayu hi loulou more donou, neletao nou ae touyu hisü ae toulo, alia mo touyu hisü mo toulo.