MATHIU 5:22 - SHEEYU BAIBEL (BSI)

²² Ana chuo Enou neletao hi paowe: puh thaihou jüraiye rarouyu maitaliye sü chi kure donou savelai, maitalinou puh thaihou jüraiye ‘Hakonawo!’ tea kulouzü puhye sü tsümehi save lalai, alia maita linou puh thaihou jüraiye, ‘Avowo!’ tea paolouzü puh hai meizhai hi loure rakoshi nasü daolai.

MATHIU 5:22 Iomraidhean Croise

SHURAI 37:4

Jürai maitao nou puhye puo nou leshi kouhie touyu süloua jürai maitao nou puhye ngaobare ae chila veia phabare.

SHURAI 37:8

Puh jürai maitao nou paoe, “Cheche vuzünou nenou Etao pei veo soua hrülai touwu? Chekhao nou Etaoye nenou tukha-a hrülai touwu?” Puh vei chipao ae puh me vanou puh jürai maitao nou puhye ngaobapu loure.

2 SAMUEL 16:7

Shimai nou chaa-a lukhu “Tawo, tawo, maiye southayu puona, maishi shilaio!

2 SAMUEL 6:20

Süthaisü David-a lah kihikhamaiye daore donou ki hi veyu phaki, puh vei khapfü Mikhal nou tapa puhye süloua haibüa paoe, “Zhou Israel mai veo sü vomai ali büa lah vei kilai loumai nahtao nghoujü nou sabanü banoutu moa ngao-a nou lah nevei zhih veih ali souloure!”

1 VEMAITO 21:4

Naboth nou puh hi soulou shi-e tea paoyu donou Ahab sü leva moa ae rarouloua ki hisü dakhai vere, ae puhnou kivo hilova reiloua züphao hinou dazü loure, ae hatou bare.

2 PUOPAOKO 16:10

Haibüa paopei khaie, Veo Asa nou rachipaolawo naye sü rarou sholoure, ae puhye sü hukhaki hi nüthou khaiwure. Teile hai phaki Asa veo nou rarou sholoua kamai-a soushi shopeie.

2 PUOPAOKO 19:5

Puhnou Judah vei nuhdu teitei hisü chiku-apei mai hai dokhai peie,

NEHEMIAH 5:8

ae Enou puletao hi paoe, “Etao nou soulou süyu koute hai tyahrü kukhe mai bah hi zhothou khaitouyu Etao vei thaihou jürai soua buyu Jihudimaiye sü Etao nou hrüdakhai louwe. Ana chuo neletao hai lah neletao vei thaihou jürai maiye qila soua hrüloure donou bure.” Süthai-apei maitao hai chi lia paoloure ha-a zei tea bure.

LOUTAO 109:3

ae puletao hai kaokhai moa Eye paoshi peie, ae zülia ha-a nou Eye sü dure.

LOUTAO 14:1

Avo maitao nou lah hi haibüa paoe, “Ramai hae!” Puletao mai hrülai nou shita khaitoure, ae puletao nou ngaora shoyu vah haso khesü soutare; kaozü vah souyu mai ali koute-a hare.

LOUTAO 25:3

Neye louche-a ne vuzhia buyu maitaoye panou hraongu ngaoso, ana neye khaitya-a duyu maiye sü panou hraongu ngaotheo.

LOUTAO 35:19

Eye ngaobayu maitao, ae dahrührüyu maitaoye panou Eye konüa ngaophou moyu sü soupeiso. Halia moyu hinou Eye ngaora-a buyu maitaoye panou avei veahoyu hisü nou sayu sü soupeiso.

LOUTAO 37:8

Rarouyu sü khailo, ae rapayu sü thaokhaiwo; hai nanou ashi hisü süthaisa-a louta baiwe.

LOUTAO 49:10

Mai hrülai nou ngaowe, süolouzü hasüyu mai-a, voyu mai-a ae vavayu na-a thaita khai-a baiwe. Puletao mai hrülai nou puletao vei nangi khesü puletao vei toudzü hi khaidai-a ta baiwe.

LOUTAO 69:4

Qo ha-a nou Eye ngaorayu maitao hai avei peishupo jünou pou loure. Eye ngaobayu maitao nou apei hi mah dukakhai peie; puletao hai khoushoe ae Eye southa nüsho-a bure. Enou halia vaolou moyuma Eye vaoloure tea natao sü panou peidakhaire.

LOUTAO 92:6

Hai khesü avomai nou sülou hoe; tsü chemoyu maitao nou sükulou hoe;

TSÜCHITAO 14:16

Tsüvei mai linou leikeia hashi hinou tarei talouwe, ana voyu nawo shameayu laiwu-a chaochao sou-a baiwe.

TSÜCHITAO 18:6

Vomai livei mütai nou züveiyu pove peiwe, alia puh mü nou süra dapeiyu khowe.

JEREMIAH 17:11

Kaozü moyu hinou kini ngaolouyu maitao hai raohou alinou dzü dzükhai toua toutu komoyu bütoua baie. Puhnou vasho-a buyu teile hinou puhvei nangi khesü hata-a bailai, ae akhai hisü vomai ali büa puhsü halia bulai moe.

DOPFÜYU 3:52

“Eye ngaobayu maitao nou kaozü ali-a hayuma Eye sü raohou ali büa thaihure.

DANIEL 3:13

Süthaisü Veo Nebukhadnezzar nou rarou sholoua Shadrak, Meshak ae Abednegoye sü puh hi saveo tea paore. Südonou puletaoye sü veo nghoujü hi sa-a vere.

DANIEL 3:19

Süthaisü Veo Nebukhadnezzar nou Shadrak, Meshak ae Abednego puletao pei hisü rarousho loure alia puh zhuh hai tyaku tare. Südonou puhnou meifü nasü raichoki jünou vu anai mei deithou soupulo tea kharochi peiwure.

OBADIAH 1:10

“Daiolouzü ne thaihou soua buyu Jakob ye sü neletao nou taida peia ae southa peiyu vanou neletao sü hraongu ngaolai ae neye teisa nou souhawulai.

OBADIAH 1:12

Ana ne thaihou nou rakoshi daoyu phaki puhye zhojüyu phamoe; Judah mainou hakatayu phaki, neletao nou asayu phamoe, Puletao nou veahoyu vedaoyu phaki, neletao khaophu souyu phamoe.

MATHIU 10:17

Maikhe maiye zhutoulo; daiolouzü puletao nou neletaoye niloua chikuki hi savelai, alia neletaoye rathobuhtao hinou dapeilai.

MATHIU 10:28

Alia pfüphaoye southealou khaia rakoye southealou hoyu puletaoye piso; ana pfüphao ea rako ahaiye koa meizaihi pothou souhalou süyu Ramaiye pilo.

MATHIU 12:24

Ana Phariseemai taonou süsü chouloua paoe, “Mai hainanou rashitaoye hulai payuhai rashitao pei hi aduna Beelzebul nou puh hi sübüa soure khouko peiyu vanoubaie.”

MATHIU 17:5

Puhnou chi paobebu kinou, zhukhaio, vashoyu teihao alinou kou puletaoye züloure, alia teihao hinou pailinou haibüa paoe, “Haihai Enou leshishoyu lah Anah Poutue; Enou puhye rukhare; puhnou paoyu keilo!”

MATHIU 18:21

Süthaisü Pitar nou Jisu hi veloua puh hinou noue, “Mapao, Athaihou jürainou Apei hi mah soukhaikhai louzü, lüh kizhou Enou puhye khaipeilai? Lüh anaiwu?”

MATHIU 18:35

Alia Jisu nou akhai soua paoe, “Südonou neletao nou neletao thaihou jüraiye neletao vei lekhe hinou khaipei molouzü rakibu Apuonou-a neletao hrülaiye sübüa soulai.”

MATHIU 23:15

“Aveikho souyu razhai dou-apeimai ea Phariseemaitao, neletao donou daizhozhou ngaopisa! Daiolouzü neletao nou maitaliye le souda loure donou zaipeinou ea teideitao hinou tawe; alia mai alinou le dalouyu kisü, neletao nou puhye lah neletao kua panou meizai hi loulouvei zha ahai soukou peiwe.

MATHIU 23:33

Nghoutao ea nghouvo tyaonah taore, neletao nou daikinou meizai vei tudee ngaore hinou tupalou khailai?

MATHIU 25:41

“Süthaisü puhnou puh bahkha nalo buyu taohi paolai, ‘Acha ngaolouyu neletao, Ahinou taloua rashi ea puhvei kilaitao donou soudakhai touyu teisa meibuh hi louwo.

MATHIU 26:59

Chuo napao adumai taonou alia tsüme teiteinou Jisu ye southeare donou da-a chi lapeiyu phoue,

MATHIU 3:17

Sükisü pai alinou rakinou haibüa paoe, “Haisü Enou leshiyu Anah Poutue, Enou puhye rukhare.”

MATHIU 5:34

Ana chuo Enou neletao hi paowe: Hatakia chaachou soukhaiso; raki-a sathou-a chouso, daiolouzü haisü Ramai Vebuh-e;

MATHIU 5:44

Ana chuo Enou neletao hi paowe: neletao ngaobamaiye leshilo ea neletaoye souvea-souhomaiye donou veachi paopeio,

MARK 14:55

Chuo napao adumaitao ea tsüme teiteinou Jisu ye southeare donou Jisu hinou dayu zhopaoh phoue; ana puletao nou halia ngaolou moe.

MARK 15:1

Alia shohna hisü napao adumaitao nou thashoa tsümaitao, razhai dou-apeimaitao ea tsüme teiteiye koa chikhai loure; alia puletao nou Jisu ye baorai phure ea sataloua Pilat bah hi thoupeire.

LUK NOU RÜYU KO AVEIBVÜ 12:5

Ana thaohye pilaisa touyu sü Enou neletao hi paongaolai: pfüphaoye southea louyu thai-a meizai hi polaithou peilou süyu khouko buyu Ramaiye pilo. Ovai, Enou neletao hi paowe, puhye pilo!

LUK NOU RÜYU KO AVEIBVÜ 22:66

Teinou thelouyu kisü maisouvei tsümai me süolouzü napao adu maitao ea razhai dou-apeimai taosü vedzü loure; alia puletao nou puhye sü puletao vei tsümehi saveloua paoe,

JOHAN 11:47

Südonou napao adumaitao ea Phariseemai taonou tsüme nasü kuve dzüloua paoe, “Eletao dai soulai? Daiolouzü mai hainanou shee taoli soua bure!

JOHAN 15:25

Haisü puletao razhaihi rüthoukhai touyu chipao nasü vetere donoue, ‘Puletao nou qo alia ha-a Eye ngaora loure.’

JOHAN 7:20

Maikhe mainou chila peie, “Nehi rashi ali bue! Neye southeare donou thaohnou phouwe?”

JOHAN 8:48

Jihudimai taonou puh hi chila peie, “Nehai Samariamai alie ea nehi rashi ali bue tea Eletao nou paoyu sü paozü mowu?”

SEI-ATAMAI VAHTAO 17:18

Alia Epikurean ea Stoik tamai tsütsümai me hinou kamai taonou puhye sü veivae. Alia puletao hrohinou kamainou haikua noue, “Taichio hainanou daichi paolaisa?” Kukhe mainou paoe, “Puh hai vakou teidei ratao vanou ko paolamai kue.” Puletao nou haikua paoyu hai Paul nou Jisu ea hrishuyu vanou ko paodou peiyu donoue.

SEI-ATAMAI VAHTAO 22:30

Ana thainaisho sü Jihudimai taonou Paul pei hi dai mah dukhaisa touyu sütou lounü-a puhnou Paul baorai sü phuyu phapeire, alia napao adumaitao ea tsüme teiteiye panou vedzü loure kharochi peiwu-a puhnou Paulye sakouloua panou tsüme nghojü hinou laloure.

SEI-ATAMAI VAHTAO 23:1

Alia Paul nou tsüme hisü zhuteiloua paoe, “Athaihou jürai khemai, Ramai nghojünou Enou zhou koutesü Alekhe tsühai sheesha-a hrüwe.”

SEI-ATAMAI VAHTAO 24:20

Molouzü Enou tsüme nghojü hi layuki puletao nou dai mah Ahinou ngaolouresa touyu sü buh haihi velouyu maikhemai taoye panou paokhaio.

SEI-ATAMAI VAHTAO 4:15

Südonou puletao nou puhaiyenou tsüme dzüyu buh hinou vakouhi tapare chi lüpeiwu-a puletao lah alinou lihi phaloua,

SEI-ATAMAI VAHTAO 5:21

Alia puletao hi paopeiyu thaifüa teithe pakhaie, puletao nou Rathoki hi taveloua maikhe mai hi doushure. Chuo napao peichana ea puhye koa laimaitao nou taveloua, tsüme, süolouzü Israel maitao vei aku kulai tsümai hrülaiye kuve dzüloure; süthaisü sei-atamaitaoye puletao nghojühi save loure donou maiye hukhahi seitare.

SEI-ATAMAI VAHTAO 5:27

Alia puletao nou sei-atamai taoye saveyu kisü, puletaoye panou tsüme nghojü hi laloure. Alia napao peicha nanou puletao hi chi noua paoe,

SEI-ATAMAI VAHTAO 6:12

Sükuloua puletao nou maisou, tsümaitao alia razhai dou-apeimai taoye süthou rarou peiwu-a puletao nou tave puhye niloua tsüme nghojü hi save-e.

SEI-ATAMAI VAHTAO 6:15

Alia tsüme hinou chobua buyu maikhemai hrülainou puhye zhutei-a buyu kisü puhvei zhusü rakivamai zhukua ngaoe.

SEI-ATAMAI VAHTAO 7:37

‘Ramai nou nele thaihou jürai maitao hrohinou neleye donou E kuyu rachi paolamai ali seive peilai’ tea Israelmai taohi paoyu mainasü Moses süe.

ROMMAI 12:10

Thaihou jürai vei khu-leshi sünanou alinou liye leshilo, alia alinou liye tsükhouyu hisü lenou toulo.

1 KORINTHMAI 6:10

avaomai, loküyumai, zhaoh shozhimai, chi-lashi paomai moa maivei saotoumai haitao sü mailikhei koutea Ramai Vedei sü ngaolaimoe.

1 KORINTHMAI 6:6

Ana süjünou thaihou jüraimai alinou ali pei hi chikuki hinou taho mah duka khaia lüloumo maiye panou chi kuwe!

PAODAKHAIYU CHIKHA 15:11

Deiphao hisü teisa nou touhamai bulai, südonou ne thaihou jürai mai hi alia neletao vei teidei hi buyu touhamai hisü bah süh-a lela veilo tea Enou neletao hi kharochi peiwe.

PAODAKHAIYU CHIKHA 16:18

“Neletao Ramai Mapao nou neletao hi peilaiyu nuhdu teitei hinou khü khü vei peikhomai alia chilou kupeimai dopa khailo, alia puletaoye sü panou kaozü hinou maikhe maiye peipha peilai.

1 THESSALONIMAI 4:6

Südonou maitalinoua lah puhvei thaihou jüraihi süna vanou soula-pfüla-a soumahwu laimoe, süsü Ehnou raia nelehi paongaowe ea chihshoa neleye tukha-a paowe süolouzü sübüa souyumai hrülai pei hisü Mapao nou khüh phoulai.

TITA 3:2

Puletao hi maitali chi paoshiwu more ea zü-veimoa natai-a buloure, alia maikhemai hrülaihi kaonayu zhaido tangao peire donou paopeikhaio.

EBRIAMAI 12:25

Südonou leikeilo, alia chipao-a buyu puhye bayu souwuso. Daiolouzü deiphao hinou puletao hi Ramai chipao pove peiyu puhye puletao nou bayu ki puletao sü tupa louho louzü, raki hinou chi pao-a buyu puhye Eletao nou bayu kisü Eletao sü daizhozhou tateia tupa loulai!

EBRIAMAI 5:9

Alia puhye souliche peiyu kisü puhsü puhnou paoyu züyu maikhemai hrülai donou teisa khailu louyu peiloure dzünghou soutare,

JEMS 2:20

Avowo! Vah loumoyu lü nasü hakobaie touyu sü nehi pongao peiyu nenou züpawu?

JEMS 3:6

Alia mali hai meie. Haisü mahmoyu vei deiphaoe. Eletao vei pfüphao zhatao hrohinou malinou pfüphao teiteiye souzhailou veiyu buh hinou bue. Mali nou puh hi meizai vuzü hinou veyu mei sünanou Eletao hrümai teiteiye sü panou meinou deiwe.

1 PITAR 2:23

Puhye ngheihyu kisü, puhnou puletao hi reive ngheihda moe; puhnou veahoyu kisü, puhnou soupi-a chi paomoe, ana puhnou cheche-a chiku peiyu puhye sü louchewe.

1 PITAR 3:9

Ashinaye donou ashinou moa chapeiyu naye donou chapeiyu nou pao rüwuso; süjüwo, hapeikhaio, daiolouzü neletaoye panou ha ngaoloure donou süsü souloure Ramai nou neletaoye kuloure.

1 JOHAN 2:9

Maitalinou puh hai avahi bue tea paokhaia, puh thaihou jüraiye ngaora louzü, chukoutea puhsü teizhihi buhie.

1 JOHAN 3:10

Hai vanou thaoh thaohmainou Ramai nahtao ea thaoh thaoh mainou Rashi vei nahmaitaoe touyu sü süloue: acheche vah soumoyu moa puh thaihou jüraiye leshi moyu maitalisü Ramainah moe.

1 JOHAN 5:16

Ne thaihou jüraimai alinou thailou veiyu mah moyu mahli soua buyu sü nenou ngaolouzü, nenou Ramai hi veachi paopeilai, alia puhnou puh hi ahrisü peilai. Haisü thailou veiyu mah soumoyu puletaoye donou paobaie. Ana thailou veiyu mah bue, alia süvanou nenou Ramai hi veachi paolai tea Enou paomoe.

JUD VEI SEIKO 1:9

Ana rakivamai peichana Maikhel koutea Rashinaye Moses vei pfüphao vanou sao-a veivayu kisü, puhsü Rashinahi sou ahraoyu chinou mah dukhai peire khu habaire, ana “Mapao nou neye züpeitheo!” tea paobaie.

PONGAOPEIYU 20:14

Süthaisü Athai ea Thaimai Deiphaoye sü meizaihi polai thoure. (Meizaibuh hai nasü athai ahai chenasüe.)