MATHIU 5:19 - SHEEYU BAIBEL (BSI)

¹⁹ Südonou maita linou chikhatao hrohinou taikayu ali zümo louzü ea mai kukhehi-a sübüa doupei louzü, puhye sü raki Vedei hinou taikhana tea kulai. Ana maitalinou razhai nasü züloua sübüa souloure donou kukhehi-a doupei louzü puhye sü raki Vedei hinou aduna tea kulai.

MATHIU 5:19 Iomraidhean Croise

LOUTAO 119:128

Südonou nevei dou-apei teitei sü Enou thaifüwe, kaomoyu vah veishi sü Enou ngaorae.

LOUTAO 119:6

Enou nevei chikha khesü soutaosoua reitou tea nou züa bulouyu thaio, Eye panou hraongu daokhailai moe.

DANIEL 12:3

Tsüveiyu mai sü ratei hi vayu büa valai, ae checheyu hilonou maiye doupei khaitouyu mai hai teisa teivuh büa valai.”

MATHIU 11:11

Enou neletao hi cheche vuzünou paowe, naotumainou nakouyu maikhemai hrohisü Johan Baptist jünou dukouyu maili-a pakhaimohie. Ana raki Vedei hinou taikayu puhnou Johan jünou duhie.

MATHIU 19:28

Jisu nou puletao hi paoe, “Enou neletao hi chechenou paoe, deiphao ashu nahi Mai Nahpoutu nou puh vei khouko ava vebuh hi bulouyu kisü, Athai fülouyu neletao-a Israel nahmai khü kiahaiye chiku-a vebuh kiahai hinou bulai.

MATHIU 20:26

Sütoukhaia neletao hrohiwo louzü sübü laimoe. Neletao hronou maita linou dunü louzü, puhnou kukhetao vei kilai souvu zülai;

MATHIU 28:20

Enou neletao hi chikha peikhai touyu teiteisü züloure donou puletao hi doupeio; alia zhukhaio, maihrü akhai koute Enou neletaoye teisanou koa bue.”

LUK NOU RÜYU KO AVEIBVÜ 1:15

daiolouzü puhsü Mapaowo nghojü hinou dulai. Puh sü darkha zhaoh-a moa kukhe zhaoh talia külaimoe, alia puhsü nakourai hinou Rako Mashinou phoulai.

LUK NOU RÜYU KO AVEIBVÜ 11:42

“Ana Phariseemaitao neletaoye donou daizhozhou ngaopisa! Daiolouzü neletao nou Ramai vei kainü veiyu vu-poutao süolouzü naipya, seisai ea vu-pou kukhe veishiwo louzü zha kirou hinou zhali posheelae, checheyu ea Ramaiye leshiyuwo louzü ngaophoumoe. Kukhetao ngaophou moyu soumoa neletao nou haitaohai soulouyu phae.

LUK NOU RÜYU KO AVEIBVÜ 9:48

alia puletao hi paoe, “Maitalinou nahmai hainaye Azhih hinou popei louzü, Eye popeiwe, alia Eye popeiyu maitalinou Eye seive peiyu puhye popeiwe; daiolouzü neletao hrülai hrohinou tai-noukayu puhnou dukayu nasüe.”

SEI-ATAMAI VAHTAO 1:1

Leshiyu Theophilas: Avei larübvü araina hinou Jisu nou vah soushurai hinou, puhnou souyu ea doupeiyu,

ROMMAI 3:8

Sükuyu thaisü daidonou haibüa, “Aveina veloure donou Eletao ashi soulaikhe” tea paomoe? Chechenou mai kamainou chi haina hai Enou paowe tea paodua Eye sou ahrao peiwe! Sükuyu mai pei hi sü Ramai nou mah dukhaizüa dukhai peilai.

ROMMAI 6:1

Sükulouzü Ehnou dai paokhailai? Ramai zhuvea panou pukhe loure donou Eletao nou mah hinou hrüa bupu laiwu?

ROMMAI 6:15

Sükulouzü dailai? Eletao mah soulaiwu, daiolouzü Eletaowo razhai khehi bumoa Ramai zhuvea khehi bubaiyu donou? Süsü movuzüe!

PAODAKHAIYU CHIKHA 12:32

“Enou neletao hi kharochi peiyu veishi zü-a soukhai toulo; sühi thou-a thoupuso alia pha-a phaso.

PAODAKHAIYU CHIKHA 27:26

“Ramai vei chikha ae paodou peiyu khesü zübayu mai hrülai sü chaa ngaotheo.” “Süthaisü mai hrülai nou paolai, ‘Amen!’

1 TIMOTHI 6:11

Ana oh Ramai vei mainare, newo haitao teiteisü thaowu-o, alia acheche hrü, rahrüzhai, lü, leshi, shameayu, alia nataiyu haitaoye donou telo.

TITA 3:8

Paopeiyu haisü louchelou veiyu chipaoe. Ramaiye louche louyu puletaoye panou mai hrülai donou veiyu ea koyu vah aveitao souyu hi lah puletao vei teile veitoua peiloure donou Enou neye panou paopeiyu chipao haitaosü soutaosoua paodou peiyu züpae.

1 PITAR 5:4

Alia zhaokhowo peichananou veyu kisü neletao nou vütakhai laimoyu khouko avavei Veo peirüsü ngaolai.

1 JOHAN 3:4

Mah souyu maitalinou razhai soukhoyu vei mah soure, daiolouzü mah hai razhaiye soukhoyu sünasüe.

PONGAOPEIYU 2:20

Ana Enou nepei hi motouyu haitao bue: Nenou lah puhye nou rachi paolapai tea kuyu naotupai Jezebel ye koa shamea peiwe. Puhnou Akilaitaoye khulou vah soure ea bashara hi posheelayu tousotao toure donou doupeia sümah peiwe.

1 SAMUEL 2:30

Raichoki Israel maivei Ramai Mapao Enou nevei puopaoh mai hi ae nevei kihikha maitao ye teisa panou napao soua avei kuvah panou soulai tea chaachou soukhai toue. Ana chuo Enou sübüa panou soupu khailai more. Eye tsükhouyu maiye Enou tsükhou peilai, ae Eye ngaorayu maiye sü E-a ngaora-a bailai.