MATHIU 5:18 - SHEEYU BAIBEL (BSI)

¹⁸ Cheche vuzünou Enou neletao hi paowe, raki ea deiphao hatamosa koute razhai hinou chahko taili moa chahko daopouyu li koutea sütao teitei vetemo koutesü halaimoe.

MATHIU 5:18 Iomraidhean Croise

LOUTAO 102:26

Sütao veishi nou hata-a bailai, ana newo louzü teisa nou bulai; sütao teitei hai sabanü büa shita-a bailai, ae sütao hai hata-a bailai.

LOUTAO 111:8

Sütao veishi hai teisa donou peikhai toue, sütao hai louche louveiyu hinou ae acheche hinou peikhai toue.

LOUTAO 119:152

Nenou paodou peiyu khesü Enou raichoki nou süloure; teisa panou bure donou nenou sütao hai soukhai peiwure.

ISAIAH 40:8

Poudai khesü kita-a bailai, poupa sü raita-a bailai; ana Ramai vei chipao sü teisa nou bukou telai.”

ISAIAH 44:26

Ana avei kilai-o nou vepare rai-a paosü peiyu phaki, Enou kopaomaiye seive avei tsüchoda khaitouyu khesü paongao peiyu phaki, Enou vepare paosü khaitouyutao ae tsüchoda khaitouyu khesü panou vepa vuzülai. Enou Jerusalem hisü maikhe maiye panou ve hrüdakhailai tea paopei khaitoue, ae Judah vei nuhdutao sü panou soushu dakhai loulai. Nuhdu sütao sü soushi khaitouyu hinou soushu dakhai loulai.

ISAIAH 51:6

Ne pei pfülashu rakiva sü zhukhaio, ae deiphao-a zhukhaio! Raki sü meikhao büa hata-a bailai; deiphao sü sabanü büa pata-a bailai, ae sühinou hrüa buyu maikhesü khaomai büa thaita-a bailai. Ana Enou khailupa peiyu nasü teisa nou bulai, avei khailu peiyu sü akhai bulai moe.

MATHIU 10:15

Enou neletao hi chechenou paowe süolouzü Chikuyu Teithe zhousü nuhdu sünavei maitao jünou Sodom ea Gomorrah maitaoye nou Ramai nou koua zhuvea peilai!

MATHIU 10:23

Puletao nou neletaoye nuhdu ali hinou souveayu kisü, kukhe alihi tuvelo; daiolouzü cheche vuzü Enou neletao hi paowe, neletao nou Mai Nahpoutu nou vemo jühisü Israel nahmaitao vei nuhdu taohi taveche louhoe.

MATHIU 10:42

Alia maitalinou Arozümaitao hronou tainou kayu aliye dzükao paili koute peilouzü, puh hai Arozümailiyu donou, chechevuzü Enou neletao hi paowe, puh buusü hatakia hakhai laimoe.”

MATHIU 11:11

Enou neletao hi cheche vuzünou paowe, naotumainou nakouyu maikhemai hrohisü Johan Baptist jünou dukouyu maili-a pakhaimohie. Ana raki Vedei hinou taikayu puhnou Johan jünou duhie.

MATHIU 13:17

Enou neletao hi chekhao-a paowe, rachi paolamai taoli ea achechemai taolinou neletao nou ngaoyu sü ngaonüshoa zhie, ana süsü ngaolou more, alia neletao nou chouyu sü chounüshoa zhie, ana süsü choulou more.

MATHIU 16:28

Chechenou Enou neletao hi paowe, Mai Nahpoutu nou Veo soua veyu puletao nou ngaoloumo koute thailaimoyu mai kamai buh haihinou la-a bue.”

MATHIU 17:20

Jisu nou puletao hi paoe, “Haihai neletao vei lü buche moyu vanoue. Daiolouzü Enou neletao hi chechenou paowe, neletao vei lühai javu thoutaile bulouzü, neletao nou deichi hainahi, ‘Haihinou hohi kouwo!’ tea paolou süe, alia sünanou tabailai; alia neletao hisü soulouhoe touyu hatalia bulaimoe!”

MATHIU 18:18

“Alia südonou Enou neletao hrülaihi chekhaoa paoe; deiphao nou neletao nou phuyu talisü rakihi-a phuwulai, alia deiphao nou neletao nou pheiyu talihai rakihi-a pheiwulai.

MATHIU 18:3

“Enou neletao hi chekhaoa paoe, neletao nou dakhailou nahmaitao bümo louzü, neletao hai haki-a Raki Vedeihi velou louhoe.

MATHIU 19:23

Süthaisü Jisu nou puh rozümai taohi paoe, “Enou neletao hi chekhaoa paoe, hanimaili donou raki Vedeihi velouyu hai tatei sholai.

MATHIU 19:28

Jisu nou puletao hi paoe, “Enou neletao hi chechenou paoe, deiphao ashu nahi Mai Nahpoutu nou puh vei khouko ava vebuh hi bulouyu kisü, Athai fülouyu neletao-a Israel nahmai khü kiahaiye chiku-a vebuh kiahai hinou bulai.

MATHIU 21:21

Jisu nou puletao hi chila peie, “Chekhaoa Enou neletao hi paoe, süolouzü neletao nou lüloua lekikhai molouzü, neletao nou Enou doushi bevahi soukhai touyu süna likheithe soubaimoa, deichi haina hai, ‘Mipoa zaihi zhaolouwo,’ tea paolouzü süsü souloulai.

MATHIU 21:31

Puhai hi kananou puh puo vei leli soue?” Puletao nou chila peie, “Tsüna noue.” Südonou Jisu nou puletao hi paoe, “Chechenou Enou neletao hi paowe, neletaojü rai-a kikha khamai ea khakhamai taonou Ramai Vedeihi vetare,

MATHIU 23:36

Chechenou Enou neletao hi paoe: sütaoye southeawuyu vei tudee pfüphou hai maikha haina pei hi velai!

MATHIU 24:2

Ana puhnou puletao hi chila peie, “Neletao nou sütao teitei hai ngaokhaire. Chechenou Enou neletao hi paoe, haihi khaopho kou moanou alinou ali pei hi shoa buyu chuh alia khailaimoe.”

MATHIU 24:47

Chechenou Enou neletao hi paowe, puhnou puhye panou puhvei buyu kina teitei pei hi kholai.

MATHIU 25:12

Ana sheerepu nou chila peie, ‘Chekhaoa Enou neletao hi paowe, Ewo neletaoye sümoe!’ ”

MATHIU 25:40

Alia Veonou puletao hi chila peilai, ‘Chekhaoa Enou neletao hi paoe, neletao nou tai-noukayu Athaihou jürai haitao hrohinou alihi soupeiyu hai neletao nou Ahi soupeiwe.’

MATHIU 25:45

Sükisü puhnou puletao hi chila peilai, ‘Chechenou Enou neletao hi paoe, neletao nou tai-noukayu haitao hinou alihi-a soukhapei moyu donou Eye soukhapei moe.’

MATHIU 5:26

Enou nehi chechenou paowe, nenou nevei zho pousha akhaina khapeimo koute sü ne sü sühinou bulai.

MATHIU 6:16

“Alia neletao nou lühyu kisü aveikho soumai büa veayu zhu pongaoso. Daiolouzü puletao nou lühyu hai maiye panou ngaoloure donou puletao zhu sü shira-a laiwe. Enou chekhao-a neletao hi paowe, puletao nou puletao buusü ngaoche loure.

MATHIU 6:2

“Südonou nenou toure hamaiye hatali peiyu kisü aveikho soumainou rathobuhtao ea luducho hinou souyu büa maiye podangaoso. Maikhe maiye panou puletaoye paosho loure donou sübüa puletao nou soue. Enou neletao hi paowe, puletao nou puletao buusü ngaoche loure.

MATHIU 8:10

Jisu nou haihai chouloukhaie khupare ea puhthaifüa laimaitaohi paoe, “Enou chechenou neletao hi paowe, Israel nahmaitao hrohinou haibüa lüyu mailia ngaokhai mohie.

MARK 10:15

Chechenou Enou neletao hi paowe, nahmai ali büa Ramai Vedei polou moyu maitalinou sühi hakia velou hoe.”

MARK 10:29

Jisu nou puletao hi paoe, “Enou neletao hi cheche chi paowe süolouzü Eye donou ea ko aveina donou puh ki, thaihou jüraimai, tumai, pfü-puo, nahmai, moa teidei thaowuyu maitalisü,

MARK 11:23

Achechenou Enou neletao hi paowe, maitalinou deichi haina hai, ‘Nelah miposhu zaihi zhaolouwo,’ tea paolouzü, alia puhle hinou lekikhai molouzü, ana puh nou paoyu sü vetelai tea louche louzü, süsü puhye donou soupeilai.

MARK 12:43

Alia Jisu nou puh rozümai taoye puh hi kuve dzüloua puletao hi paoe, “Enou neletao hi chechenou paowe, toure hayu meamaipfü haipainou maikukhe hrülai jünou sha podzübuh hainahi thoukou shohie.

MARK 13:30

Chechenou Enou neletao hi paoe, haitao veishi pamo koutesü maikha haina hai hata laimoe.

MARK 14:18

Alia puletao nou arübuh vanou toua bubu kinou, Jisu nou paoe, “Enou chekhaoa neletao hi paoe, neletao hrohinou alinou süolouzü Eye koa touyu nanou Eye shoh soupeilai.”

MARK 14:25

Chechenou Enou neletao hi paoe, Ramai Vedei hinou Enou sünahai sheetoua külaiyu teithe vemo koutesü, Enou darkha shi haina hinou küpukhai laimoe.”

MARK 14:30

Jisu nou Pitar hi paoe, “Enou nehi paowe, süolouzü zhoukhei houjünou khao ahaikho mojünou nenou Eye lüh asü laiwulai.”

MARK 14:9

Alia cheche nou Enou neletao hi paoe, deiphao teiteihi ko avei paodou tayu buh takihi puhnou soukhai touyu nasü puhye li-choloure donou paotalai.”

MARK 3:28

“Cheche vuzü Enou neletao hi paowe, maikhemai mah ea puletao nou Ramaiye paoshiyu pfüphou sü khaipeilai.

MARK 6:11

Alia buh tali hinou neletaoye shepei balouzü moa neletao chi keipei balouzü, buh süsü neletao nou thaowu-a tayu kisü, puletao pei hi motouyu lapeire donou neletao phihi naisü sülaiwo. Chechenou Enou neletao hi paowe, chikuyu teithe kisü nuhdu süna jünou Sodom ea Gomorrah nou shamealou veilai hie!”

MARK 8:12

Ana Jisu nou ssü liphou touloua paoe, “Daidonou maikha hainanou shee phousa? Chechenou Enou neletao hi paowe, maikha haina hisü sheelia peilai moe!”

MARK 9:1

Alia puhnou puletao hi thaomoa paoe, “Chechenou Enou neletao hi paowe, Ramai Vedei hai khouko nou pu veyu ngaomo koute thailai moyu mai kamai buh haihinou la-a bue.”

MARK 9:41

Enou neletao hi chechenou paowe, süolouzü neletao nou Khrista zhih pfüa tayu vanou maitalinou neletao hi dzüpaili peilouzü puhvei buu hai veimosoua ngaolai.

LUK NOU RÜYU KO AVEIBVÜ 11:51

süolouzü Abel vei zhe hinou shua sheelabuh ea Mashi buh kole hinou southeawuyu Zekharia vei zhe koute donou maikha haina hinou khüh phoulai. Ovai, Enou neletao hi paoe, sütao teitei donou maikha haina hinou khüh phoulai!

LUK NOU RÜYU KO AVEIBVÜ 12:37

Paopunou veyuki zhaihe-a tave ngaolouyu kilai sütaosü rakoveie; chekhaoa Enou neletao hi paowe, puhnou puhlah sakhya phuloua kukhemai taoye panou toure donou kou bulai ea puhnou tashuloua puletaoye kuvah soulai.

LUK NOU RÜYU KO AVEIBVÜ 13:35

Zhukhaio, nevei Rathoki sü thaowulai. Alia Enou nehi paowe, ‘Mapaowo zhih hinou tave louyu puhsü rako veie!’ tea nenou paomo koutesü nenou Eye ngaokhai laimoe.”

LUK NOU RÜYU KO AVEIBVÜ 16:17

Ana razhai hinou chah pei hi daopouyu li hatayu jüwo raki ea deiphao hatayu sünanou talahie.

LUK NOU RÜYU KO AVEIBVÜ 18:17

Enou neletao hi chekhaoa paoe, maita linou nahtumai ali büa Ramai Vedei nasü polou molouzü puhnou sühisü hatakia loulou hoe.”

LUK NOU RÜYU KO AVEIBVÜ 18:29

Jisu nou puletao hi paoe, “Chekhaoa Enou neletao hi paoe, Ramai Vedei donou maitalinou puhki moa puh chapfü moa thaihou-jürai moa pfüpuo moa nahmaitaoye thaowu louzü,

LUK NOU RÜYU KO AVEIBVÜ 23:43

Jisu nou puh hi paoe, “Chekhaoa, Enou nehi paowe, zhouh teithe hinou nenou Eye koa Paradise hinou ve bulai.”

LUK NOU RÜYU KO AVEIBVÜ 4:24

Puhnou paopukhaie, “Chekhaoa Enou neletao hi paoe, rachi paolamai taliye lah puh vei nuhbuh hisü sasa-a shepei tamoe.

JOHAN 1:51

Alia Jisu nou puletao hi paoe, “Enou neletao hi chichenou paowe, neletao nou raki houpayu alia rakivamai taonou Mai Nahpoutu peinou takou takheyu ngaolai.”

JOHAN 10:1

“Cheche vuzünou neletao hi Enou paowe, kikhu hinou talou moa ludu kukhe hinou zhaovehi talouyu puhsü avaomaie ea maivei saotou maie.

JOHAN 10:7

Südonou Jisu nou puletao hi paopukhaie, “Cheche vuzünou Enou neletao hi paowe, E hai zhaotu taovei kikhu nasüe.

JOHAN 12:24

Cheche vuzünou Enou neletao hi paowe, southou pfüli hai deiphihi dekou louloua thaimosa süna lah bubaiwe; ana sünasü thaita louzü thou alaosou shilouwe.

JOHAN 13:16

Cheche vuzünou Enou neletao hi paoe, kilai talia puh paopu jünou dumoe; moa seita-a buyu puhnou seipeiyu puh jünou dumoe.

JOHAN 13:38

Jisu nou chila peie, “Nenou Eye donou ne hriraisü peilaiwu? Cheche vuzünou Enou nehi paowe, nenou Eye vu asü laiwu mosasü houjünou khaolai moe!”

JOHAN 14:12

Cheche vuzünou Enou neletao hi paowe, ‘Eye loucheyu puhnou Enou souyu vahtao sü puh-a soulai; alia haitao jünou duyu vahtao-a puhnou soulai, daiolouzü Enou Apuohi tawe.

JOHAN 16:20

Cheche vuzünou Enou neletao hi paowe, neletaosü kralai ea dopfülai, ana deiphao maiwo le salai; neletao hai le vealai, ana neletao vei le veayu hai panou le sayuhi soudalai.

JOHAN 16:23

“Teithe sükisü neletao nou Ahinou halia kholaimoe. Cheche vuzünou Enou neletao hi paowe, neletao nou hatali Puo hinou kholouzü, puhnou Azhih hinou sünasü neletao hi peilai.

JOHAN 21:18

Cheche vuzünou Enou nehi paowe, nenou nahlebuki louzü nelah sahvealoua nenou taho nüyu buh hisü nenou tabaiwe; ana nenou tsüloulouzü, nenou nebah sü topalai, alia kukhe alinou neye phuloua nenou tanümoyu buh hi satalai.”

JOHAN 3:11

Chichenou Enou nehi paowe, Ehnou süyu nasü Ehnou paowe, alia Ehnou ngaolouyu na vanou Ehnou zhopaoh souwe; ana nelenou Eh vei zhopaoh popeibae.

JOHAN 3:3

Jisu nou puh hi chila peie, “Chichenou Enou nehi paowe, maita linoua nashulou molouzü, puhnou Ramai Vedei sü ngaolouhoe.”

JOHAN 3:5

Jisu nou chila peie, “Chichenou Enou nehi paowe, maita linou dzü hinou ea Rako hinou nalou molouzü, puhnou Ramai Vedei hi loulou hoe.

JOHAN 5:19

Jisu nou puletao hi paoe, “Cheche vuzünou Enou neletao hi paowe, Puonou soua buyu sü ngaoloua puhnou soubaimoa Nahpoutu lahnou puh madonou hatalia soulou hoe; daiolouzü Puonou souyu tasü Nahpoutu nou-a sükheihaoa souwe.

JOHAN 6:26

Jisu nou puletao hi chila peie, “Cheche vuzünou Enou neletao hi paoe, neletao nou Eye phoutayu hai shee khemaitao ngaolouyu vanou moe, ana neletao nou raokhao pouphou toulouyu vanou baie.

JOHAN 6:32

Südonou Jisu nou puletao hi paoe, “Cheche vuzünou Enou neletao hi paowe, raki hinou neletaoye raokhao peiyu nasü Moses moe; ana Apuonou neletaoye raki hinou acheche raokhao nasü peiabaie.

JOHAN 6:47

Cheche vuzünou Enou neletao hi paowe, louche louyu puhsü teisa ahri ngaoloure.

JOHAN 6:53

Südonou Jisu nou puletao hi paoe, “Cheche vuzünou Enou neletao hi paowe, neletao nou Mai Nahpoutu vasou toumo louzü ea puh zhe kümo louzü neletao hi ahri nasü hae.

JOHAN 8:34

Jisu nou puletao hi chila peie, “Enou neletao hi cheche vuzünou paowe, mah souyu mai talisü mah kilai nasüe.

JOHAN 8:51

Cheche vuzünou Enou neletao hi paoe, maita linou Achipao hai züa bulouzü puhnou athai sü ngaokhai laimoe.”

JOHAN 8:58

Jisu nou puletao hi paoe, “Cheche vuzünou Enou neletao hi paowe, Abraham ye namo jünou Esü bue.”

1 PITAR 1:25

ana Mapao vei chipaowo louzü teisanou bubaie.” Neletao hi paongao peiyu chipao haina hai Ko Avei nasüe.

PONGAOPEIYU 20:11

Süthaisü dushoyu vebuh kaali ea süvanou chobuyu puhye sü Enou ngaoe. Deiphao ea rakisü puh nghojünou tutare, alia sühaiye sü ngaopukhai more.